শান্তিৰে পাৰ হ’ল যোৱা নিশা, ভাৰত-পাক সীমান্তত নাই কোনো গুলি-বাৰুদৰ শব্দ
যোৱা নিশা জম্মু-কাশ্মীৰ আৰু আন্তঃৰাষ্ট্ৰীয় সীমান্তৰ অন্যান্য অঞ্চল যথেষ্ট শান্তিপূৰ্ণ ভাৱে পাৰ হ’ল। কোনো গুলি-বাৰুদ তথা মিছাইল তথা তেনে ঘটনা সংঘটিত হোৱাৰ খবৰ নাই। শেহতীয়াকৈ এইটোৱেই প্ৰথম নিস্তব্ধ নিশা দুয়ো দেশৰ সীমান্ত।
এই তথ্য সদৰি কৰিছে ভাৰতীয় সেনাৰ ফালৰ পৰা। অৰ্থাৎ যোৱা নিশা পাকিস্তানৰ পৰা কোনো ধৰণৰ আক্ৰমণৰ খবৰ পোৱা নাই।
উল্লেখযোগ্য যে ভাৰত আৰু পাকিস্তানৰ মাজত যুদ্ধবিৰতি ঘোষণা কৰা হৈছিল আৰু আজি ভাৰত আৰু পাকিস্তানৰ ডিজিএমঅ’ (সামৰিক অভিযানৰ সঞ্চালক প্ৰধান)ৰ মাজতো আলোচনা হোৱাৰ কথা।
ভাৰতীয় সেনাই কয়, ‘জম্মু-কাশ্মীৰ আৰু আন্তঃৰাষ্ট্ৰীয় সীমান্তৰ অন্যান্য অঞ্চলত নিশাটো বহুলাংশে শান্তিপূৰ্ণ হৈ থাকে। কোনো ঘটনা সংঘটিত হোৱাৰ খবৰ পোৱা নাই; যোৱা কিছুদিনত এইটোৱেই প্ৰথম নিস্তব্ধ নিশা।”
উল্লেখ্য যে, কালিৰ সংবাদ মেলত ভাৰতীয় সেনাই স্পষ্ট কৰি দিছিল যে, এই যুদ্ধ বিৰতিত যদি নিয়ম উলংঘা কৰি পাকিস্তানে গুলি কৰে, তেন্তে ভাৰতৰ পৰা অধিক ভয়াবহ ভাৱে এই আক্ৰমণৰ উত্তৰ দিয়া হব।
উল্লেখযোগ্য যে পেহেলগাম সন্ত্ৰাসবাদী আক্ৰমণৰ পিছত ভাৰত আৰু পাকিস্তানৰ মাজত উত্তেজনাই চৰম সীমাত উপনীত হৈছিল। অৱশ্যে এতিয়া দুয়োখন দেশৰ মাজত শান্তি প্ৰতিষ্ঠা হ’ব বুলি আশা কৰা হৈছে। আজি ১২ মে’ তাৰিখে দিনৰ ১২বজাত দুয়োখন দেশৰ ডি জি এম অ’ৰ মাজত আলোচনা হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
