মিথুন চক্ৰবৰ্তী, ভাৰতীয় চলচ্চিত্ৰ জগতত তেওঁ ডিস্কো ডান্সাৰ৷ যাক কেন্দ্ৰ কৰি বাৰে বাৰে বক্স অফিচ এসময়ত গৰম হৈ থাকিছিল৷ প্ৰেক্ষাগৃহৰ সন্মুখত উপচি পৰিছিল ভিৰ, টিকত ব্লেকত বিক্ৰি হৈছিল৷ শুক্ৰবাৰ বুলিলেই ডিস্কো ডান্সাৰৰ চিনেমা চাবলৈ ৰৈ থাকে চিনেমাপ্ৰেমী৷ তেঁৱেই মিথুন চক্ৰবৰ্তী৷
বাংলা চিনেমাৰ পৰা হিন্দী চিনেমাৰ জগতত তেওঁ ছিক্স কোবাইছিল৷ চন তেতিয়া ১৮৭৬ মান হ’ব৷ কিংবদন্তি পৰিচালক মৃণাল সেনৰ হাতত ধৰি মৃগয়া ছবিৰে বলীউডত প্ৰৱেশ মিথুন চক্ৰবৰ্তীৰ৷ প্ৰথম ছবিতেই তেওঁ জনপ্ৰিয় হৈ উঠিল৷ হাতলৈ আহিল জাতীয় পুৰস্কাৰ৷ তাৰপাছতেই লেথাৰিকৈ ১৮ বছৰৰ সফল কেৰিয়াৰ৷ ১৯৮৬ চনত ডিস্কো ডান্সাৰ মিথুন হৈ উঠে বলীউডৰ সফল অভিনেতা৷ অন্যতম ছুপাৰষ্টাৰ৷
ইয়াৰপাছতেই সুৰক্ষা, হাম পাঁচ, ছহচ, ৱাৰদাত, শৌকিন, ৱাণ্টেড, বক্সাৰ, কছম, প্যাৰ ঝুকতা না, গুলামি, দিলৱাৰচি, শেওৱালা, ছোৱালা আণ্ডাৰ, অবিনাশ, ডান্স ডান্স, প্যায় কা মন্দিৰ, প্ৰেম প্ৰতিজ্ঞা, দাতা, মুজাৰিম, অগ্নিপথ, ৰাৱন ৰাজ ইত্যাদি একাধিক ছবি দৰ্শকক উপহাৰ দিছে তেওঁ৷
অৱশ্যে সফলতাৰ সমান্তৰালকৈ ব্যৰ্থতাও দেখিছে তেওঁ৷ ফ্লপ ছবিও কেইবাখনো আছে তেওঁৰ৷ নব্বৈৰ দশকৰ শেষৰ দিশত সলনি হৈ গৈছে তেওঁৰ কেৰিয়াৰৰ গ্ৰাফ৷ তাৰপাছতেই আৰম্ভ হয় পতন৷ অৱশ্যে পতন খুব বেছি স্থায়ী নহয়৷ কাৰণ তেতিয়া টলীউডত তেওঁৰ ছবি চলি আছিল৷ বলীউডৰ কেৰিয়াৰক অৱশ্যে তেওঁ বিদায় দিয়া নাই৷ গোলমাল-৩, হাউছফুল-২, ওএমি, অহ মাই গড, খিলাড়ী ৭৮৬, কিক, দ্যা তাছখন্দ ফাইলছ আৰু দ্যা কাশ্মীৰ ফাইলছ আদি ছবিত অভিনয় কৰিছে৷ ইয়াৰোপৰি টেলিভিছনতো তেওঁ বহু ৰিয়েলিটি শ্বত অংশগ্ৰহণ কৰি আহিছে৷
সেই সময়ত মৃগয়া ছবিৰ বাবে তেওঁ স্বামী বিবেকানন্দ ছবিৰ বাবে জাতীয় পুৰস্কাৰ পাইছে৷ এইবাৰ তেওঁ লাভ কৰিছে দাদা চাহেব ফাল্কে বঁটা৷ এই খবৰ প্ৰকাশ্যে অহা মাত্ৰকেই শুভেচ্ছাবাৰ্তাৰে সকলোৱে ভৰাই দিছে ফেছবুকৰ পৃষ্ঠা৷ চলিত বছৰৰ পূজাতো তেওঁৰ ছবি আহি আছে৷ তেওঁ অভিনয় কৰা ছবি শাস্ত্ৰীয়ে পূজাতেই মুক্তি লাভ কৰিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
