ভাৰতীয় ৰিজাৰ্ভ বেংকে চলিত অৰ্থবৰ্ষৰ প্ৰথম মনিটাৰি পলিছি কমিটিৰ বৈঠকত ৰেপো ৰেট ৫.২৫ শতাংশ অপৰিবৰ্তিত ৰখাৰ সিদ্ধান্ত লৈছে৷ এই সিদ্ধান্তৰ ফলত হোম লোন, কাৰ লোনসহ অন্যান্য ঋণৰ সুদৰ হাৰত কোনো ৰেহাই পোৱা নাই৷ গ্ৰাহকক অৱশ্যে হতাশো কৰা নাই৷ উল্লেখ্য যে বিগত বছৰ RBIয়ে মুঠ ১.২৫শতাংশ ৰেপো ৰেট কমাইছিল, যাৰ ফলত বিভিন্ন ধৰণৰ ঋণৰ সুদৰ হাৰো কমি যায়৷
বৰ্তমান ষ্টেট বেংক অফ ইণ্ডিয়াই ৭.২৫ শতাংশ সুদৰ হাৰত হোম লোন দিছে৷ জানি থওক এছ বি আইৰ পৰা ৫০লাখ টকাৰ হোম লোন ল’লে আপোনাৰ মাহিলী দৰমহা কিমান হোৱাটো প্ৰয়োজন৷ যদি এই হাৰত ২৫ বছৰৰ বাবে ৫০লাখ টকাৰ ঋণ লয় তেতিয়া আপোনাৰ মাহিলী দৰমহা কমেও ৭৩০০০ টকা হোৱাটো প্ৰয়োজন৷ সেই হিচাপ অনুসৰি আপোনাৰ নামত অন্য কোনো সক্ৰিয় ঋণ থকা উচিত নহয়৷
৭.২৫শতাংশ সুদৰ হাৰত ২৫ বছৰৰ বাবে ৫০লাখ টকাৰ হোম লোন ললে প্ৰতিমাহে প্ৰায় ৩৬৫০০ টকা দিব লাগিব৷ সাধাৰণতে হোম লোনৰ ক্ষেত্ৰত আপোনাৰ মাহিলী আয়ৰ প্ৰায় অৰ্ধেক ইএমআই পৰিশোধত খৰচ হৈ যায়৷ প্ৰতি দুইমাহত হয় RBI-ৰ MPCবৈঠক৷ ভাৰতীয় ৰিজাৰ্ভ বেংকৰ মনিটাৰি পলিছি কমিটিৰ বৈঠক প্ৰতি দুইমাহৰ অন্তৰে অন্তৰে অনুষ্ঠিত হয়৷ এই বৈঠকত RBIৰ গভৰ্নৰসহ শীৰ্ষ কৰ্মকৰ্তাসকলে দেশৰ বৰ্তমান অৰ্থনৈতিক পৰিস্থিতি বিশ্লেষণ কৰি ৰেপো ৰেট নিৰ্ধাৰণ কৰে৷
এপ্ৰিল মাহত RBI ৰ ৰেপো ৰেট ৫.২৫ শতাংশ অপৰিবৰ্তিত ৰখাৰ ঘোষণা কৰিছে৷ ইয়াৰ ফলত বৰ্তমান ঋণৰ সুদৰ হাৰ পূৰ্বৰ দৰেই আছে আৰু ইএমআইতো কোনো পৰিবৰ্তন হোৱা নাই৷ আৰ বি আইৰ পৰবৰ্তী MPC বৈঠক জুন মাহত অনুষ্ঠিত হোৱাৰ কথা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
