ৰেচন ব্যৱস্থাৰ ওপৰত নিৰ্ভৰশীল এই দেশৰ বহু পৰিয়াল৷ ৰেচন কাৰ্ডৰ পৰা পোৱা সামগ্ৰীৰেই সংসাৰ চলে বহুজনৰ৷ এই দেশৰ প্ৰত্যেক মানুহে যাতে সঠিকভাৱে খাদ্য খাবলৈ পায় তাৰবাবে বিনামূলীয়াকৈ ৰেচন সামগ্ৰী প্ৰদান কৰে চৰকাৰে৷ কিন্তু শেহতীয়াকৈ ৰেচনক লৈ কঠোৰ হৈছে চৰকাৰ৷
ৰেচন কাৰ্ডক লৈ কি বৃহৎ সিদ্ধান্ত?
২০২০ চনৰ পৰা অৰ্থাৎ কৰোনা কালৰ পৰা এই দেশৰ প্ৰায় ৮০ কোটি মানুহক ফ্ৰিতে ৰেচন দিছে চৰকাৰে৷ যদিও এই সুবিধা সকলোৱে পোৱা নাই তথাপিও লাভৱান হৈছে বহু লোক৷ এই দেশৰ প্ৰত্যেক নাগৰিককে বিনামূলীয়া ৰেচন দিয়া নহয়৷ দৰিদ্ৰসীমাৰ তলত থকা পৰিয়ালক এই সুবিধা প্ৰদান কৰা হয়৷ শেহতীয়াকৈ বহু দৰিদ্ৰ সীমাৰেখাৰ ওপৰত থকা পৰিয়ালেও এই সুবিধা লোৱা দেখা গৈছে৷ শেহতীয়াকৈ এই বিষয়টোক লৈ কঠোৰ হৈছে চৰকাৰ৷
সমীক্ষাত পোৱা গৈছে যে বহু দৰিদ্ৰ সীমাৰেখাৰ ওপৰত থকা পৰিয়ালে প্ৰতাৰণামূলক কৌশলৰ মাধ্যমেৰে বিনামূলীয়া ৰেচনৰ সুবিধা গ্ৰহণ কৰিছে৷ এইবাৰ এইসকল অসাধু মানুহৰ বিৰুদ্ধেই কাঢ়া পদক্ষেপ গ্ৰহণ কৰিছে চৰকাৰে৷ ৰাষ্ট্ৰীয় সংবাদমাধ্যমত প্ৰকাশিত খবৰ অনুসৰি অসাধুভাৱে ৰেচন সংগ্ৰহ কৰা লোকৰ বিৰুদ্ধে কঠোৰ হ’ব চৰকাৰ৷ নতুনকৈ আকৌ ভেৰিফিকেছন প্ৰক্ৰিয়াও আৰম্ভ কৰিব চৰকাৰে৷ অসৎ গ্ৰাহকৰ বিৰুদ্ধে এইবাৰ জৰিমনা কাৰ্যকৰী কৰা হ’ব বুলি জনাইছে চৰকাৰে৷ তাৰবাবে ইতিমধ্যেই চৰকাৰৰ তৰফৰ পৰা e-KYC প্ৰক্ৰিয়া আৰম্ভ কৰা হৈছে৷
জনা গৈছে যে প্ৰত্যেক সুবিধাভোগীৰ পৰিচয় এতিয়াৰে পৰা পৰীক্ষা কৰা হ’ব৷ ৰিপৰ্টত কোৱা হৈছে যে কোনো ব্যক্তিয়ে যদি দীৰ্ঘ সময়ৰ বাবে অবৈধভাৱে ৰেচন কাৰ্ডৰ সুবিধা ভোগ কৰি আছে তেন্তে তেওঁলোকে চৰকাৰক মোটা অংকৰ জৰিমনা ধাৰ্য্য কৰিব পাৰে৷ সেয়ে ৰেচন পৰিসেৱাৰ বাবে আবেদন কৰাৰ ক্ষেত্ৰত অৱশ্যেই চৰকাৰৰ নিৰ্ধাৰিত নিয়ম মানি চলাৰ কথা কোৱা হৈছে৷ নিৰ্দেশিকাত যি যি নিয়মৰ উল্লেখ আছে সেইসমূহ মানি নচলিলেই ৰেচন কাৰ্ড বাতিল কৰি দিয়া হ’ব পাৰে৷ ইয়াৰ সৈতে মোটা টকাৰ জৰিমনা আৰু জে’ল পৰ্যন্ত হোৱাৰ সম্ভাৱনা আছে বুলি জনা গৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
