১৯ বছৰীয়া পুৰণি অভিলেখ ভংগ কৰিবলৈ সাজু গিল, মানচেষ্টাৰ হৈ ৰ’ব পাৰে সাক্ষী
২৩ জুলাই বুধবাৰৰ পৰা আৰম্ভ হ’বলগীয়া ইংলেণ্ডৰ বিৰুদ্ধে মানচেষ্টাৰ টেষ্টৰ সময়ত ভাৰতীয় টেষ্টৰ অধিনায়ক শুভমান গিলৰ হাতত এক ডাঙৰ কৃতিত্ব অৰ্জন কৰাৰ সুযোগ। এফালে ভাৰতীয় দলটোৱে শৃংখলাত সমতা স্থাপনৰ বাবে খেলপথাৰত নামিব, আনহাতে গিলে ১৯ বছৰীয়া এছিয়ান অভিলেখ ভংগ কৰাৰ সুযোগ পাব।
ইংলেণ্ডত অনুষ্ঠিত দ্বিপাক্ষিক টেষ্ট শৃংখলাত সৰ্বাধিক ৰান সংগ্ৰহ কৰা এছিয়ান বেটছমেন হোৱাৰ সুবৰ্ণ সুযোগ আহি পৰিছে গিলৰ হাতত। বৰ্তমানে সুন্দৰ ফৰ্মত আছে গিল।
বৰ্তমান ইংৰাজৰ মাটিত টেষ্ট শৃংখলাত এছিয়ান বেটছমেন হিচাপে সৰ্বাধিক ৰান সংগ্ৰহ কৰাৰ অভিলেখ আছে পাকিস্তানৰ মোহম্মদ ইউছুফৰ নামত। ২০০৬ চনত ইংলেণ্ড ভ্ৰমণৰ সময়ত চাৰিখন মেচত গড়ে ৯০.১৪ত ৬৩১ ৰান সংগ্ৰহ কৰিছিল মহম্মদ ইউছুফে।
বৰ্তমানৰ ইংলেণ্ড ভ্ৰমণত থকা গিলে তিনিখন মেচত গড়ে ১০১.১৬ত ৬০৭ ৰান সংগ্ৰহ কৰিছে যাৰ ভিতৰত বাৰ্মিংহাম টেষ্টৰ প্ৰথম ইনিংছত ২৬৯ ৰান সংগ্ৰহ কৰাটোও অন্তৰ্ভুক্ত।
প্ৰথম দুখন মেচত শুভমন গিলে ভাল প্ৰদৰ্শন কৰিছিল যদিও লৰ্ডছত খেলা তৃতীয়খন টেষ্ট মেচত গিলৰ বেট নিস্প্ৰভ হৈ আছিল আৰু মাত্ৰ ১৬ আৰু ৬ ৰানহে কৰিব পাৰিছিল। লৰ্ডছ টেষ্টত ভাৰতে ২২ ৰানত পৰাজয়ৰ সন্মুখীন হ’বলগীয়া হৈছিল আৰু বৰ্তমান পাঁচখন খেলৰ শৃংখলাত দলটো ১-২ ত পিছ পৰি আছে।
ইংলেম্ডৰ মাটিত সৰ্বাধিক ৰান কৰা এছিয়াৰ খেলুৱৈ সকল হৈছে-
মহম্মদ ইউছুফ (পাকিস্তান)- ৬৩১ ৰান, ২০০৬
শুভমন হিল (ভাৰত)- ৬০৭ ৰান, ২০২৫
ৰাহুল দ্ৰাবিড় (ভাৰত)- ৬০২ ৰান, ২০০২
বিৰাট কোহলী (ভাৰত)- ৫৯৩ ৰান, ২০১৮
সুনীল গাভাস্কাৰ (ভাৰত)- ৫৪২ ৰান, ১৯৭৯
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
