কেতিয়া ঘোষণা হ’ব ভাৰতীয় ষ্টেট ক্ৰিকেট দলৰ অধিনায়কৰ নাম, গৌতম গম্ভীৰে কৰিলে সদৰি
হিটমেন ৰোহিত শৰ্মাই টেষ্ট ক্ৰিকেটৰ পৰা অৱসৰ লোৱাৰ পিছত টিম ইণ্ডিয়াৰ সন্মুখত আটাইতকৈ ডাঙৰ প্ৰশ্নটো আছিল নতুন অধিনায়কক লৈ। কোন হব পৰৱৰ্তী ভাৰতীয় ষ্টেট দলৰ অধিনায়ক! বহুতৰে মনত আছিল কেইবাটাও নাম। কিন্তু তথাপি জল্পনা কল্পনা।
এতিয়া অধিনায়কৰ নাম ঘোষণাৰ তাৰিখ সদৰি হৈছে। নতুন টেষ্ট অধিনায়কৰ নামক লৈ এতিয়া কৌতুহলবোৰ পৰিষ্কাৰ হ’বলৈ গৈ আছে।
গৌতম গম্ভীৰ আৰু অজিত আগৰকাৰে যৌথভাৱে ঘোষণা কৰিব নতুন টেষ্ট অধিনায়কৰ নাম। টিম ইণ্ডিয়াৰ মুখ্য প্ৰশিক্ষক তথা মুখ্য নিৰ্বাচকে সংবাদ মাধ্যমক সম্বোধন কৰাৰ লগতে নতুন অধিনায়কৰ সৈতে জড়িত প্ৰশ্নৰ উত্তৰ দিব।
অহা ২৪ মে’ শনিবাৰে ভাৰতৰ নতুন টেষ্ট অধিনায়কৰ নাম প্ৰকাশ পাব।এতিয়ালৈকে যিসকল খেলুৱৈক অধিনায়ক হিচাপে নিৰ্বাচন কৰাৰ চৰ্চা চলি আছে, তাৰ ভিতৰত শুভমন গিলৰ নাম শীৰ্ষত। শুভমনৰ উপৰি কে এল ৰাহুল, ঋষভ পন্ত আৰু জশপ্ৰিত বুমৰাহৰো নাম বিবেচনা কৰা হৈছে। এতিয়া ২৪ তাৰিখলৈ অপেক্ষা সকলোৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
