ভাৰতীয় চিনেমাৰ ইতিহাস সৃষ্টিকাৰী অভিনেতা, ৮৫ নায়িকাৰ সৈতে কাম কৰিছে ৯০০ খন ছবিত
মনোৰঞ্জন জগতৰ প্ৰতিজন তাৰকাই নিজকে প্ৰমাণ কৰিবলৈ কঠোৰ পৰিশ্ৰম কৰে। বলীউডৰ তাৰকা হওক বা দক্ষিণৰ ছুপাৰষ্টাৰ হওক। তাৰেই মাজত ভাৰতীয় চলচ্চিত্ৰ জগতৰ এজন এনে তাৰকা, যিয়ে নিজৰ কেৰিয়াৰত প্ৰায় ৯০০খন ছবিত কাম কৰিছিল।
এইগৰাকী ছুপাৰষ্টাৰে নিজৰ অভিনয় কেৰিয়াৰত ৭০০খন ছবিত মুখ্য চৰিত্ৰত অভিনয় কৰিছিল আৰু তাৰে ভিতৰত ৪০খন ছবিত দৈত চৰিত্ৰত অভিনয় কৰি মানুহৰ হৃদয় জয় কৰিছিল।
সেই অভিনেতাগৰাকী হৈছে- ছুপাৰষ্টাৰ ‘প্ৰেম নাজিৰ’। দক্ষিণৰ ছবিৰে নিজৰ কেৰিয়াৰ আৰম্ভ কৰিছিল আৰু এবছৰত সৰ্বাধিক ছবি মুক্তিৰ অভিলেখ গঢ়িছিল। নাজিৰে এবছৰত ৩৯খন ছবিত অভিনয় কৰিছিল। মালয়ালম চলচ্চিত্ৰ উদ্যোগক বিশ্বব্যাপী স্বীকৃতি প্ৰদানৰ কৃতিত্বও তেওঁৰ।
প্ৰেম নাজিৰে ১৯৫২ চনত ‘মাৰুমকাল’ ছবিৰ জৰিয়তে আত্মপ্ৰকাশ কৰিছিল। ইয়াৰ পিছত তেওঁ ‘ভিছাপিণ্টে উইলি’ ছবিখনত গুৰুত্বপূৰ্ণ ভূমিকা পালন কৰিছিল, যিয়ে তেওঁক বহুত জনপ্ৰিয়তা প্ৰদান কৰে, আৰু প্ৰেম নাজিৰৰ নাম জনপ্ৰিয় হৈ পৰে।
প্ৰেম নাজিৰৰ প্ৰকৃত নাম আছিল ‘আব্দুল খাদৰ’, কিন্তু উদ্যোগটোত নিজৰ প্ৰভাৱ প্ৰতিষ্ঠা কৰিবলৈ তেওঁ নিজৰ নাম সলনি কৰি ‘প্ৰেম নাজিৰ’ কৰি লৈছিল, যিটো নাম পিছলৈ মালয়ালম চলচ্চিত্ৰ জগতৰ লগতে ভাৰত তথা বিশ্বতে বিখ্যাত নাম হৈ পৰিছিল।
ইয়াৰ লগতে যদি নাজিৰৰ ব্যক্তিগত জীৱনৰ কথা কওঁ, তেন্তে তেওঁৰ বিয়া হৈছিল হবিবা বিৱিৰ সৈতে। দম্পতীহালৰ এজন পুত্ৰ, আৰু তিনিগৰাকী কন্যা সন্তান আছে। ১৯৮৩ চনত পদ্মভূষণ সন্মানেৰে সন্মানিত কৰা হয় প্ৰেম নাজিৰক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
