আলিগড়ত বিলাসবহুল বাংলো ক্ৰয় কৰিলে ৰিংকু সিঙে৷ কলকাতা নাইট ৰাইডাৰ্ছে ১৩ কোটি টকাৰে ক্ৰয় কৰিলে নতুন বাংলো৷ ২০২৩ চনৰ আইপিএলত গুজৰাট টাইটান্সৰ বিৰুদ্ধে আহমেদাবাদৰ নৰেন্দ্ৰ মোদী ষ্টেডিয়ামত শেষ অভাৰত পাঁচটা ছিক্স কোবাই কেকেআৰক ৰুদ্ধশ্বাস মেচ জিকাইছিল ৰিংকু সিঙে৷ তাৰপাছতেই টি-২০ ক্ৰিকেটত তাৰকাৰ মৰ্যাদা লাভ কৰে ৰিংকু সিঙে৷
আইপিএলৰ সাফল্যৰ পাছত ভাৰতীয় দলতো সুযোগ পাইছে ৰিংকুৱে৷ কেকেআৰৰ কৰ্ণধাৰ শ্বাহৰুখ খানৰো প্ৰিয় ৰিংকু৷ আইপিএলত ৰিংকুক এইবাৰ সকলোতকৈ বেছি ১৩ কোটি টকা খৰচ কৰি ধৰি ৰাখিছে কেকেআৰ কৰ্তৃপক্ষই৷ তাৰপাছতেই আলিগড়ত নতুন বাংলো কিনিছে টি-২০ ক্ৰিকেটত দেশৰ অন্যতম ফিনিছাৰ ৰিংকুৱে৷
পৰিয়ালৰ সকলোৰে উপস্থিতিত নতুন ঘৰৰ চাবি হাতত পাইছে ৰিংকুৱে৷ সেই ছবি ভাইৰেল হৈছে সামাজিকমাধ্যমত৷ এতিয়া পৰ্যন্ত দেশৰ হৈ ২খন এদিনীয়া মেচ আৰু ২৬খন টি-২০ মেচ খেলিছে ৰিংকুৱে৷ বিগত টি-২০ বিশ্বকাপত দলৰ হৈ তেওঁ সুযোগ নোপোৱাৰ প্ৰশ্ন উঠিছিল৷ ভাৰতীয় দলৰ সৈতে ষ্টেণ্ড বাই হিচাপে আমেৰিকা-ৱেষ্ট ইণ্ডিজলৈকো গৈছিল তেওঁ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
