আজিকালি বহুতৰেই কোনো অসুস্থতা অবিহনেই দিনজুৰি ক্লান্তি, অলস আৰু টোপনি টোপনি ভাৱ আহি থাকে৷ ইয়াৰ সৈতে পৰ্যাপ্ত টোপনি হোৱা সত্ত্বেও শৰীৰত শক্তিৰ অভাৱ, কামত মনোনিৱেশ কৰিব নোৱৰা আৰু সকলো সময়তে অলস বোধ কৰা এই লক্ষণে দেখা দিব পাৰে৷ ইয়াৰ পৰাই বুজিব যে শৰীৰত কিছু প্ৰয়োজনীয় পুষ্টিৰ অভাৱ হৈছে৷ বিশেষজ্ঞৰ মতে, ক্ৰমাগত ক্লান্তি কেৱল ব্যস্ত জীৱনৰ ফলাফলেই নহয় বৰং ইয়াৰ পিছত বহু শৰীৰ সম্পৰ্কিত কাৰণ থাকিব পাৰে৷ জানি থওক যদি কোনো অসুস্থতা অবিহনে সৰ্বদা ক্লান্তি বোধ কৰে তেন্তে কি অভাৱ থাকিব পাৰে শৰীৰত?
দিনজুৰি ক্লান্তি
অবিৰাম ক্লান্তিভাৱ, বিশ্ৰাম ল’লেও ক্লান্তবোধ হৈ থাকে তেন্তে ইয়াৰ পিছত শৰীৰ সম্পৰ্কিত কাৰণ থাকিব পাৰে৷ জানি থওক যদি কোনো অসুস্থতা অবিহনেই সৰ্বদা ক্লান্তি বোধ কৰে তেন্তে এয়া শাৰীৰিক নহয় মানসিক কাৰণো হ’ব পাৰে৷
তেজৰ অভাৱত হ’ব পাৰে
ৰক্তাল্পতা বা তেজৰ অভাৱত ক্ৰমাগত ক্লান্তিৰ এক প্ৰধান কাৰণ হব পাৰে৷ শৰীৰত হিমগ্লবিন বা লোহিত ৰক্তকণিকা কমি যায় তেতিয়া শৰীৰৰ অংগ প্ৰত্যংগত পৰ্যাপ্ত অক্সিজেন গৈ নাপায়৷ ইয়াৰ ফলত দুৰ্বলতা, মূৰ ঘুৰোৱা, শ্বাসকষ্ট আৰু ক্ৰমাগত ক্লান্তিয়ে দেখা দিয়ে৷ মহিলাৰ মাজত এই সমস্যা বেছিকৈ দেখা যায়৷
ভিটামিনৰ অভাৱত এনাৰ্জি কমে
ভিটামিন বি১২, ডি, চি অথৱা ফলেটৰ অভাৱো ক্লান্তিৰ প্ৰধান কাৰণ হ’ব পাৰে৷ ভিটামিনৰ অভাৱত পেশী দুৰ্বলতা, মনোযোগৰ অভাৱ, বিৰক্তি আৰু ব্ৰেইন ফগৰ সৃষ্টি কৰিব পাৰে৷ বহু সময়ত মানুহে এক সাধাৰণ ক্লান্তি ভাৱি এৰাই চলে৷
দীৰ্ঘস্থায়ী ক্লান্তিৰ লক্ষণ
যদি মাহৰ পাছত মাহ ধৰি ক্ৰমাগত ক্লান্ত বোধ কৰে তেতিয়া অলপ পৰিশ্ৰমৰ পাছতে শৰীৰ সম্পূৰ্ণৰূপে ক্লান্ত হৈ পৰে৷ তেন্তে এয়া দীৰ্ঘস্থায়ী ক্লান্তিৰ লক্ষণ হব পাৰে৷ ইয়াৰ মাজত আছে অনিদ্ৰা, মূৰৰ বিষ, পেশী আৰু জয়েণ্ট বিষ আৰু স্মৃতিশক্তি হ্ৰাসৰ দৰে সমস্যা৷ এই অৱস্থাত চিকিৎসকৰ সৈতে পৰামৰ্শ কৰা অত্যন্ত গুৰুত্বপূৰ্ণ৷
মানসিক চাপেও এনাৰ্জি শেষ কৰি দিয়ে
ক্ৰমাগত চাপ, উদ্বেগ আৰু মানসিক চাপে মানসিক ক্লান্তিৰ দিশক পৰিচালিত কৰে৷ ধীৰে ধীৰে শৰীৰৰ শক্তি হ্ৰাস কৰে আৰু ক্লান্তিৰ দিশত পৰিচালিত কৰিব পাৰে৷ বিৰক্তি, মনোযোগৰ অভাৱ আৰু সকলো সময়তে বোজা বোধ কৰা ইয়াৰ সাধাৰণ লক্ষণ হিচাপে বিবেচিত হয়৷ বিশেষজ্ঞৰ মতে, আয়ৰণ, ভিটামিন বি১২ আৰু মেগনেছিয়ামেও শক্তি উৎপাদনত গুৰুত্বপূৰ্ণ ভূমিকা পালন কৰে৷ এইসমূহৰ ঘাটিয়ে এজন ব্যক্তিক সৰ্বদা ক্লান্ত আৰু দুৰ্বল বোধ কৰাব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
