ৰাশিচক্ৰক এবাৰ সম্পূৰ্ণকৈ প্ৰদক্ষিণ কৰিবলৈ বৃহস্পতিৰ ১২ বছৰ সময় লাগে৷ এই ১২ বছৰৰ অন্তৰে অন্তৰে আয়োজিত হয় পূৰ্ণকুম্ভ৷ আৰু বৃহস্পতিৰ অৰ্ধেক প্ৰদক্ষিণক উদযাপন কৰিবলৈ প্ৰতি ৬ বছৰৰ অন্তৰে অন্তৰে পালিত হয় অৰ্ধকুম্ভ৷ কুম্ভ চলিথকাৰ সময়ত মহাজাগতিক শক্তিৰ প্ৰভাৱ পৃথিৱীৰ জলভাগত আহি পৰে৷ সেয়ে সনাতন ধৰ্ম অনুসৰি কুম্ভত পূণ্যস্নান বিশেষ মাহাত্ম্যপূৰ্ণ৷ ১২ বাৰ পূৰ্ণকুম্ভৰ পাছত আয়োজিত হয় এটা মহাকুম্ভ৷ ১৪৪ বছৰৰ পাছত প্ৰয়াগৰাজত চলিছে মহাকুম্ভ৷
এক সৰলৰেখাত ৭গ্ৰহ
বিগত ১৪ জানুৱাৰীৰ পৰা অৰ্থাৎ মকৰ সংক্ৰান্তিত পৰা পালিত হৈছে মহাকুম্ভৰ প্ৰথম অমৃতস্নান৷ আৰু আজি ২১ জানুৱাৰীৰ পৰা ৭টা গ্ৰহই ধীৰে ধীৰে এক সৰলৰেখাত অহা আৰম্ভ কৰিছে ২৮ ফেব্ৰুৱাৰীৰ মাজত সাতটা গ্ৰহই সম্পূৰ্ণভাৱে এক সৰলৰেখাত আহিব৷ যিসমূহ গ্ৰহই এক সৰলৰেখাত অৱস্থান কৰিব সেইসমূহ হৈছে, বুধ, শনি, শুক্ৰ, বৃহস্পতি, মঙ্গল, নেপচুন আৰু ইউৰেনাছ৷ নিশাৰ আকাশত টেলিস্কোপত চকু ৰাখিলেই এই ৭গ্ৰহক দক্ষিণ পশ্চিমৰ পৰা পূৰ্বদিশলৈকে দেখা যাব৷ ইয়াৰ পূৰ্বে ১৯৬২ চনত গ্ৰহৰ এই বিৰল সংযোগ হৈছিল৷ ইয়াৰ পাছত ২০২৫ চনত আকৌ এনে সংযোগ ঘটিব বুলি জনাইছে বিজ্ঞানীয়ে৷ গ্ৰহৰ এই বিৰল সংযোগৰ কাৰণে এই মহাকুম্ভক অমৃত মহাকুম্ভ বুলিও কোৱা হৈছে৷
গ্ৰহৰ বিৰল সংযোগৰ প্ৰভাৱ
৭টা গ্ৰহই এক সৰলৰেখাত অহাৰ ফলত পজিটিভ আৰু নিগেটিভ প্ৰভাৱ সমাজত লক্ষ্য কৰা যাব বুলি জনাইছে জ্যোতিষবিদে৷ প্ৰতিবেশী ৰাষ্ট্ৰৰ সৈতে ভাৰতৰ সম্পৰ্ক আৰু বেয়া হ’ব বুলিও জনাইছে জ্যোতিষীয়ে৷ ইয়াৰোপৰি দুই দেশৰ মাজত উত্তপ্ত পৰিস্থিতি বাঢ়িব৷ গ্ৰহৰ এই অৱস্থানৰ ভাল দিশ হৈছে ইয়াৰ প্ৰভাৱত দেশৰ অৰ্থনৈতিক পৰিস্থিতি মজবুত হ’ব৷ গৱেষণামূলক কামত ভাৰতে উল্লেখযোগ্য অবদান আগবঢ়াবলৈ সক্ষম হ’ব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
