বিগত বছৰত য’ত শেষ হৈছিল তাৰপৰাই নতুন আই পি এল আৰম্ভ কৰিলে বাংগালুৰুৱে৷ শনিবাৰে প্ৰথম মেচত হায়দৰাবাদক ৬ উইকেটত পৰাস্ত কৰিছে বাংগালুৰুৱে৷ প্ৰথমে বেট ধৰি হায়দৰাবাদে তোলে ২০১/৯৷ জৱাবত ৪ উইকেট হেৰুৱাই জয়ৰ ৰান তুলি লয় বাংগালুৰুৱে৷ দেৱদত্ত পাড়িক্কল আৰু বিৰাট কোহলিয়ে অৰ্ধশতৰান কৰিছে৷ অধিনায়ক ৰজত পাটীদাৰৰ ইনিংছে মেচৰ গতি পৰিবৰ্তন কৰি দিয়ে মুহূৰ্ততে৷
হায়দৰাবাদৰ আৰম্ভণি ভালেই হৈছিল৷ আৰম্ভণি কৰিছিল ফিল ছল্টে৷ কিন্তু দ্বিতীয় অভাৰত আউট হয় ফিল ছল্ট৷ তাৰপিছতেই নামে ইমপেক্ট প্লেয়াৰ পাড়িক্কল৷ প্ৰথম বলতেই জয়দেৱ উনাদকাটক ছিক্স কোবাই আৰম্ভ কৰে তেওঁ৷ তাতেই বুজা গৈছিল তেওঁৰ খেল৷ তাৰপিছতেই নীতিশ ৰেড্ডি, ডেভিড পেন, হৰ্ষ ডুবে, ইশান মালিঙ্গা কাকোৱেই নেৰিলে কৰ্ণাটকৰ এই বেটাৰে৷ ২১ বলত অৰ্ধশতৰান কৰে তেওঁ৷ ৮.১ অভাৰতেই ১০০ পাৰ কৰে বাংগালুৰুৱে৷
বিগত বৰ্ষত আইপিএলৰ ফাইনেল খেলাৰ পাছত আৰু কোনো খেল খেলা নাছিল কোহলীয়ে৷ ১০ মাহৰ পাছত ওভতিছে কোহলি৷ এইবাৰো কোহলিৰ প্ৰতিটো ষ্ট্ৰোকতে দেখা গৈছে পূৰ্বৰ দৰেই আত্মবিশ্বাস৷ অৰ্ধশতৰানৰ পাছত মেচ শেষ হ’বলৈ বেছি সময় নালাগিল৷ ১৬ অভাৰত হৰ্ষল পেটেলৰ এটা ছিক্স আৰু তিনিটা চাৰিয়ে মেচ শেষ কৰি দিয়ে৷ ২৬ বল বাকী থাকোতেই জয়লাভ কৰে বাংগালুৰুৱে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
