ডাকঘৰত সঠিক পদ্ধতিত ধন জমা কৰি ভৱিষ্যতৰ বাবে এটা সঠিক সঞ্চয় কৰিব পাৰে। এই ডাকঘৰৰ আঁচনিখনত এবাৰ বিনিয়োগ কৰি প্ৰতিমাহে নিশ্চিত ৯,২৫০ টকা উপাৰ্জন কৰিব পাৰে। ডাকঘৰৰ মাহেকীয়া আয় আঁচনি এক উৎকৃষ্ট বিকল্প। এককালীন ধন বিনিয়োগ কৰিলে আপুনি ৭.৪% বাৰ্ষিক সুতৰ হাৰত প্ৰতিমাহে ৯,২৫০ টকা পৰ্যন্ত নিৰ্দিষ্ট আয় লাভ কৰিব পাৰিব। ৫ বছৰৰ ভিতৰত মেচিউৰিটিৰ পিছত আপোনাৰ সমগ্ৰ জমা ধন নিৰাপদে ঘূৰাই দিয়া হয়।
যদি আপুনি কোনো ধৰণৰ বিপদ নোহোৱাকৈ নিৰ্দিষ্ট মাহিলী আয় বিচাৰে, তেন্তে ডাকঘৰৰ মাহিলী আয় একাউণ্ট (POMIS) আপোনাৰ বাবে এক নিখুঁত স্থান। চৰকাৰে ৭.৪% বাৰ্ষিক উৎকৃষ্ট সুতৰ হাৰ আগবঢ়ায়। আটাইতকৈ ডাঙৰ কথাটো হ’ল শ্বেয়াৰ বজাৰ বৃদ্ধি হওক বা হ্ৰাস হওক, আপোনাৰ উপাৰ্জনৰ ওপৰত কোনো প্ৰভাৱ নপৰে। ১০০% চৰকাৰী নিশ্চয়তাৰে আপোনাৰ ধন সুৰক্ষিত থাকিব।
যদি আপুনি আপোনাৰ পত্নী বা আন কাৰোবাৰ সৈতে জইন একাউণ্ট খুলি ১৫ লাখ টকা এককালীন ধনত জমা কৰে তেন্তে ৭.৪% বাৰ্ষিক সুতৰ হাৰ হ’ব ১১১,০০০ টকা। এই ধনৰাশি ১২ মাহত ভাগ কৰিলে, আপুনি প্ৰতিমাহে সম্পূৰ্ণ ৯,২৫০ টকা লাভ কৰিব। ইফালে কেৱল ৯ লাখ টকা বিনিয়োগ কৰিলেও বছৰি ৬৬,৬০০ টকা সুত লাভ কৰিব।
৫ বছৰৰ বাবে এই আঁচনিখনত আপোনাৰ ধন জমা কৰিব লাগিব। কিন্তু চিন্তা নকৰিব, পাঁচ বছৰৰ সময়সীমা শেষ হ’লে আপুনি আপোনাৰ সমগ্ৰ জমা ধন (প্ৰিন্সিপাল) সম্পূৰ্ণৰূপে ঘূৰাই পাব। ইয়াৰ পিছত হয় টকাখিনি ঘৰলৈ লৈ যাব পাৰে, নহয় পাঁচ বছৰৰ পাছত একেখন আঁচনিতে পুনৰ বিনিয়োগ কৰি মাহিলী দৰমহা পুনৰ আৰম্ভ কৰিব পাৰে।
এই আঁচনিখন নিৰাপদ বিনিয়োগ বিচৰা প্ৰতিজন সাধাৰণ ভাৰতীয়ৰ বাবে। আপুনি এটা একাউণ্ট খুলিব পাৰে, বা তিনিজনলৈকে জইন একাউণ্ট চলাব পাৰে। তদুপৰি যদি আপোনাৰ ১০ বছৰৰ ওপৰৰ সন্তান আছে তেন্তে পিতৃ-মাতৃয়েও নিজৰ সন্তানৰ নামত, তেওঁলোকৰ তত্বাৱধানত একাউণ্ট খুলি নিজৰ ভৱিষ্যতৰ ভেটি স্থাপন কৰিব পাৰে।
একাউণ্ট খোলাটো অতি সহজ। আপুনি মাত্ৰ আপোনাৰ ওচৰৰ ডাকঘৰলৈ গৈ নিয়মীয়াকৈ সঞ্চয় একাউণ্ট খুলিব লাগিব। মনত ৰাখিব যে, চৰকাৰী নতুন নিয়ম অনুসৰি আপোনাৰ পান কাৰ্ড আৰু আধাৰ কাৰ্ড থাকিব লাগিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
