ICCৰ বৰ্ষ শ্ৰেষ্ঠ টেষ্ট ক্ৰিকেটাৰৰ তালিকাত অন্তৰ্ভুক্ত ১ জন ভাৰতীয়, বঁটা পোৱাৰ পূৰ্ণ সম্ভাৱনা
আইচিচিৰ বছৰৰ পুৰুষৰ টেষ্ট ক্ৰিকেটাৰ হিচাপে ৪ গৰাকী খেলুৱৈক মনোনীত কৰা হৈছে। য’ত আছে ভাৰতৰ এজন খেলুৱৈ, ইংলেণ্ডৰ ২ জন আৰু শ্ৰীলংকাৰ এজন খেলুৱৈ। এই চাৰিজন খেলুৱৈয়ে নিজৰ নিজৰ দলৰ হৈ টেষ্ট ক্ৰিকেটত সুন্দৰ প্ৰদৰ্শন আগবঢ়াইছে।
ভাৰতৰ ফালৰ পৰা এই তালিকাত অন্তৰ্ভুক্ত হৈছে বলিঙেৰে ৰেকৰ্ডৰ উপৰি ৰেকৰ্ড গঢ়া যশপ্ৰীত বুমৰাহৰ নাম।
কেলেণ্ডাৰ বছৰত এইবাৰ যশপ্ৰীত বুমৰাহ ধুমুহাৰ দৰে হৈ পৰিছে বিৰোধীৰ বাবে। এইটো বছৰত বুমৰাহে এইবাৰ ১৩খন টেষ্ট মেচ খেলিছে য’ত তেওঁ বলিং কৰাৰ সময়ত ৭১টা উইকেট দখল কৰিছে। বৰ্তমানে বুমৰাহ অষ্ট্ৰেলিয়াত বিধ্বংসী বলিং কৰি আছে। এতিয়ালৈকে এই ছিৰিজত সৰ্বাধিক উইকেট দখল কৰা বলাৰ বুমৰাহ।
এই তালিকাত স্থান পোৱা অন্য তিনিগৰাকী হৈছে-
জো ৰুট-
কেলেণ্ডাৰ বছৰত এইবাৰ জো ৰুটে ১৭খন মেচ খেলিছে, য’ত ৰুটে বেটিং কৰাৰ সময়ত ১৫৫৬ ৰান সংগ্ৰহ কৰিছে। য’ত ৬ শতিকা আৰু ৫টা অৰ্ধশতিকা অন্তৰ্ভুক্ত। ইংলেণ্ডৰ বাহিৰতো ৰুটৰ উজ্জ্বল প্ৰদৰ্শন দেখা গৈছে। এইবাৰ পাকিস্তানৰ বিৰুদ্ধে ২৬২ ৰানৰ স্মৰণীয় ইনিংছ খেলিছিল ৰুটে। যিটো তেওঁৰ টেষ্ট কেৰিয়াৰৰ ষষ্ঠটো দ্বৈত শতক আছিল।
কামিন্দু মেণ্ডিছ
শ্ৰীলংকাৰ বেটছমেন কামিন্দু মেণ্ডিছেও এইবাৰ যথেষ্ট ভাল প্ৰদৰ্শন কৰিছে। এইবাৰ এটা কেলেণ্ডাৰ বছৰত কামিন্দু মেণ্ডিছে ৯খন খেলত ১০৪৯ ৰান সংগ্ৰহ কৰিছে। এই সময়ছোৱাত তেওঁৰ গড় হৈছে ৭৪.৯২। আনহাতে নিউজিলেণ্ডৰ বিৰুদ্ধে কামিন্দু মেণ্ডিছে দুখন মেচত একেৰাহে ২টা ডাবল শতক অৰ্জন কৰিছিল।
হেৰী ব্ৰুক
ইংলেণ্ডৰ বেটছমেন হেৰী ব্ৰুক এই কেলেণ্ডাৰ বৰ্ষত ১২খন টেষ্ট মেচ খেলিছে। বেটিং কৰাৰ সময়ত য’ত হেৰী ব্ৰুক ১১০০ ৰান সংগ্ৰহ কৰে। এই সময়ছোৱাত তেওঁৰ গড় হৈছে ৫৫। য’ত তিনিটা অৰ্ধ শতক আৰু এটা ত্ৰিশ শতক অন্তৰ্ভুক্ত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
