কৃষ্ণসাৰ নহয়, এইটোহে মুখ্য কাৰণ ছলমানক ভবুকি দিয়াৰ, লৰেঞ্চে নিজেই সদৰি কৰিলে আৰক্ষীৰ আগত
বলীউডৰ ভাইজান ছলমান খান আৰু গেংষ্টাৰ লৰেন্স বিষ্ণয়ক মাজৰ কথা সকলোৱে জানে। বিষ্ণই গেঙৰ পৰা অহৰহ ভাবুকি পাই আছে ছলমান খানে। বাবা ছিদ্দিকীৰ হত্যাকাণ্ডৰ পিছত পৰিয়ালৰ পৰা প্ৰশাসনলৈকে সকলোৱে চিন্তিত হৈ পৰিছে অভিনেতাজনৰ নিৰাপত্তাক লৈ।
এতিয়া লৰেন্স বিষ্ণোই নিজেই নিজৰ বক্তব্যত স্বীকাৰ কৰিছে যে কিয় আৰু কি কাৰণত তেওঁ ছলমান খানক হত্যা কৰাৰ ভাবুকি দিছিল। দিল্লী আৰক্ষীৰ আগচ লৰেঞ্চে ভাষ্য দিয়া বুলি সদৰি দিল্লী আৰক্ষীৰ।
কৃষ্ণসাৰ ঘটনা সন্দৰ্ভত ছলমান খানৰ বিৰুদ্ধে ধাৰাবাহিকভাৱে বিভিন্ন বক্তব্য দিছে মানুহে। কোনোবাই কৈছে যে ছলমান খানে এই বিষয়ত বিষ্ণই সম্প্ৰদায়ৰ ওচৰত ক্ষমা খুজিব লাগে, আনহাতে কোনোৱে কৈছে যে দুয়োজনে টি আৰ পি পাবলৈ এই কাম কৰিছে।
আনহাতে দিল্লী আৰক্ষীয়ে সদৰি কৰা অনুসৰি- লৰেঞ্চে কৃষ্ণসাৰ তথা ক’লা হৰিণৰ বাবে নহয়, অন্যহে আচল কাৰণ ছলমান খানক ভাবুকি দিয়াৰ। লৰেন্স বিষ্ণোই দিল্লী আৰক্ষীক দিয়া বক্তব্যত কয় যে, লৰেঞ্চে সংবাদ মাধ্যমৰ দৃষ্টি আকৰ্ষণ কৰিবলৈহে এই কাম কৰিছিল। তাৰোপৰি বিষ্ণই সমাজত ডাঙৰ নাম কৰিব বিচাৰিছিল লৰেঞ্চে।
দিল্লী আৰক্ষীয়ে সদৰি কৰা অনুসৰি লৰেঞ্চৰ ভাষ্য-
‘বাসুদেৱ ইৰাণীৰ হত্যাকাণ্ডৰ গোচৰত মোক গ্ৰেপ্তাৰ কৰি যোধপুৰলৈ অনা হৈছিল, য’ত মোক আদালতত হাজিৰ কৰা হৈছিল। আদালতৰ পৰা ওলাই অহাৰ সময়তে ছলমান খানো একেখন আদালততে ডেটত আহিছিল। মই তেওঁক হত্যা কৰাৰ ভাবুকি দিছিলো কাৰণ ছলমান খানে কৃষ্ণসাৰ চিকাৰ কৰিছিল কিন্তু তেওঁ আদালতৰ পৰা শাস্তি পোৱা নাছিল। কেৱল সংবাদ মাধ্যমত আৰু বিষ্ণই সমাজত নাম কৰাৰ বাবে এই কাম কৰিলোঁ। ছলমান খানক ভাবুকি দিয়াৰ গোচৰতো মোক গ্ৰেপ্তাৰ কৰা হৈছিল।
উল্লেখ্য যে, দিল্লী আৰক্ষীয়ে সদৰি কৰা অনুসৰি, লৰেন্স বিষ্ণোইয়ে ২০২১ চনৰ ৩০ মাৰ্চত দিল্লী আৰক্ষীৰ বিশেষ কোষক এই বক্তব্য দিছিল। অৱশ্যে এই সন্দৰ্ভত সত্যতা কিমান আছে সেই বিষয়ে জনা নাযায়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
