অতি শোকাৱহ, নিষ্ঠুৰতাৰে বহুবাৰ আঘাট, মৰণোত্তৰ পৰীক্ষাৰ প্ৰতিবেদনে কঁপাই তুলিব আপোনাকো
উত্তৰ প্ৰদেশৰ বাহৰেইচ জিলাৰ মাহছি তহচিলৰ মহাৰাজগঞ্জ অঞ্চলত মূৰ্তি বিসৰ্জনৰ সময়ত হোৱা হুলস্থুলত হত্যা কৰা ৰাম গোপাল মিশ্ৰৰ মৰণোত্তৰ পৰীক্ষাৰ প্ৰতিবেদন প্ৰকাশ। প্ৰতিবেদনত কোৱা হৈছে যে ৰাম গোপালক অতি নিৰ্মমভাৱে হত্যা কৰা হৈছে। ১২ ব’ৰ অস্ত্ৰৰে গুলীচালনা কৰা হৈছিল ৰাম গোপালক।
ইয়াৰ উপৰিও মৰণোত্তৰ পৰীক্ষাৰ প্ৰতিবেদনত দুইডজনৰো অধিক পেলেট আঘাতৰ কথা উল্লেখ আছে। শ্বক আৰু অত্যধিক আভ্যন্তৰীণ ৰক্তক্ষৰণ ফলত মৃত্যু হোৱাৰ তথ্য পোৱা গৈছে। বাওঁ চকুত চোকা অস্ত্ৰৰে আক্ৰমণ কৰা বুলি প্ৰকাশ। গধুৰ বস্তুৰে মূৰত আক্ৰমণ। ভৰিৰ নখবোৰ উলিয়াই দিয়ৰ চেষ্টা কৰাৰো প্ৰমাণ।
উল্লেখ্য যে, অভিযুক্ত আব্দুল হামিদৰ হাতত ১২ ব’ৰৰ চিংগল বেৰেল লাইচেন্সযুক্ত বন্দুক আছে। সেই বন্দুকেৰেই ৰাম গোপালৰ হত্যাৰ কৰাৰ কথা পোহৰলৈ আহিছে। ঘটনাৰ পিছৰে পৰা আব্দুল হামিদ আৰু তেওঁৰ দুই পুত্ৰ ছাৰফৰাজ ওৰফে ছলমান ওৰফে ৰিংকু আৰু ফাহিম পলাতক হৈ আছে।
সূত্ৰ অনুসৰি, নাম উল্লেখ কৰা তিনিওজন অভিযুক্তই নেপালত থকা আত্মীয়ৰ ঘৰত আত্মগোপন কৰি আছে। আব্দুল হামিদৰ নেপালতো এখন ব্যৱসায়িক দোকান আছে। এই কাৰ্য্যৰ অংশ হিচাপে মহাচী চক্ৰৰ চি অ’ ৰূপেন্দ্ৰ গৌৰক অপসাৰণ কৰা হয়। নতুন চক্ৰ বিষয়া ৰবি খোখৰক নিযুক্তি দিয়া হৈছে।
এই হিংসাত্মক গোচৰত এতিয়ালৈকে আৰক্ষীয়ে ৫০ জন লোকক গ্ৰেপ্তাৰ কৰিছে। লগতে এই পৰ্যন্ত ৩টা এফআইআৰ পঞ্জীয়ন কৰা হৈছে। হিংসাত্মক ঘটনাৰ তৃতীয় দিনা এতিয়া নিয়ন্ত্ৰিত হৈছে পৰিস্থিতি। প্ৰতিটো চুক-কোণত আৰক্ষী মোতায়েন কৰা হৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
