প্ৰথম নিৰ্বাচনী পৰীক্ষাতেই ভাল মাৰ্কচ পাই আগুৱাইছে প্ৰিয়ংকা৷ ৱায়নাড লোকসভা উপনিৰ্বাচনত আগুৱাইছে কংগ্ৰেছ প্ৰাৰ্থী প্ৰিয়ংকা গান্ধী৷ বিজেপি প্ৰাৰ্থী নভ্যা হৰিদাসৰ পৰা ৮৫ হাজাৰতকৈ বেছি ভোটত আগুৱাইছে প্ৰিয়ংকা গান্ধী৷ এই নিৰ্বাচনেৰেই প্ৰিয়ংকা গান্ধীয়ে প্ৰত্যক্ষ ৰাজনীতিত প্ৰৱেশ কৰিছে৷
দীৰ্ঘ সময় ধৰি সক্ৰিয় ৰাজনীতিত যুক্ত হৈ থাকিলেও প্ৰিয়ংকাই এয়াই প্ৰথম নিৰ্বাচনত প্ৰতিদ্বন্দিতা কৰিছে৷ এইবাৰৰ লোকসভা নিৰ্বাচনত দুখত আসনৰ পৰা প্ৰাৰ্থী হৈছিল কংগ্ৰেছ নেতা ৰাহুল গান্ধী৷ এফালে ৰায়বৰেলী আৰু অন্যফালে ৱায়নাড৷ দুখন আসনতে জয়ীও হৈছিল ৰাহুল৷
জয়ৰ পাছতেই এখন আসন ৰাহুলে এৰিব লগা হয়৷ শেষত ৰাহুলে মাতৃৰ ৰায়বৰেলী ধৰি ৰাখি ৱায়নাড এৰি দিয়ে৷ সেই ৱায়নাডতেই প্ৰিয়ংকাই নিৰ্বাচন খেলিছে৷ ইন্দিৰা গান্ধীৰ পৰা ছোনীয়া গান্ধীলেই সকলোৱেই জিকিছে ৰায়বৰেলী আসন৷ সেই আসন সেয়ে ৰাহুলে নিজৰ হাতত ৰাখিছে৷ ইফালে কেৰালাৰ ৱায়নাডো ৰাহুলৰ অতি প্ৰিয়৷ বেয়া দিনত ৰাহুলক এই আসনেই লগ দিছিল৷ ৱায়নাডবাসীৰো ৰাহুলৰ ওপৰত আছিল বিশেষ আস্থা৷ ৰাহুলৰ প্ৰতি থকা আস্থা লৈয়েই এইবাৰ ৰাহুলৰ সেই আসনত আগুৱাইছে প্ৰিয়ংকা৷
এই যুঁজ প্ৰিয়ংকাৰ সন্মানৰ যুঁজ৷ পুৱা ১০ বজালৈকে গণনাত প্ৰিয়ংকা প্ৰথম স্থানতেই আছে৷ দ্বিতীয় স্থানত আছে চিপিআই প্ৰাৰ্থী সত্যেন মোকেবি৷ শেষ পৰ্যন্ত প্ৰিয়ংকাই এই আসন ধৰি ৰাখিব পাৰিবনে? সকলো এতিয়া ফলাফলৰ বাবেই অপেক্ষাৰত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
