ৰাজ্যত বলিছে নিৰ্বাচনী ধুমুহা৷ ইতিমধ্যেই ২৩ মাৰ্চত নিৰ্বাচনত অৱতীৰ্ণ হ’ব খোজা প্ৰতিগৰাকী প্ৰাৰ্থীয়েই নিজৰ মনোনয়ন পত্ৰ দাখিল কৰিছে৷ মনোনয়ন পত্ৰ দাখিলৰ পাছতেই চলি আছে মনোনয়ন পত্ৰ পৰীক্ষণৰ প্ৰক্ৰিয়া৷ বহু ৰাজনীতিবিদৰ মনোনয়ন পত্ৰত বিত্তীয় বিসংগতি বা অন্যান্য কিছু খেলিমেলি ধৰা পৰিছে৷
কেইবাজনো প্ৰাৰ্থীৰ মনোনয়ন বাতিল হোৱাৰো সম্ভাৱনা আছে বুলি চৰ্চাও চলিছে৷ পূৰ্বৰ মন্ত্ৰী অশোক সিংহালকে ধৰি বহু ৰাজনীতিবিদক লৈ চৰ্চা চলি থকাৰ মাজতে আহিছে পূৰ্বৰ বিধায়ক ৰমাকান্ত দেউৰীৰো কিছু খেলিমেলি থকাৰ কথা৷
ৰাতুল বৰা নামৰ নিৰ্বাচনী এজেণ্টে কৰা এখন আবেদন এতিয়া সামাজিক মাধ্যমত ভাইৰেল হৈ পৰিছে৷ পত্ৰখনত লিখা হৈছে ৰমাকান্ত দেউৰীৰ অন্য বিত্তীয় কেলেংকাৰী নাই, তেওঁৰ আছে পত্নী কেলেংকাৰীহে! কাৰণ ৰমাকান্তই মনোনয়ন দাখিলত দিয়া তথ্যত লুকুৱাইছে নিজৰ দুজনী পত্নী থকাৰ কথা৷ অৱশ্যে এই তথ্য কিমান সঁচা সেয়া পৰীক্ষণৰ অন্ততহে জানিব পৰা যাব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
