সময় ভাল চলি থকা নাই বাছাৰ আল আছাদৰ৷ ক্ষমতা পূৰ্বেই হেৰুৱালে৷ ছিৰিয়া এৰি পলাবলৈ বাধ্য হ’ল তেখেত৷ আশ্ৰয় লৈছে ৰাছিয়াত৷ ৰাছিয়াত থকা অৱস্থাতেই এতিয়া পত্নীয়েও লগ এৰিছে তেওঁৰ৷ বিবাহবিচ্ছেদ বিচাৰিছে বাছাৰৰ পত্নী আছমা আল আছাদে৷ মস্কোৰ জীৱন তেওঁৰ মুঠেও ভাল লগা নাই৷ যাৰবাবে স্বামীক বিচ্ছেদ দি তেওঁ লণ্ডনলৈ যাব বিচাৰে৷
বাছাৰৰ পত্নী আছমা চিৰিয়ান ব্ৰিটিছ বংশোদ্ভূত৷ তেওঁৰ দ্বৈত নাগৰিকত্ব আছে৷ লণ্ডনতেই আছমাৰ জন্ম আৰু বাছাৰো লণ্ডনলৈ পঢ়িবলৈ গৈছিল৷ তাতেই আছামাক লগ পাইছিল বাছাদে৷ ইয়াৰপাছতেই ২০০০ চনত দুজনে বিবাহপাশত আৱদ্ধ হয়৷
বিবাহৰ সময়ত আছমাৰ বয়স আছিল ২৫ বছৰ৷ তেওঁ জে পি মৰ্গানত কাম কৰিছে৷ বিবাহৰ পাছত দুজনেই ছিৰিয়াত স্থায়ীভাৱে থাকিবলৈ লয়৷ বাছাৰ পিতৃৰ পাছতেই ক্ষমতা লাভ কৰে বাছাৰে৷ তেওঁ সৰ্বেসৰ্বা হৈ উঠে ছিৰিয়াৰ৷ তুৰস্ক আৰু আৰৱৰ একাধিক সংবাদমাধ্যমৰ প্ৰতিবেদন অনুসৰি আছামাই ৰাছিয়াৰ আদালতত বিবাহবিচ্ছেদৰ আবেদন কৰিছে৷
বিবাহবিচ্ছেদৰ আবেদন কৰাই নহয় মস্কো এৰাৰো অনুমতি বিচাৰিছে তেওঁ৷ অৱশ্যে বৰ্তমানলৈকে তেওঁ অনুমোদন লাভ কৰা নাই৷ আবেদন বিবেচনা কৰি চাইহে সিদ্ধান্ত দিব ৰাছিয়াৰ কৰ্তৃপক্ষই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
