বিহাৰৰ নালন্দাৰ শীতলা মন্দিৰত পদপিষ্ট হৈ ৮ তীৰ্থযাত্ৰীৰ মৃত্যু৷ আৰক্ষী সূত্ৰৰ খবৰ অনুসৰি এই ঘটনাত গুৰুতৰভাৱে আঘাতপ্ৰাপ্ত হৈছে ১২ জন৷ প্ৰত্যেক মঙ্গলবাৰে কেইবাশ তীৰ্থযাত্ৰীয়ে নালন্দাৰ শীতলা মন্দিৰত পূজা কৰিবলৈ গৈছিল৷ ৩১ মাৰ্চ চ’ত মাহৰ মঙ্গলবাৰ৷ অত্যাধিক ভিৰ হৈছিল মন্দিৰত৷ লাইনত থিয় হৈ থকা তীৰ্থযাত্ৰীসকলৰ মাজত হঠাৎ ঠেলাহেঁচা আৰম্ভ হয়৷ তাৰপিছতেই পদপিষ্টৰ ঘটনা ঘটে বুলি আৰক্ষী সূত্ৰৰ পৰা জানিব পৰা গৈছে৷
ঘটনাস্থল নালন্দাৰ পৰা ৫ কিঃমিঃ দূৰৈৰ দীপনগৰ থানা এনেকাৰ মাঘৰা গাওঁত৷ তাতেই আছে শীতলা মন্দিৰ৷ এলেকাত উপস্থিত হয় স্থানীয় আৰক্ষী প্ৰশাসনৰ লোক৷ লগে লগে ঘটনাস্থলত উপস্থিত হৈ পৰিস্থিতি নিয়ন্ত্ৰণ কৰে৷
https://x.com/ANI/status/2038867640824037742?s=20
কিয় হৈছে এই পদপিষ্টৰ ঘটনা?
অত্যধিক ভিৰ হৈছিল মন্দিৰত তাতেই ঠেলাহেঁচাৰ মাজত এই পদপিষ্টৰ ঘটনা ঘটিছে৷ পদপিষ্ট হৈ মৃত্যু হোৱা লোকৰ পৰিয়ালক সমবেদনা জ্ঞাপন কৰিছে বিহাৰৰ উপমুখ্যমন্ত্ৰী আৰু স্বৰাষ্ট্ৰমন্ত্ৰী সম্ৰাট চৌধৰীয়ে৷ যিসকলে দুৰ্ঘটনাত জখম হৈছিল তেওঁলোকৰ দ্ৰুত আৰোগ্য কামনাও কৰিছে৷
বিহাৰ চৰকাৰৰ তৰফৰ পৰা নিহতসকলৰ পৰিয়ালক মুঠ ৬ লাখ টকাৰ আৰ্থিক সাহায্যৰ ঘোষণা কৰা হৈছে৷ ইয়াৰ মাজতে ডিজেষ্টাৰ মেনেজমেণ্ট দপ্তৰৰ পৰা ৪ লাখ টকা আৰু মুখ্যমন্ত্ৰী ত্ৰাণ তহবিলৰ পৰা ২ লাখ টকা দিয়া হ’ব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
