সাম্প্ৰতিক সময়ত ডাঙৰ ডাঙৰ ক্ৰুজ আৰু জাহাজসমূহত বাঢ়িছে হান্টাভাইৰাছৰ সংক্ৰমণৰ ঘটনা৷ এই বিষয়ক লৈ উদ্বিগ্ন হৈ পৰিছে স্বাস্থ্য বিশেষজ্ঞসকল৷ বৰ্তমান পৰ্যন্ত হাণ্টাভাইৰাছৰ আক্ৰমণৰ ফলত ৩ জন লোকে প্ৰাণ হেৰুৱাইছে৷ বিশেষজ্ঞই ধাৰণা কৰিছে যে এই ভাইৰাছ খুবেই বিৰল আৰু মাৰাত্মক৷ COVID-19-তকৈ ভয়ংকৰ হ’ব পাৰে এই ভাইৰাছ৷
হাণ্টা ভাইৰাছ কি?
Hantavirus হৈছে এনে এক ধৰণৰ ভাইৰাছ যি প্ৰধানত এন্দুৰ বা ৰোডেণ্ট জাতীয় প্ৰাণীৰ মাধ্যমেৰে বিয়পে৷ এন্দুৰৰ প্ৰস্ৰাৱ, লেলাৱতি এইসমূহৰ পৰা এই ভাইৰাছ মানুহৰ শৰীৰত প্ৰৱেশ কৰিব পাৰে৷ এই ভাইৰাছ COVID-19 বা ইনফ্লুয়েঞ্জাৰ দৰে অতি সহজে মানুহৰ শৰীৰত প্ৰৱেশ কৰিব নোৱাৰে৷ সাধাৰণতে ৰোডেণ্ট জায়ীৰ প্ৰাণীয়ে খোৱা খাদ্য, প্ৰস্ৰাৱ, মলত্যাগ কৰা খাদ্য মানুহে খালে তাৰপৰা এই ভাইৰাছ বিয়পিব পাৰে৷
কি কি উপসৰ্গই দেখা দিয়ে এই ভাইৰাছৰ সংক্ৰমণত?
ইয়াৰ প্ৰাথমিক লক্ষণ ফ্লুৰ দৰেই৷ ফলত বহুতেই প্ৰাথমিক পৰ্যায়ত ইয়াক ইনফ্লুয়েঞ্জা বা সাধাৰণ জ্বৰ বুলি ধাৰণা কৰে৷ ইয়াৰোপৰি পেশীৰ বিষ, মূৰৰ বিষ, অলপতেই ক্লান্ত লগা, বমি এই লক্ষণসমূহে দেখা দিয়ে৷ বহুক্ষেত্ৰত শ্বাসকষ্ট বা হাওঁফাওঁৰ সমস্যাও হ’ব পাৰে যাক কোৱা হয় Hantavirus Pulmonary Syndrome (HPS)। চিকিৎসকে জনাইছে যে মূলত এন্দুৰৰ পৰা এই ভাইৰাছ বিয়পিছে৷ কিছুদিনৰ ভিতৰতেই ভয়ংকৰ ৰূপ ধাৰণ কৰিব পাৰে আৰু মৃত্যু পৰ্যন্ত ঘটিব পাৰে৷
কিয় ক্ৰুজতে বাঢ়িছে এই সংক্ৰমণ?
বিশেষজ্ঞৰ মতে ডাঙৰ ডাঙৰ জাহাজৰ কাৰ্গোত দীৰ্ঘদিনৰ বাবে খাদ্য মজুত থাকে৷ তাতেই এন্দুৰ বা ৰোডেণ্টজাতীয় প্ৰাণীয়ে বাঁহ বান্ধে৷ ফলত এই ভাইৰাছ বিয়পে৷ ক্ৰুজত বহু যাত্ৰী আৰু কৰ্মী একেলগে থাকে আৰু সেই খাদ্যও সকলোৱে গ্ৰহণ কৰে ফলত এই ভাইৰাছ বিয়পি কৰে বুলি ধাৰণা চিকিৎসকৰ৷
বিশেষজ্ঞই ধাৰণা কৰিছে যে এই ৰোগ বিৰল আৰু অত্যন্ত মাৰাত্মক৷ কভিড ১৯তকৈ HPS ৰ মৃত্যুহাৰ বেছি আৰু চিন্তাৰ কাৰণ হৈছে ইয়াৰ নিৰ্দিষ্ট কোনো এণ্টিভাইৰেল ঔষধ নাই৷ শ্বাসকষ্ট বা হাওঁফাওত এই ভাইৰাছৰ সংক্ৰমণ হলে অক্সিজেন চাপৰ্টেই একমাত্ৰ ভৰসা৷ এই ধাৰণা কৰিছে চিকিৎসকসকলে৷ সমগ্ৰ বিশ্ব ভ্ৰমণৰ বিষয়েও বিশেষ সতৰ্ক থাকিবলৈ কোৱা হৈছে৷
কি কি সতৰ্কতা গ্ৰহণ কৰা জৰুৰী?
জাহাজসমূহত পেষ্ট কন্ট্ৰল ব্যৱস্থা আৰু উন্নত কৰিবলৈ কোৱা হৈছে৷ পৰিষ্কাৰ, পৰিচ্ছন্নতা বজায় ৰখা আৰু ষ্টোৰেজত খাদ্য সঠিকভাৱে সংৰক্ষণ কৰা উচিত আৰু কোনো ভ্ৰমণৰ পাছত যদি ফ্লুৰ দৰে গুৰুতৰ উপসৰ্গই দেখা দিয়ে তেতিয়া দ্ৰুত চিকিৎসকৰ পৰামৰ্শ লোৱা উচিত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
