ৰন্ধন গেছৰ দাম, ATMৰ পৰা টকা উঠোৱা, FDৰ হাৰঃ ১ ছেপ্টেম্বৰৰ পৰা ৫টা নতুন নিয়মে আপোনাৰো পকেটত ছাপ পেলাব পাৰে, জানি থওক সবিশেষ

চৰকাৰে সোণৰ দৰে ৰূপতো বাধ্যতামূলক হলমাৰ্কিং আৰম্ভ কৰাৰ প্ৰস্তুতি লৈছে৷ এই পদক্ষেপৰ লক্ষ্য হৈছে বিশুদ্ধতা আৰু মূল্য নিৰ্ধাৰণৰ অভিন্ন মান নিশ্চিত কৰি ৰূপৰ বজাৰত আৰু স্বচ্ছতা অনা৷ যদিও এই পদক্ষেপৰ নিৰ্ভৰযোগ্যতা বাঢ়িব বুলি আশা কৰা হৈছে, বিশেষজ্ঞই কৈছে যে ই ৰূপৰ দামকো প্ৰভাৱিত কৰিব পাৰে৷ যিয়ে ৰূপৰ গহণা কিনিব বা বিনিয়োগ কৰিব খোজে তেন্তে তেওঁলোকৰ নতুন নিয়মসমূহ সম্পৰ্কে সচেতন থকা উচিত৷

ষ্টেট বেংক অফ ইণ্ডিয়াই সংক্ষেপে SBI কাৰ্ড হোল্ডাৰসকলৰ ১ ছেপ্টেম্বৰ ২০২৫ৰ পৰা সংশোধিত চৰ্তাৱলী মানিব লাগিব৷ অটো ডেবিট ফেইলাৰৰ ক্ষেত্ৰত এতিয়া ২ শতাংশ জৰিমনা আৰোপ কৰা হৈছে৷ অন্যহাতে আন্তৰ্জাতিক লেনদেনৰ বাবে অতিৰিক্ত চাৰ্জ প্ৰযোজ্য হব পাৰে৷ ইন্ধন ক্ৰয় আৰু অনলাইন বজাৰৰ বাবেও উচ্চতৰ ফি লাগিব পাৰে৷ ইয়াৰ সৈতে ৰিউৱাৰ্ড পয়েণ্টৰ মূল্য হ্ৰাস পাব পাৰে৷ জৰিমনা কমাবলৈ গ্ৰাহকৰ ব্যয় ট্ৰেক কৰাৰ পৰামৰ্শ দিয়া হৈছে৷ ক্ৰয় আৰু প্ৰতিমাহৰ প্ৰথম তাৰিখে নিয়মিতভাৱে তেল কোম্পানীসমূহৰ দৰ সংশোধন কৰি, ১ ছেপ্টেম্বৰ ২০২৫ তাৰিখে দেশীয় এল পি জি চিলিণ্ডাৰৰ নতুন দাম ঘোষণা কৰা হব৷ বিশ্বব্যাপী অপৰিশোধিত তেলৰ দৰৰ প্ৰৱণতা আৰু কোম্পানীৰ হিচাপৰ সৈতে সংগতিপূৰ্ণভাৱে দাম ওঠানমা কৰে৷ দাম বৃদ্ধিয়ে ৰন্ধনঘৰৰ বাজেটৰ ওপৰতো চাপ সৃষ্টি কৰিব৷

কিছু কিছু বেংকে এটিএম ব্যৱহাৰৰ ক্ষেত্ৰত নতুন নিয়ম প্ৰযোজ্য কৰিব৷ নিৰ্ধাৰিত মাহিলী সীমাৰ বেছিকৈ ধন তোলাৰ ক্ষেত্ৰত গ্ৰাহকে উচ্চ লেনদেনৰ চাৰ্জ ভৰিব লাগিব৷ বেংকসমূহে আকৌ ডিজিটেল পদ্ধতি গ্ৰহণৰ বাবেও চাপ দিছে৷ বিশেষজ্ঞই অতিৰিক্ত খৰচ দূৰ কৰিবৰ বাবে অপ্ৰয়োজনত এটিএমৰ পৰা ধন নুঠাবলৈ পৰামৰ্শ দিছে৷

কিছু কিছু বেংকে ছেপ্টেম্বৰতেই তেওঁলোকৰ ফিক্সড ডিপজিটৰ সুদৰ হাৰ পৰ্যালোচনা কৰিছে৷ বৰ্তমান বেছিভাগ ঋণদাতাই ফিক্সড ডিপজিটৰ ওপৰত ৬.৫ ৰ পৰা ৭.৫ শতাংশৰ মাজত সুদ দিছে৷ বহুতৰে ধাৰণা যে সুদৰ হাৰ কমোৱা হব পাৰে৷ ফিক্সড ডিপজিটত অৰ্থ জমা কৰাৰ পৰিকল্পনা কৰিছে সেয়ে বিনিয়োগকাৰীয়ে শীঘ্ৰেই সুদৰ হাৰ লক কৰি লওক৷