প্ৰেমিকৰ সৈতে মধুৰ সময় কটোৱাৰ পাছতে প্ৰাণ হেৰুৱালে প্ৰেমিকাই, গুজৰাটত চাঞ্চল্য
প্ৰেমিকৰ সৈতে মধুৰ সময় কটোৱাৰ উদ্দেশ্যে লগ হৈছিল এহাল প্ৰেমিক প্ৰেমিকা। এই খবৰ গুজৰাটৰ। এখন হোটেলত মধুৰ সময় কটাই দুয়ো প্ৰেমিক-প্ৰেমিকাই। কিন্তু সেই মধুৰ সময় কটোৱাৰ পাছতে অকাল মৃত্যুক সাৱটি লয় প্ৰেমিকাই। যি ঘটানই এতিয়া চাঞ্চল্যৰ সৃষ্টি কৰিছে গুজৰাটত।
ঘটনা সন্দৰ্ভত জানিব পৰা অনুসৰি, যৌন সম্পৰ্ক স্থাপনৰ পাছতে ৰক্তক্ষৰণ হবলৈ ধৰে ২৩ বছৰীয়া নাৰ্চিং স্নাতক যুৱতীগৰাকীৰ। পাছলৈ অত্যধিক ৰক্তক্ষৰণ হয়। যি দৃশ্য দেখি ভয়তে দুয়ো প্ৰেমিক-প্ৰেমিকাই চিকিৎসাৰ সহায় লোৱাৰ পৰিৱৰ্তে অনলাইনত ইয়াৰ প্ৰতিকাৰ বিচাৰে।
যোৱা ২৩ ছেপ্টেম্বৰত ৰাজ্যখনৰ নৱসাৰি জিলাৰ এখন হোটেলত দম্পতীহালে চেক ইন কৰিছিল। আৰক্ষীয়ে বৰ্তমানে এই ঘটনাৰ অভিযুক্ত হিচাপে ২৬ বছৰীয়া প্ৰেমিকক আটক কৰিছে। আৰক্ষীৰ খবৰ অনুসৰি যৌন সম্পৰ্কৰ সময়ত যুৱতীগৰাকীৰ অত্যাধিক তেজ ওলাবলৈ ধৰে, যাৰ ফলত দম্পতীহালে আতংকিত হৈ পৰে। কিন্তু প্ৰেমিকজনে চিকিৎসালয়লৈ নিয়াৰ পৰিৱৰ্তে অনলাইনৰ জৰিয়তে ইয়াৰ সমাধানৰ চেষ্টা চলায়।
আৰক্ষী বিষয়াসকলে কয় যে প্ৰমিকে প্ৰথমে কাপোৰ ব্যৱহাৰ কৰি তেজ ওলোৱা বন্ধ কৰিবলৈ চেষ্টা কৰিছিল যদিও কাম দিয়া নাছিল। পাছত অধিক ৰক্তক্ষৰণ হৈ যুৱতীগৰাকী অজ্ঞান হৈ যায়, তেতিয়াহে প্ৰেমিকে বন্ধু এজনক সহায় বিচাৰি ফোন কৰে।”
অৱশেষত দম্পতীহালক ব্যক্তিগত চিকিৎসালয়লৈ লৈ যোৱা হয়, যিয়ে তেওঁলোকক অসামৰিক চিকিৎসালয়লৈ প্ৰেৰণ কৰে। কিন্তু দুৰ্ভাগ্যজনকভাৱে চিকিৎসালয় পোৱাৰ লগে লগে যুৱতীগৰাকী মৃত ঘোষণা কৰে। ঘটনাৰ পিছতে প্ৰেমিকজনে প্ৰেমিকাৰ পিতৃ-মাতৃকো ফোনযোগে খবৰ দিয়ে।
ইয়াৰ পিছতে আৰক্ষীয়ে যুৱতীগৰাকীৰ মৃতদেহ চুৰাট অসামৰিক চিকিৎসালয়ত ফৰেনছিক পৰীক্ষাৰ বাবে প্ৰেৰণ কৰে। তদন্তৰ অন্তত প্ৰেমিকক গ্ৰেপ্তাৰ কৰা হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
