চলমান ভূ-ৰাজনৈতিক উত্তেজনা আৰু বজাৰৰ অস্থিৰতাৰ মাজত ৰক্ষণশীল বিনিয়োগকাৰীসকলৰ বাবে পোষ্ট অফিচৰ মাহিলী আয় প্ৰকল্প বিকল্পৰ মাজত এটা৷ ভাৰত চৰকাৰৰ সমৰ্থিত এই স্কিমত মূলধনৰ নিৰাপত্তাৰ ওপৰিও নিয়মিত মাহিলী আয়ৰ সুবিধা দিয়ে৷ ফলত অৱসৰপ্ৰাপ্ত ব্যক্তি আৰু ধন হেৰুওৱাবলৈ ভয় কৰে কিন্তু বিনিয়োগো কৰিব খোজে তেনে ব্যক্তিৰ বাবে জনপ্ৰিয় এই স্কিম৷
বৰ্তমান বিশ্বজুৰি অনিশ্চয়তাৰ পৰিবেশ তৈয়াৰ হৈছে৷ বিশেষকৈ আমেৰিকা আৰু ইৰানৰ মাজত উত্তেজনাৰ কাৰণে আন্তৰ্জাতিক বজাৰত তেলৰ দাম, পণ্যদ্ৰব্য আৰু শ্বেয়াৰ বজাৰৰ ওঠানমা দেখা গৈছে৷ এনে পৰিস্থিতিত বহু বিনিয়োগকাৰীয়ে বজাৰভিত্তিক ৰিস্ক এৰাই স্থিতিশীল আৰু নিশ্চিত ৰিটাৰ্ণৰ দিশে মন মেলিছে৷
১৩ মে ২০২৬ পৰ্যন্ত ভাৰত চৰকাৰে পোষ্ট অফিচ এম আই এছৰ সুদৰ হাৰ অপৰিবৰ্তিত ৰাখিছে৷
বিত্ত মন্ত্ৰণালয়ৰ প্ৰকাশিত সৰ্বশেষ স্মল ছেভিংছ স্কিমৰ তথ্য অনুসৰি এপ্ৰিলৰ পৰা জুন ২০২৬ তিনিমাহৰ বাবে এই স্কিমত বাৰ্ষিক ৭.৪ শতাংশ হাৰত সুদ দিয়া হৈছে৷ যদি কোনো ব্যক্তিয়ে এই প্ৰকল্পত ৯ লাখ টকা বিনিয়োগ কৰে তেতিয়া তেওঁ প্ৰতি মাহত প্ৰায় ৫৫০০ টকাকৈ লাভ কৰিব আগন্তুক ৫ বছৰ পৰ্যন্ত৷ ম্যাদ শেষ হ’লে সম্পূৰ্ণ মূলধন বিনিয়োগকাৰীক উভতাই দিয়া হ’ব৷ মনত ৰাখিব যে এই স্কিমত প্ৰাপ্ত সুদৰ ওপৰত কৰ প্ৰযোজ্য৷ সেয়ে বিনিয়োগৰ পূৰ্বে কৰ পৰবৰ্তী ৰিটাৰ্ণ আৰু অন্যান্য বিষয়ো বিবেচনা কৰা জৰুৰী৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
