মাত্ৰ ২৫ বছৰ বয়সতেই পৃথিৱীক বিদায় জনালে RJ সিমৰণ সিঙে৷ প্ৰত্যেকটো দিশৰ পৰা তেওঁৰ আত্মহত্যাৰ কাৰণ উনুকিয়াই চাইছে গুৰুগ্ৰাম আৰক্ষীয়ে৷ অত্যন্ত কম বয়সতেই প্ৰচুৰ খ্যাতি অৰ্জন কৰিছিল সিমৰণে৷ কেইবা লক্ষ্য ফলৱাৰ্ছ আছিল সামাজিক মাধ্যমত৷ ইমান খ্যাতি আৰু সাফল্য অহা সত্ত্বেও কিয় এই চৰম পদক্ষেপ গ্ৰহণ কৰিলে সিমৰণে?
কিবা মানসিক চাপ আছিল নেকি সিমৰণৰ? নে কিবা মনোকষ্টত ভূগি আছিল সিমৰণে? সেই প্ৰশ্নৰ উত্তৰ বিচাৰি ব্যস্ত হৈ আছে আৰক্ষী৷ অত্যন্ত বুদ্ধিমতী আৰু প্ৰতিভাবান আছিল ২৫ বছৰ বয়সীয়া সিমৰণ৷ সেয়ে তেওঁৰ এই পৰিণতি মানি ল’ব পৰা নাই তেওঁৰ ভক্ত আৰু ফলোৱাৰ্ছে৷
গুৰগাওঁৰ ছেক্টৰ ৪৭ৰ কোঠা নম্বৰ ৫৯ত আছিল সিমৰণ৷ বৃহস্পতিবাৰে সন্ধিয়া নিজা ৰূমতেই আত্মহত্যা কৰিছে তেওঁ৷ সিমৰণ প্ৰকৃততে জম্মুৰ নানক নগৰৰ বাসিন্দা আছিল৷ জম্মুৰ চেন্ট্ৰেল ইউনিভাৰ্ছিটিত পঢ়াশুনা কৰিছিল তেওঁ৷ সেই বিশ্ববিদ্যালয়ৰ পৰাই কেম্পাছ প্লেছমেণ্টো পাইছিল আৰু ৰেডিঅ’ মিৰ্চিতো চাকৰি লাভ কৰিবলৈ সক্ষম হৈছিল৷ সকলোতকৈ ডাঙৰ কথাটো হৈছে যে সমগ্ৰ জম্মুৱেই সিমৰণৰ কণ্ঠৰ ভক্ত আছিল৷ তেওঁ বেছ খ্যাতিও লাভ কৰিছিল সিমৰণ সিঙৰ কোৱা হৈছিল জম্মু কি ধড়কন নামেৰে৷
ৰেডিঅ’ৰ কাম কৰাৰ সময়তেই সামাজিক মাধ্যমত সিমৰণে প্ৰচুৰ জনপ্ৰিয়তা লাভ কৰিছিল৷ ইয়াৰ পাছতেই ইনফ্লুয়েন্সাৰ হিচাপে নিজৰ কেৰিয়াৰ আৰম্ভ কৰিছিল তেওঁ৷ জম্মু ৰেডিঅ’ মিৰ্চিৰ চাকৰি এৰি ২০২১ চনত হাৰিয়ানাও গুৰগাওঁলৈ আহে সিমৰণ৷ তাতেই কেইগৰাকীমান বন্ধুৰ সৈতে মিলি ভাড়াত এটি বাংলো লৈছিল তেওঁ৷ একাধিক ব্ৰেণ্ডৰ সৈতেও কলাবোৰেট কৰি কাম কৰিছিল সিমৰণ সিঙে৷ বিভিন্ন ব্ৰেণ্ডৰ সৈতে তেওঁ ৰীলো বনাইছিল৷ কেতিয়াবা কেতিয়াবা ধেমেলিয়া কনটেন্টো বনাইছিল সিমৰণে৷
সেই সিমৰণেই বিগত ২৬ ডিচেম্বৰৰ সন্ধিয়া আত্মহননৰ পথ বাছি লৈছে সিমৰণে৷ যি জনাৰ পাছতেই শোকস্তব্ধ হৈ পৰিছে অনুৰাগীসকল৷ কেৱল সেয়াই নহয় সিমৰণৰ মৃত্যুত গভীৰ শোক প্ৰকাশ কৰিছে জম্মু কাশ্মীৰৰ প্ৰাক্তন মুখ্যমন্ত্ৰী ফাৰুক আব্দুল্লাহ আৰু ওমৰ আব্দুল্লাহেও৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
