ঘৰতে বহি কিদৰে অনলাইন যোগে বনাব পাৰি আয়ুষ্মান কাৰ্ড, পঢ়ক ইয়াৰ নিয়ম
দেশৰ দৰিদ্ৰ আৰু আৰ্তজনক চৰকাৰে প্ৰদান কৰিছে স্বাস্থ্য বীমাৰ বিশেষ সুবিধা। এইসকল লোকৰ বাবে চৰকাৰে প্ৰধানমন্ত্ৰী আয়ুষ্মান ভাৰত যোজনা চলায়। এই কাৰ্ডৰ জৰিয়তে কাৰ্ডৰ গৰাকীয়ে কোনো ৰোগ হ’লে চৰকাৰী চিকিৎসালয়ৰ পৰা বিনামূলীয়া চিকিৎসা লাভ কৰে।
দেশৰ বহু লোকেই ইতিমধ্যে এই কাৰ্ডৰ সুবিধা গ্ৰহণ কৰি আছে। কিন্তু আজিৰ তাৰিখতো বহু লোকে এই কাৰ্ডৰ পৰা বঞ্চিত। কিন্তু জানেনে অতি সহজে ঘৰতে বহি অনলাইন যোগে বনাব পাৰি এই আয়ুষ্মান কাৰ্ড।
উল্লেখ্য যে আয়ুষ্মান কাৰ্ডত এগৰাকী লোকে চৰকাৰৰ পৰা ৫ লাখ টকা পৰ্যন্ত বিনামূলীয়া চিকিৎসাৰ সুবিধা পায়। ইয়াক বনাবলৈ ভাৰত চৰকাৰে কিছু যোগ্যতাৰ মাপকাঠী নিৰ্ধাৰণ কৰিছে। সেই যোগ্যতাৰ মাপকাঠী পূৰণ কৰা লোকসকলৰ বাবেহে আয়ুষ্মান কাৰ্ড তৈয়াৰ কৰা হয়।
আয়ুষ্মান কাৰ্ড পোৱাৰ যোগ্য নে নহয়, এই বিষয়ে জানিবলৈ আপুনি 14555 নম্বৰত ফোন কৰিব পাৰে। অথবা আপুনি আয়ুষ্মান এপ ডাউনলোড কৰিব পাৰে। আৰু তাতেই আপোনাৰ যোগ্যতা পৰীক্ষা কৰিব পাৰিব।
আয়ুষ্মান কাৰ্ডৰ বাবে অনলাইন আবেদন কৰিবলৈ ইয়াৰ অফিচিয়েল ৱেবছাইট beneficiary.nha.gov.in চাব লাগিব । ইয়াৰ পিছত আপুনি তাত লগইন কৰিব লাগিব। আপোনাৰ ফোন নম্বৰটো দি verify ত ক্লিক কৰিব লাগিব। ইয়াৰ পিছত আপুনি আপোনাৰ নম্বৰত আহিবলগীয়া OTP টো দিব লাগিব আৰু লগতে captcha code টোও দিব লাগিব আৰু login ত ক্লিক কৰিব লাগিব।
লগ ইন কৰাৰ পিছত এটা হিতাধিকাৰী পৰ্টেল খোল খাব য’ত আপুনি আঁচনিৰ নাম, ৰাজ্য, উপ আঁচনি, জিলা search by ত আধাৰ নিৰ্বাচন কৰাৰ পিছত আপোনাৰ আধাৰ নম্বৰত সন্ধান কৰিব লাগিব। আৰু তাৰ পিছত search ত ক্লিক কৰিব লাগিব। ইয়াৰ পিছত আপোনাৰ পৰ্দাৰ সন্মুখত আয়ুষ্মান কাৰ্ডৰ তালিকাখন খোল খাব। য’ত আপুনি আপোনাৰ নাম আৰু আপোনাৰ পৰিয়ালৰ যিকোনো সদস্যৰ নাম পৰীক্ষা কৰিব পাৰে।
ইয়াৰ পিছত আপুনি নামৰ কাষত থকা action option ত ক্লিক কৰিব পাৰিব। আপুনি আপোনাৰ আয়ুষ্মান কাৰ্ড বনাব বিচাৰে। গতিকে আপুনি আপোনাৰ নামৰ কাষত ক্লিক কৰি আধাৰ অ’টিপি নিৰ্বাচন কৰি আধাৰ নম্বৰ পৰীক্ষা কৰি ই-কেৱাইচি সম্পূৰ্ণ কৰিব।
ইয়াৰ পিছত ৮০%তকৈ অধিক হ’লে আপোনাৰ সন্মুখত এটা মেচিং স্ক’ৰ খোল খাব। অৰ্থাৎ আপোনাৰ আয়ুষ্মান কাৰ্ড অটো এপ্ৰুভ কৰা হৈছে। ইয়াৰ পিছত আপুনি capture photo option ত ক্লিক কৰি ফটো আপলোড কৰিব লাগিব। ইয়াৰ পিছত আপোনাৰ সন্মুখত এটা নতুন ফৰ্ম খোল খাব য’ত আপুনি সম্পূৰ্ণ তথ্য দিব লাগিব।
শেষত submit ত ক্লিক কৰিব লাগিব। ইয়াৰ পিছত আয়ুষ্মান কাৰ্ডৰ বাবে আপোনাৰ অনলাইন আবেদন প্ৰক্ৰিয়া সম্পূৰ্ণ হ’ব। আয়ুষ্মান কাৰ্ড পৰ্টেলত লগ ইন কৰিও আপুনি আপোনাৰ আয়ুষ্মান কাৰ্ড ডাউনলোড কৰিব পাৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
