সামাজিক মাধ্যমত এটা বিশেষ প’ষ্ট দি আকৌ চৰ্চালৈ আহিছে পাপৰি বৰা তথা জনপ্ৰিয় মণি বৌ৷ পাপৰি বৰাই ৰাজধানী থিয়েটাৰৰ বিৰুদ্ধে আনিছে ভয়ংকৰ অভিযোগ৷ তেওঁ সামাজিক মাধ্যমত লিখিছে দুটাকৈ প’ষ্ট৷ প্ৰথম প’ষ্টত তেওঁ লিখিছে, ‘ ৰাজধানী থিয়েটাৰ Bachchu Roy Mallika Roy পইচা দিবনে আজি ? বহুত চুচৰাই আছে কিন্তু ? এইবোৰ ভণ্ডামি নচলিব আৰু ? এইটো just warning হে আৰু কি হৈছে , হৈছিল অসমৰ ৰাইজক জনাই আছোঁ।’
তাৰপিছতেই দ্বিতীয় প’ষ্ট, ‘Partha Sarma মিছা কিমান মাতিব আৰু?
যি সকল আহ্বায়ক কমিটি তথা কলা কৌশলী নতুনকৈ চুক্তি হৈছে , এবাৰ ভাবিব । বৰ বেলেগ ধৰনৰ মানুহ Bachchu Roy , মই কৈ থলোঁ …ৰাজধানী থিয়েটাৰ’
দ্বিতীয় প’ষ্টৰ তলত তেওঁ কমেণ্ট বক্সত দিছে ৰাজধানী থিয়েটাৰে কেনেকৈ তেওঁৰ সৈতে বিত্তীয় কেলেংকাৰী কৰিছে তাৰ তথ্যও৷ তাত তেওঁ লিখিছে, ‘ মই এটকা দুটকা নহয় 2 লাখৰ ওপৰত পাব আছে , টেক্সৰ নামত মিছাকৈ 1 লাখ 10 হাজাৰ লৈছে। ইফালে চুক্তি পত্ৰত সেইয়া নাছিল। কিন্তু টেক্স জমা হোৱা নাই এতিয়ালৈকে । যিহেতু আমাক কেচ পইচা দিয়ে । আৰু 13 হাজাৰ এনেই কাটি লৈছে। কোনো অৰ্থ নাই। 2 লাখ টকাৰ চেক দি এতিয়া পিছুৱাই আছে । তাৰিখৰ মতে নাপাওঁ , সদায় বেংক অহা যোৱা কৰি আছোঁ। তেওঁলোকে কৈছে বাউন্স হৈছে জানো ? মই কওঁ যিহেতু মোৰ বেংক একাউণ্ট এক্সিছ বেংক আৰু চেক পাইছোঁ সেই বেংকৰ গতিকে একে দিনাই যিহেতু পইচা পাই । তেওঁলোকে বাউন্স নকৰি সেইটো একাউন্ট ত পইচা নাই বুলি পঠিয়াই দিয়ে । আৰু মোক খালি চেক দিয়াৰ দিনাই পইচা পালোঁ বুলি এটা ভিডিঅ’ দিব দিছিল। কিন্তু মই নিদিলোঁ।’
পাপৰি বৰাই সামাজিক মাধ্যমত দিয়া তিনিটাকৈ প’ষ্টৰ পাছত স্পষ্টীকৰণ দাঙি ধৰিছে ৰাজধানী থিয়েটাৰৰ তৰফৰ পৰাও৷ তাত তেওঁলোকে লিখিছে এনেদৰে-
শ্ৰদ্ধাৰ Papori Borah Papori Bora moni ডাঙৰীয়ানীলৈ …
আপোনাক ২০২৫-২৬ নাট্যবৰ্ষত ৰাজধানী থিয়েটাৰৰ সৈতে চুক্তিবদ্ধ কৰিছিল ৰাজধানী থিয়েটাৰ কৰ্তৃপক্ষই……চ’চিয়েল মিডিয়াই নহয়… আপুনি পাবলগীয়া মাননি আপোনাক ৰাজধানী থিয়েটাৰ কৰ্তৃপক্ষই দিব চ’চিয়েল মিডিয়াই নহয় বা চ’চিয়েল মিডিয়া টকা পোৱাৰ আহিলা নহয়…আপুনি চ’চিয়েল মিডিয়াত কাৰোবাৰ ষড়যন্ত্ৰ অথবা নিজ মানসিকতাৰে ৰাজধানীক হেয় প্ৰতিপন্ন কৰাৰ যি প্ৰচেষ্টা অব্যাহত ৰাখিছে তাক লৈ আমি দু:খিত৷
আগতেও আপুনি এদিন চ’চিয়েল মিডিয়াত পোষ্ট কৰিছিলে…আৰু প্ৰতিজন শিল্পী,কলা-কুশলীক সুন্দৰকৈ বিদায় দিয়াৰ দৰে আপোনাকো ইতিমধ্যে আখৰাৰ পৰা মাননি দি আহি আহি শেষ পৰ্যায়তো দুই এখন চেক পাছ কৰাই দিয়া হৈছে…আজি প্ৰায় ১০ দিন মান আগতো এখন চেক পাছ কৰাই দিয়া হৈছে……আৰু আজিও আপোনাক চেক এখন লগাব দিয়া হৈছে……চেক বাউঞ্চ নোহোৱাকৈ আপুনি আমাক ৰাজহুৱাকৈ বদনাম কিয় কৰিলে????যদি চেক বাউঞ্চ হৈছে ৰাজহুৱাকৈ তথ্য দিয়ক৷
আজি আপোনাক ৰাজধানী থিয়েটাৰ কৰ্তৃপক্ষই নিজে ফোন কৰি দিনৰ ১২ বজাৰ পিছত চেকখন লগাব দিছে…আপুনি লগাইছে কিন্তু আপোনাৰ চেকখন পাছ কৰাৰ দায়িত্ব আমাৰ,ৰাজধানী থিয়েটাৰ কৰ্তপক্ষৰ……আপুনি চেকখন পাছ নকৰোতেই,বাউঞ্চ নহওতেই কিয় পোষ্ট কৰি সাধাৰণ দৰ্শক আৰু আহ্বায়ক কমিতিৰ আগত আমাক বদনামী কৰিলে?
এনেকুৱা মানসিকতা হ’লে আমি আপোনাক আমাৰ মাননি সম্পূৰ্ণ কৰাৰ মানসিকতা নাথাকিব…পৰৱৰ্তী সময়ত এনেকুৱাকৈ আনক অপমান,বদনাম কৰি অধিক জনপ্ৰিয় হোৱাৰ প্ৰচেষ্টাৰ পৰা বিৰত থাকিব
বিনাহকত এটি অনুষ্ঠানক বদনাম কৰিব নাপায়…আজি পৰ্যন্ত কিয় আপোনাৰ মাননি সম্পূৰ্ণ আদায় পোৱা নাই নিজেই নিজক প্ৰশ্ন কৰিব…
আপোনাৰ ভৱিষ্যত অভিনয় যাত্ৰা মধুময় হওক…শুভকামনা সদায় আছে…এটা কথা মনত ৰাখিব প্ৰাপ্য পইছা পাবই…কিন্তু সকলো কথা ৰাজধানী থিয়েটাৰৰ কৰ্তৃপক্ষৰ লগত আলোচনা কৰা দৰকাৰ ৷ শ্ৰদ্ধাৰ দৰ্শক ৰাইজলৈ অনুৰোধ ভিতৰুৱা কথা নজনাকৈ কোনেও যেন একপক্ষীয় ভাৱে ৰাজধানীক বদনামী কৰি কমেণ্ট নকৰে
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
