অসম লাইভ ২৪ঃ পাকিস্তানত ১৩০০ বছৰ পুৰণি বিষ্ণু মন্দিৰৰ ভগ্নাবেশ উদ্ধাৰ হৈছে। উত্তৰ-পশ্চিম পাকিস্তানৰ চাৱাট জিলাৰ এখন পাহাৰত পাকিস্তানী আৰু ইটালিয়ান প্ৰত্নতত্ত্ববিদসকলে হিন্দুৰ আৰাধ্য দেৱতা বিষ্ণুক উপাসনা কৰা ১৩০০ বছৰীয়া পুৰণি মন্দিৰটোৰ ভগ্নাৱেশ উদ্ধাৰ কৰিবলৈ সক্ষম হয়। এই মন্দিৰটো হিন্দু চাহী বংশৰ ৰাজত্বত নিৰ্মাণ কৰা হৈছিল বুলি বিশেষজ্ঞসকলে উল্লেখ কৰে। উল্লেখ্য যে অবিভক্ত ভাৰত হৈ থকাৰ সময়ত পাকিস্তানত বহু হিন্দু দেৱ-দেৱীৰ মন্দিৰ আছিল। তুৰ্কী, মোগল আদিৰ ভাৰত আক্ৰমণৰ সময়ত এই মঠ-মন্দিৰৰ বহুসংখ্যক ধ্বংস কৰি পেলোৱা হৈছিল। ইটালীয়ান প্ৰত্নতাত্ত্বিক প্ৰকল্পৰ প্ৰধান ড০ লুকাই জনোৱা মতে পাকিস্তানৰ চাৱাট জিলাত আৱিস্কাৰ কৰা এইটো গান্ধাৰ সভ্যতাৰ প্ৰথমটো মন্দিৰ। পাকিস্তানৰ চাৱাট জিলাত হিন্দু ধৰ্মৰ উপাসক দেৱ-দেৱতাৰ মন্দিৰৰ লগতে ভালেসংখ্যক বৌদ্ধ ধৰ্মৰ উপাসনা স্থল আৱিস্কাৰ হৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
