আজি দেশৰ ৫১ সংখ্যক মুখ্য ন্যায়াধীশ হিচাপে শপত ল’ব ন্যায়াধীশ সঞ্জীৱ খান্নাই
আজি ১১ নৱেম্বৰ ২০২৪ সোমবাৰে দেশৰ ৫১ সংখ্যক মুখ্য ন্যায়াধীশ হিচাপে পৰিগণিত হ’ব ন্যায়াধীশ সঞ্জীৱ খান্না। পুৱা ১০ বজাত ৰাষ্ট্ৰপতি ভৱনত তেওঁক কাৰ্যভাৰ আৰু গোপনীয়তাৰ শপত গ্ৰহণ কৰিব। দেওবাৰে অৱসৰ গ্ৰহণ কৰা ন্যায়াধীশ ডি ৱাই চন্দ্ৰচূড়ৰ ঠাইত নতুন ন্যায়াধীশ হ’ব ন্যায়াধীশ খান্নাই।
ন্যায়ধীশ সঞ্জীৱ খান্নাৰ কাৰ্যকাল আজি ১১ নৱেম্বৰৰ ২০২৪ৰ পৰা আৰম্ভ হৈ ২০২৫ চনৰ ১৩ মে’লৈকে চলিব। নিৰ্বাচনী বণ্ড আঁচনি শেষ কৰা আৰু ৩৭০ অনুচ্ছেদ বাতিল কৰাৰ দৰে ঐতিহাসিক সিদ্ধান্তৰ অংশ আছিল ন্যায়াধীশ খান্না। চিজেআই হিচাপে তেওঁৰ অগ্ৰাধিকাৰ হৈছে বিচাৰাধীন গোচৰৰ সংখ্যা হ্ৰাস কৰা আৰু ন্যায়ৰ গতি ক্ষিপ্ৰ কৰা।
দিল্লীৰ এক সন্মানীয় পৰিয়ালৰ অন্তৰ্গত ন্যায়াধীশ সঞ্জীৱ খান্নাই তৃতীয় প্ৰজন্মৰ অধিবক্তা হিচাপে কাম কৰি আহিছে। ন্যায়াধীশ হোৱাৰ পূৰ্বে তেওঁ ১৯৮৩ চনত তিছ হাজাৰী আদালতত আইন প্ৰেকটিছ আৰম্ভ কৰিছিল। দিল্লী উচ্চ ন্যায়ালয়তো আইন চৰ্চা কৰিছিল আৰু এতিয়া আগন্তুক ছমাহলৈ দেশৰ মুখ্য ন্যায়াধীশৰ পদত অধিষ্ঠিত হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
