আহি গ’ল নিৰ্বাচনী বিশেষ অফাৰ- ‘ভোট দি আহক, পেট ভৰাই মাংসৰে ভাত খাওক’, ক’ত কিদৰে পাব এই সুবিধা
১৩ নৱেম্বৰত দেশত উপনিৰ্বাচন। দেশৰ ৩৯ টা সমষ্টিত অনুষ্ঠিত হ’ব লোকসভাৰ এই উপ-নিৰ্বাচন। সেই উদ্দেশ্যে কেউটা সমষ্টিতে আৰম্ভ হৈছে নিৰ্বাচনী প্ৰচাৰ। প্ৰাৰ্থী সকলে দাখিল কৰিবলৈ আৰম্ভ হৈছে মনোনয়ন। কাৰণ ২৫ অক্টোবৰ মনোনয়ন দাখিলৰ অন্তিম তাৰিখ।
অসমতো গৰম হৈ পৰিছে নিৰ্বাচনী বতৰ। বিজেপি কিম্বা কংগ্ৰেছ দুয়ো দলে নিজ নিজ প্ৰাৰ্থীৰ নাম সদৰি কৰিছে নিৰ্বাচনী যুঁজৰ বাবে।
তাৰেই মাজতে পোহৰলৈ আহিছে ঝাৰখণ্ডৰ এক বিশেষ খবৰ। ঝাৰখণ্ড বিধানসভা নিৰ্বাচনৰ প্ৰস্তুতি পূৰ্ণগতিত চলি আছে। ঝাৰখণ্ডৰ ৰাজধানী ৰাঁচীত ভোটাৰ সকলৰ বাবে আহিছে এক বিশেষ অফাৰ।
‘ভোট দি আহক, মাংস-ভাত খাই যাওক।’ ভোট দি উভতি অহা সকলৰ বাবে এই বিশেষ অফাৰ লৈ থাকিব এগৰাকী ব্যৱসায়ী। ব্যৱসায়ীগৰাকীয়ে দিয়া এই অফাৰত ভোট দিওতা সকলক মুৰ্গী মাংসৰে সম্পূৰ্ণ বিনামূলীয়াকৈ ভাত এসাঁজ।
অৱশ্যে এই অফাৰটো আপুনি ৰাঁচীৰ ভেণ্ডৰ মাৰ্কেটৰ ঠিক কাষতে অৱস্থিত পৌৰ নিগমৰ পাৰ্কিং স্লটত পাব। য’ত আদৰ্শ নামৰ লোকগৰাকীৰ খাদ্যৰ হোটেল এখন আছে। সেই হোটেলখনৰেই মালিক আদৰ্শই কয় যে,- আমি লোকসভা নিৰ্বাচনতো এনে আঁচনি ৰাখিছিলোঁ। আমি প্ৰায় ৫০০ প্লেট বিনামূলীয়াকৈ দিলোঁ। এইবাৰো আমাৰ টাৰ্গেট ৫০০, কমেও ৫০০ জনক বিনামূলীয়াকৈ খাদ্য যোগান ধৰাৰ। অৱশ্যে ইয়াৰ পিছতো অহা ভোটাৰসকলেও এই অফাৰৰ সম্পূৰ্ণ সুবিধা লাভ কৰিব।
আদৰ্শই কয় যে যেতিয়া মানুহে ভোট দি আমাৰ ওচৰলৈ আহিব তেতিয়া মাত্ৰ ভোট দিয়াৰ প্ৰমাণ হিচাপে আঙুলিৰ চিয়াঁহী দেখুৱাালেই হ’ব। ইয়াৰ পিছত তেওঁলোকে বিনামূলীয়াকৈ লাভ কৰিব মুৰ্গী মাংসৰে ভাত।
আদৰ্শই এই ক্ষেত্ৰত কয় যে এনে অফাৰৰ আঁৰৰ একমাত্ৰ উদ্দেশ্য হৈছে মানুহক নিৰ্বাচনৰ বিষয়ে সজাগ কৰা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
