গৃহঋণগ্ৰহীতাই আগন্তুক বছৰৰ ফেব্ৰুৱাৰীত হ’বলগীয়া RBIৰ আৰ্থিক নীতি পৰ্যালোচনাৰ ফলত EMI কম হোৱাৰ আশা কৰা হৈছে৷ বিশেষজ্ঞৰমতে ৰিজাৰ্ভ বেংকে সম্ভৱত তেওঁলোকৰ মূল সুদৰ হাৰ, যাৰ ৰেপো ৰেট নামেৰে পৰিচিত, কমপক্ষেও ২৫ বেচিচ পয়েণ্ট কমাই আনিব পাৰে ফেব্ৰুৱাৰীৰ আৰ্থিক নীতিৰ বৈঠকত৷ যি কেন্দ্ৰীয় বাজেট ২০২৫-২০২৬ৰ উপস্থাপনৰ পাছত নিৰ্ধাৰিত হৈছিল৷
RBIৰ ২০২৫ চনৰ ফেব্ৰুৱাৰী, এপ্ৰিল, জুন, আগষ্ট, অক্টোবৰ আৰু ডিচেম্বৰ মাহত ৬খন মুদ্ৰা নীতি কমিটিৰ সভা কৰাৰ কথা আছে৷ বিশেষজ্ঞসকলে ভৱিষ্যদ্বাণী কৰিছিল যে, কেন্দ্ৰীয় বেংকে এই মিটিঙসমূহৰ মাজত অন্তত চাৰিখনতেই ৰেপো ৰেট কমাব পাৰে৷ প্ৰতিবাৰে ২৫ বেছিছ পয়েণ্ট কমাই মুঠ ১০০ বেছিছ পয়েণ্ট কমাব পাৰে৷
RBIৰ দ্বাৰা এই ১০০ বেছিছ পয়েণ্ট ৰেপো ৰেট কটাই ঋণগ্ৰহীতাৰ বাবে উল্লেখযোগ্য স্বাস্তি আনিব পাৰে৷ কাৰণ এনে হ’লে বেংকসমূহৰ সুদৰ হাৰ কমাই ঋণ আৰু সহজ কৰি তুলিব বুলি আশা কৰা হৈছে৷ ৬ ডিচেম্বৰৰ সৰ্বশেষ আৰ্থিক নীতি পৰ্যালোচনাত ৰিজাৰ্ভ বেংকৰ বেঞ্চমাৰ্ক ৰেট ৬.৫শতাংশ অপৰিবৰ্তিত ৰখাৰ সিদ্ধান্ত লৈছে৷
যদিও আৰ বি আইৰ ডিচেম্বৰৰ বৈঠকত ৰেপো ৰেট অপৰিবৰ্তিত আছে৷ বিশ্লেষকে বিশ্বাস কৰে যে ২০২৫ চনৰ বাবে এই ৰেট কমোৱা হ’ব পাৰে৷ HSBS ৰিচাৰ্ছ অনুসৰি আৰবিআইৰ ফেব্ৰুৱাৰী আৰু এপ্ৰিল মাহত প্ৰতিটো ২৫ বিপিএছত ২শতাংশ ৰেপো ৰেট হ্ৰাস কৰিব পাৰে ৬শতাংশলৈকে৷
১০০ BPS ৰেপো ৰেট কাটিলে হোম লোনৰ EMI ত কি প্ৰভাৱ পৰিব?
বৰ্তমান প্ৰধান বেংকসমূহে হোম লোনৰ সুদৰ হাৰত ৯.৭৫শতাংশ পৰ্যন্ত চাৰ্জ কৰে৷ আৰ বি আইৰ যদি ৰেপো ৰেট ১০০ বেচিচ পয়েণ্ট কমায়, তেন্তে ঋণগ্ৰহীতা যথেষ্ট লাভাম্বিত হ’ব৷ উদাহৰণস্বৰূপে এজন হোমলোন গ্ৰহীতাই ৫০ লাখ ৰ লোনৰ ওপৰত ৯.২৫শতাংশ সুদৰ হাৰত প্ৰতিমাহে বেংকক ঘূৰাব লাগে ৪৫,৭৯৩ টকা৷ আৰু এই EMIৰ ম্যাদ ২০ বছৰ৷ যদি এই হাৰ ১শতাংস পয়েণ্ট কমি যায় তেন্তে EMI হ’ব ৪২,৬০৩ টকা৷ ইয়াৰ ফলত মাহিলী আপোনাৰ ৩১৯০ টকা ৰেহাই হ’ব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
