‘দ্যা গ্ৰেটেষ্ট শ্ব’ অন আৰ্থ’ আয়োজিত হ’ব ভাৰতৰ মাটিত! সেই সপোন পূৰ্ণ হোৱাৰ পথত ভাৰতৰ বাধা হৈ ঠিয় দিছে মুঠ ৪খন দেশ৷ মূলত মধ্যপ্ৰাচ্যৰ এই দেশকেইখনক পিছপেলাব পাৰিলেই নতুন দিল্লী আৰু আহমেদাবাদত অলিম্পিক আয়োজন সম্ভৱ হৈ উঠিব৷
২০৩৬ চনত অলিম্পিক আয়োজন কৰিবলৈ আনুষ্ঠানিকভাৱে চিঠি দিছে ভাৰতীয় অলিম্পিক সংস্থাই৷ কেৱল অলিম্পিকেই নহয় পেৰালিম্পিকো আয়োজন কৰিব বিচাৰিছে ভাৰতে৷ কিন্তু মূল সমস্যাটো হৈছে ভাৰতৰ ওপৰিও ২০৩৬তন অলিম্পিক আয়োজনৰ বাবে আনুষ্ঠানিক চিঠি প্ৰদান কৰিছে অইন কেইবাখনো দেশে৷ আন্তৰ্জাতিক অলিম্পিক কমিটিৰ সভাপতি টমাছ বাখে জনোৱা অনুসৰি ২০৩৬ চনত অলিম্পিক আয়োজনৰ দাবিদাৰ দেশৰ সংখ্যা ১০খনতকৈয়ো বেছি৷ এই ১০দেশৰ মাজত ভাৰতৰ মূল প্ৰতিপক্ষ হৈছে কাটাৰ, ছৌদি আৰৱ, তুৰস্ক আৰু ইন্দোনেছিয়া৷ প্ৰকৃততে অলিম্পিকত এক অলিখিত নিয়ম আছে৷
প্ৰতিবছৰে পৃথক পৃথক মহাদেশত অলিম্পিক আয়োজন কৰা হয়৷ এই বছৰ যেনেকৈ পেৰিছত অলিম্পিক হ’ল তেনেকৈ পৰবৰ্তী অলিম্পিক হ’ব লছ এঞ্জেলছত৷ তাৰপাছতেই ২০৩২ চনৰ বাবে নিৰ্দিষ্ট কৰা হৈছে অষ্ট্ৰেলিয়াৰ ব্ৰিছবেনক৷ সেই দিশৰ পৰা চাবলৈ গ’লে ২০৩৬ চনত অলিম্পিক হ’ব পাৰে এছিয়া মহাদেশৰ কোনো এখন চহৰত৷ এছিয়াৰ পৰা ২০৩৬ চনৰ অলিম্পিকৰ বাবে বিড কৰিছে মুঠ ৫খন দেশে৷ ভাৰতৰ ওপৰিও কাটাৰ, ছৌদী আৰৱ, তুৰস্ক আৰু ইন্দোনেছিয়া আছে এই যুঁজত৷
ইয়াৰ মাজতেই কাটাৰৰ বিশ্বকাপ ফুটবল আয়োজনৰ অভিজ্ঞতা আছে৷ কিন্তু ২০৩৬ চনৰ পূৰ্বে ইউৰোপিয়ান গেমছ হ’ব, ফুটবলৰ ইউৰো কাপো হ’ব৷ সেই অভিজ্ঞতাক কামত লগাব পাৰে তুৰস্কইয়ো৷ ছৌদীয়ে নিজৰ অৰ্থবল ব্যৱহাৰ কৰি অলিম্পিক আয়োজনৰ সপোন দেখিছে৷ এই যুঁজত অৱশ্যে ভাৰততকৈ কিছু পিছপৰি আছে ইন্দোনেছিয়া৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
