পুৱাৰে পৰা নেৰানেপেৰা বৰষুণ, জলমগ্ন গুৱাহাটী
গুৱাহাটীৰ চাৰিওফালে কৃত্ৰিম বান, পুৱাৰে পৰা নেৰানেপেৰা বৰষুণ
গুৱাহাটী মহানগৰীত পুৱা ৫ মান বজাৰ পৰা বৰষুণ। প্ৰৱল বৰষুণৰ কবলত পৰি বৰ্তমানে মহানগৰখনৰ চাৰিওফালে বানপানী।
কোনো ফালে পানী ওলাই যাব নোৱাৰাত এতিয়া কৃত্ৰিম বানৰ পৰিস্থিতি। গুৱাহাটীৰ শিলপুখুৰী, চান্দমাৰী, তিনিআলি, গীতানগৰ, গনেশগুৰি, ৰূপনগৰ, হেঙেৰাবাৰী, নাৰেংগী চাৰিওফালে কেৱল পানী আৰু পানী।
ঘৰৰ পৰা কোনো বিশেষ কাম নাথাকিলে ঘৰৰ পৰা নোলোৱাৰ বাবে প্ৰশাসনৰ আহ্বান।
উল্লেখ্য যে, কালি নিশা তথা বুধবাৰে নিশা ৯ বজাত বৰঝাৰস্থিত আঞ্চলিক বতৰ বিজ্ঞান কেন্দ্ৰই সতৰ্কবাণী জাৰি কৰিছিল।তাৰ পাছতে কোনো কোনো ঠাইত নিশাৰে পৰা আৰু কোনো ঠাইত পুৱা প্ৰচণ্ড ধুমুহা-বৰষুণ আহে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
