নামাজৰ সময়ত দুৰ্গাৰ বন্দনা হ’ব নোৱাৰিব- ইউনুছ চৰকাৰৰ নিৰ্দেশনা, ভাৰতৰ বিৰুদ্ধে থিয় দিছে বাংলাদেশ
মহম্মদ ইউনুছে শাসনভাৰ লোৱাৰ পাছৰে পৰা বাংলাদেশত বদলি হৈছে প্ৰায় সকলো। এইবাৰ দুৰ্গা পূজাতো ৰূপ সলাইছে ইউনুছ চৰকাৰে। প্ৰথমে দুৰ্গা পূজাক লৈ বহু মিলাপ্ৰীতিৰ ভাৱ দেখুৱাইছিল, পাছে এতিয়া এক বিপৰীত ছবিহে প্ৰকাশ পাইছে। ভাৰতৰ চুবুৰীয়া দেশখনত দুৰ্গা পূজা বুলিলে বুলিবলৈ নাছিল, সেই দেশত এইবাৰ দুৰ্গাৰ প্ৰতিমা বহু ঠাইত ভাঙি দিয়া বুলি খবৰ প্ৰকাশ পাইছে।
আৰম্ভণিতে দেশখনত মহম্মদ ইউনুছ খান চৰকাৰে প্ৰতি পেণ্ডেলে পেণ্ডেলে সুৰক্ষাৰ বাবে মাদ্ৰাছাৰ ছাত্ৰ বোৰক ৰখাৰ কথা আছিল। সেই উদ্দেশ্যে নিৰ্দেশনাও জাৰি কৰিছিল বাংলাদেশৰ নতুন চৰকাৰে। পাছে এতিয়া সকলো সলনি হোৱা পৰিলক্ষিত হৈছে। যাক লৈ এতিয়া উত্তাল পৰিবেশে দেখা দিছে দেশখনত।
সুৰক্ষাৰ কাৰণ দোহাই দি হিন্দু সকলক দুৰ্গা পূজা উদযাপনত বাধা প্ৰদান দেশখনৰ চৰকাৰৰ। লগতে এক বিশেষ নিৰ্দেশনা জাৰি, নামাজৰ সময়ত দুৰ্গা পূজাৰ কোনো মন্ত্ৰোচ্চাৰণ তথা প্ৰাৰ্থনা তথা বন্দনা গাব নোৱাৰিব। কোনো ভজন অনুষ্ঠানো অনুষ্ঠিত কৰিব নোৱাৰিব। ইয়াৰ উপৰিও ভিন্ন প্ৰান্তৰ দুৰ্গাৰ প্ৰতিমা ভাঙি দিয়াৰ লগতে দান পাত্ৰ লুট কৰি নিয়া খবৰ।
আনহাতে বাংলাদেশে বৰ্তমানে মুকলিকৈ ভাৰতৰ বিৰোধ কৰিবলৈ আৰম্ভ কৰিছে। ভাৰতত থকা বাংলাদেশৰ দূতক উভতাই মাতি পঠিয়াইছে বাংলাদেশৰ নতুন চৰকাৰে। কেৱল ভাৰতৰে নহয় প্ৰাপ্ত খবৰ অনুসৰি ভাৰতৰ লগতে মুঠ ৫ খন দেশৰ পৰা দূতক উভতাই মাতি পঠিয়াইছে ইউনুছ চৰকাৰে। ভাৰতৰ বাহিৰে অন্য ৪ দেশ হৈছে- সংযুক্ত ৰাষ্ট্ৰ, অষ্ট্ৰেলিয়া, বেলজিয়াম আৰু পৰ্টুগাল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
