পিতৃৰ ঘৰলৈ গৈছিল পত্নী৷ তাৰমাজতেই ভয়ংকৰ ঘটনা ঘটালে স্বামীয়ে৷ প্ৰেমিকাক ঘৰলৈ মাতি আনি জীৱন শেষ কৰাৰ অভিযোগ উঠিছে তেওঁৰ বিৰুদ্ধে৷ ঘটনা ইমানতে শেষ নহয়৷ হত্যাৰ পাছত দেহ টুকুৰা টুকুৰ কৰি তাৰপিছতেই সেয়া ফ্ৰিজত ভৰাই ৰখাৰ অভিযোগ উঠিছে৷ নৃশংস ঘটনাটো ঘটিছে বিশাখাপত্তনমৰ গাজুৱাকা এলেকাত৷ মৃত্যকৰ নাম পলিপল্লি মৌনিকা৷ চিন্তাদা ৰবীন্দ্ৰ নামৰ সেই অভিযুক্ত ব্যক্তি এজন মাৰ্চেণ্ট নেভি অফিচাৰ বুলি জানিব পৰা গৈছে৷ ঘটনাক কেন্দ্ৰ কৰি এতিয়া দেশজুৰি বাঢ়িছে চাঞ্চল্য৷
বিবাহবহিৰ্ভূত সম্পৰ্কত সোমাই পৰিছিল ৰবীন্দ্ৰ৷ ২০২১ চনত এটা ডেটিং এপৰ মাধ্যমেৰে চিনাকি গৈছিল ৰবীন্দ্ৰ আৰু মৌনিকাৰ৷ সময়ৰ লগে লগে ঘনিষ্ঠতা বাঢ়ে৷ প্ৰায়েই একেলগে দুয়ো ফুৰিবলৈকো গৈছিল৷ সূত্ৰৰ খবৰ অনুসৰি দেওবাৰে দুপৰীয়া মৌনিকাক নিজৰ গাজুৱাকাৰ ভাৰাঘৰলৈ মাতি পঠিয়াই ৰবীন্দ্ৰই৷ আৰক্ষী সূত্ৰৰ পৰা জনা গৈছে তাতেই দুয়ো কিছুক্ষণ থকাৰ পাছত দুয়োৰে মাজত তীব্ৰ কাজিয়াৰ সৃষ্টি হয়৷ অভিযোগ যে মৌনিকাই তেওঁলোকৰ সম্পৰ্কৰ কথা ৰাজহুৱা কৰি দিয়াৰ ধমকি দিছিল ৰবীন্দ্ৰক৷ তাৰপিছতেই ভয়ংকৰ পৰিণতি৷ তদন্তকাৰীৰ দাবী, মৌনিকাক শ্বাসৰুদ্ধ কৰিব হত্যা কৰা হৈছে৷
আৰক্ষীৰ দাবী, পূৰ্বৰে পৰাই মৌনিকাক হত্যা কৰাৰ পৰিকল্পনা কৰি আছিল ৰবিন্দ্ৰই৷ তেওঁৰ পত্নী সেইদিনা ঘৰত নথকাৰ সুযোগ বুজি ঘৰলৈ মাতিছিল মৌনিকাক৷ সদ্য সন্তানৰ জন্ম দিয়াৰ পাছৰে পৰাই পিতৃৰ ঘৰতেই আছে ৰবীন্দ্ৰৰ পত্নী৷ অভিযোগ যে সেই সুযোগতেই ঘৰত প্ৰেমিকাক মাতি আনি হত্যাৰ পৰিকল্পনা কৰা হয়৷
আৰক্ষী সূত্ৰই ৰাষ্ট্ৰীয় সংবাদমাধ্যমক জনোৱা অনুসৰি ছুৰি ক্ৰয় কৰিবলৈ দোকানলৈকো গৈছিল ৰবীন্দ্ৰ৷ পাছত অৱশ্যে অনলাইন অৰ্ডাৰ কৰে৷ সেই ছুৰিৰেই মৌনিকাৰ দেহ টুকুৰা টুকুৰ কৰিছে বুলি অভিযোগ৷ দেহ তিনি টুকুৰা কৰি এটা অংশ ৰখা হৈছে ফ্ৰিজত৷ আৰু এটা অংশ বস্তাত ভৰাই বিচনাৰ তলত লুকুৱাই থৈছিল৷ আৰু মূৰ আৰু হাত নিৰ্জন এলেকাত নি পুৰি পেলোৱা হৈছে৷ প্ৰতিবেশীয়ে জনাইছে যে কোনো অস্বাভাৱিক শব্দ তেওঁলোকে শুনা পোৱা নাছিল৷ বাহিৰৰ পৰা সকলো স্বাভাৱিকেই লাগিছিল৷ প্ৰমাণ লুকুওৱাৰ চেষ্টা কৰিলেও পলায় যোৱা নাছিল ৰবীন্দ্ৰ৷ ঘটনাৰ পাছতেই গাজুৱাকা থানালৈ গৈ আত্মসমৰ্পন কৰে৷ নিজেই হত্যা কৰাৰ কথাও স্বীকাৰ কৰে৷ তাৰপিছতেই আৰক্ষীয়ে দেহাংশ উদ্ধাৰ কৰিছে৷ ইতিমধ্যেই সমগ্ৰ ঘটনাক লৈ আৰম্ভ হৈছে তদন্ত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
