অসমত কংগ্ৰেছ দলৰ শোচনীয় পৰাজয়ৰ পাছতেই অসমৰ ভাৰপ্ৰাপ্ত সাধাৰণ সম্পাদক পদৰ পৰা পদত্যাগ কৰিছে জীতেন্দ্ৰ সিঙে৷ পদত্যাগ পত্ৰ প্ৰেৰণ কৰি সামাজিক মাধ্যমত জীতেন্দ্ৰ সিঙে লিখিছে,
‘শ্ৰদ্ধাৰ শ্ৰী মল্লিকাৰ্জুন খৰ্গেজী,
তাৎক্ষণিকভাৱে কাৰ্যকৰী হোৱাকৈ অসমৰ ভাৰপ্ৰাপ্ত সাধাৰণ সম্পাদক পদৰ পৰা পদত্যাগ কৰিবলৈ এই পত্ৰ লিখিছো৷ শেহতীয়া নিৰ্বাচনৰ ফলাফল অত্যন্ত হতাশাজনক আৰু এই ফলাফলত মোৰ ভূমিকাৰ সম্পূৰ্ণ দায়িত্ব মই লওঁ। আমি চেষ্টা কৰিও অসমৰ জনতাৰ ওচৰত সেৱা কৰাৰ সুযোগ নাপালো৷ অসমৰ জনসাধাৰণৰ আশা পূৰণ কৰিব পৰা নাই বাবেই নিৰ্বাচনত আমি জয়ী হ’ব নোৱাৰিলো। সেৱা আগবঢ়োৱাৰ সুযোগৰ বাবে, আৰু মোৰ কাৰ্যকালত মোক যি আস্থা দেখুওৱা হৈছিল, তাৰ বাবে মই কৃতজ্ঞ।
অসমৰ ৰাইজৰ লগতে অসমৰ কংগ্ৰেছ কৰ্মী আৰু নেতাসকলক ধন্যবাদ জনাইছো যিসকলে মোক ইমান মৰম আৰু সন্মান প্ৰদান কৰি আহিছিল৷ মই কংগ্ৰেছ দলৰ মূল্যবোধ আৰু মনোভাৱৰ প্ৰতি সম্পূৰ্ণৰূপে নিষ্ঠাৱান, আৰু দলৰ বাবে মোৰ সমৰ্থন অব্যাহত ৰাখিম। মোক প্ৰভাৰী হিচাপে আপোনালোকে মোৰ এই কাৰ্যকালত দিয়া সমৰ্থনৰ বাবে ধন্যবাদ। সন্মানেৰে জিতেন্দ্ৰ সিং৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
