মহাৰেকৰ্ডৰ ওপৰত দৃষ্টি নিবদ্ধ সঞ্জু চেমছনৰ, শতকৰ হেট্ৰিক অৰ্জন কৰাৰ সম্ভাৱনা
বিস্ফোৰক ফৰ্মত থকা সঞ্জু চেমছনৰ পৰা ভাৰতীয় দলটোৱে আন এক মহান ইনিংছ আশা কৰিছে। আজি দেওবাৰে ভাৰত আৰু দক্ষিণ আফ্ৰিকাৰ মাজত অনুষ্ঠিত হ’ব দ্বিতীয়খন টি-২০ মেচ। টিম ইণ্ডিয়াই একেৰাহে দ্বিতীয়বাৰৰ বাবে খেলত জয়ী হৈ বিজয় অভিযান অব্যাহত ৰাখিব বিচাৰিছে।
আজিৰ খেল খন ভাৰতীয় দলৰ বাবে যিদৰে গুৰুত্বপূৰ্ণ , তেনেদৰে সঞ্জু ছেমছনৰ বাবেও অতিকে বিশেষ। কিয়নো আজিৰ খেল খনত যদি সঞ্জুই শতক অৰ্জন কৰে , তেন্তে এক মহা ৰেকৰ্ড গঢ়িবলৈ সক্ষম হব। যি ৰেকৰ্ড আজি পৰ্যন্ত কোনো খেলুৱৈয়ে কৰিবলৈ সক্ষম হোৱা নাই।
অ’পেনাৰ সঞ্জু চেমছনে বিগত দুখন মেচত একেৰাহে দুটা টি-২০ শতক অৰ্জন কৰিছে। যাৰ বাবে আজিৰ খেলখনটো সঞ্জুৰ পৰা শতক আশা কৰিছে ভাৰতীয় দলে। যদিহে আজি তৃতীয়টো শতক অৰ্জন কৰিবলৈ সক্ষম হয় তেন্তে এক মহা ৰেকৰ্ড গঢ়িবলৈ সক্ষম হব সঞ্জু ছেমছনে।
দক্ষিণ আফ্ৰিকাৰ বিৰুদ্ধে খেলা ডাৰবানৰ প্ৰথমখন মেচত চেমছনে ৫০টা বলত ১০৭ ৰানৰ উজ্জ্বল ইনিংছ খেলিছিল, যাৰ বাবে ভাৰতে ৬১ ৰানৰ ব্যৱধানত খেলখন বিজয় সাব্যস্ত কৰিছিল। সেয়া আছিল সঞ্জুৰ একেৰাহে দ্বিতীয়টো শতক।
ইয়াৰ পূৰ্বৰ টি-২০ খেল খন সঞ্জুই খেলিছিল বাংলাদেশৰ বিৰুদ্ধে ১২ অক্টোবৰত । সেই খেলখনত সঞ্জুই ১১১ ৰানৰ প্ৰথমটো শতক অৰ্জন কৰিছিল। এইবাৰ আজি তৃতিয়খন টি-২০ খেলিবলৈ গৈ আছে সঞ্জু।
যদি আজি শতক সম্ভৱ হয় , তেন্তে ই ৰেকৰ্ডত পৰিণত হব। যি পূৰ্বে কোনো খেলুৱৈয়ে কৰিবলৈ সক্ষম হোৱা নাই। কেৱল টি-২০ত একেৰাহে দুটা শতক অৰ্জন কৰা খেলুৱৈৰ তালিকাত আছে ৩ গৰাকী খেলুৱৈ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
