বিগত ১২ বছৰ ধৰি তেওঁ আছে প্ৰধানমন্ত্ৰী আসনত৷ ৰাষ্ট্ৰপ্ৰধান হিচাপে এখনৰ পাছত আনখন দেশ যাত্ৰা কৰিছে৷ য’তেই গৈছে তাতেই পাইছে বৃহৎ সন্মান৷ একাধিক দেশৰ সৰ্বোচ্চ সন্মান তুলি দিয়া হৈছে তেওঁৰ হাতত৷ বৰ্তমান পাঁচখন দেশৰ ভ্ৰমণত আছে প্ৰধানমন্ত্ৰী৷ দেওবাৰে নিশা তেওঁ ভৰি থৈছে ছুইডেনত৷ সেইদেশৰ সৰ্বোচ্চ ৰাষ্ট্ৰীয় সন্মান ৰয়েল অৰ্ডাৰ অফ পোলাৰ ষ্টাৰেৰে সন্মানিত হৈছে প্ৰধানমন্ত্ৰী মোদী৷ তেওঁ লাভ কৰা এয়া ৩১তম আন্তৰ্জাতিক সন্মান৷
বিগত ১০ বছৰত একাধিক দেশৰ সৰ্বোচ্চ সম্মান পাইছে মোদীয়ে৷ আৰম্ভণি হৈছিল ২০১৬ চনৰ ছৌদী আৰৱৰ সৰ্বোচ্চ নাগৰিক সন্মান কিং আব্দুল আজিজ চাছৰ মাধ্যমেৰে৷ সেই বছৰেই আফগানিস্তানৰ সৰ্বোচ্চ নাগৰিক সন্মান গাজী আমিৰ আমানুল্লাহ খান লাভ কৰে৷ তাৰ ঠিক দুবছৰ পাছত গ্ৰেণ্ড কলাৰ অফ দ্যা ষ্টেট অফ পেলেষ্টাইন সন্মানো তুলি দিয়া হয় প্ৰধানমন্ত্ৰীৰ হাতত৷ পাছৰ বছৰ অৰ্থাৎ ২০১৯ চনত মালদ্বীপ চৰকাৰে অৰ্ডাৰ অফ নিশান ইজ্জদ্দিন সন্মানেৰে ভূষিত কৰে মোদীক৷
২০১৯ চনত সংযুক্ত আৰৱ আমিৰশাহিৰ সৰ্বোচ্চ নাগৰিক সন্মান অৰ্ডাৰ অফ জায়েদ প্ৰদান কৰা হয় ভাৰতৰ প্ৰধানমন্ত্ৰীক৷ একে দিনাই বাহৰেইনৰ কিং হামাদ অৰ্ডাৰ অফ দ্যা ৰেনোছা সন্মানো পায় তেওঁ৷ ২০১৯ চনত ৰাছিয়াৰ সৰ্বোচ্চ নাগৰিক সন্মান অৰ্ডাৰ অফ চেণ্ট এন্ডুৰ দ্যা এপেছল লাভ কৰে মোদীয়ে৷ ৰুছ প্ৰেছিডেণ্ট ভ্লাডিমিৰ পুটিনে এই সন্মান তুলি দিয়ে প্ৰধানমন্ত্ৰীৰ হাতত৷ পাছৰ বছৰ মাৰ্কিন যুক্তৰাষ্ট্রই লিজিয়ন অফ মেৰিট সন্মানেৰে ভূষিত কৰে ভাৰতৰ প্ৰধানমন্ত্ৰীক৷ ভূটানৰ সৰ্বোচ্চ নাগৰিকে সন্মান অৰ্ডাৰ অফ ড্ৰুক গেলেপোৰে ভূষিত হয় মোদী৷ ২০২৩ চনৰ মিছৰৰ সৰ্বোচ্চ সন্মান অৰ্ডাৰ অফ নাইল পাইছে তেওঁ৷ গ্ৰীছৰ পৰা গ্ৰেণ্ড ক্ৰছ অফ দ্যা অৰ্ডাৰ অফ অনাৰ সন্মানেৰে ভূষিত হয় প্ৰধানমন্ত্ৰী৷
পাপুৱা নিউগিনৰ গ্ৰেণ্ডৰ কম্পেনিয়ন অফ দ্যা অৰ্ডাৰ অফ লোগোহু সন্মানেৰে ভূষিত হয় প্ৰধানমন্ত্ৰী৷ পালাউৰ পৰা এবাকৰ এৱাৰ্ড পাইছে৷ ফিজিৰ সৰ্বোচ্চ সন্মান কম্পেনিয়ন অফ দ্যা অৰ্ডাৰ অফ ফিডিও দিয়া হৈছে মোদীক৷ ২০২৩ চনত ফ্ৰান্সৰ পৰা গ্ৰেণ্ড ক্ৰছ অফ দ্যা লিজিয়ন অফ অনাৰ সন্মানেৰে সন্মানিত হয় প্ৰধানমন্ত্ৰী৷ পাছৰ বছৰ ডমিনিকাৰ ডোমিনিকা এৱাৰ্ড, গায়ানাৰ অৰ্ডাৰ অফ এক্সিলেন্স আৰু বাৰ্বাডোছৰ পৰা অৰ্ডাৰ অফ ফ্ৰিডম অফ বাৰ্বাডোছ, সন্মান পায় তেওঁ৷ কুৱেইটৰ পৰা অৰ্ডাৰ অফ মুবাৰক আল কবীৰ সন্মানেৰে সন্মানিত হয় প্ৰধানমন্ত্ৰী৷
২০২৫ চনত মৰিছাচ গ্ৰেণ্ড কমাণ্ডাৰ অফ দ্যা অৰ্ডাৰ অফ দ্যা ষ্টাৰ এণ্ড কি, সন্মান প্ৰদান কৰা হয় মোদীক৷ শ্ৰীলংকা মিত্ৰ বিভূষণেৰেও ভূষিত হয় তেওঁ৷ ছাইপ্ৰাছৰ গ্ৰেণ্ড ক্ৰছ অফ দ্যা অৰ্ডাৰ অফ মেকাৰিওছ পাইছে প্ৰধানমন্ত্ৰীয়ে৷ ২০২৫ চনত ঘানাৰ দ্যা অফিচাৰ অফ দ্যা অৰ্ডাৰ অফ দ্যা ষ্টাৰ অফ ঘানা সন্মান আৰু ত্ৰিনিদাদ আৰু টোবাগোৰ অৰ্ডাৰ অফ দ্যা ৰিপাব্লিক অফ ত্ৰিনিদাদ এণ্ড টোবেগো সন্মান পাইছে প্ৰধানমন্ত্ৰী মোদীয়ে৷
বিগত বছৰ ব্ৰাজিল যাত্ৰালৈ গৈ দ্যা গ্ৰেণ্ড কলাৰ অফ দ্যা নেশ্ব্যনেল অৰ্ডাৰ অফ দ্যা চাউডাৰ্ণ ক্ৰছো পাইছে প্রধানমন্ত্ৰীয়ে৷ নামিবিয়াৰ অৰ্ডাৰ অফ দ্যা মষ্ট এচিয়েণ্ট ৱেলউইচিয়া মিৰাবিলিছেও সন্মানিত হৈছে তেওঁ৷ বিশ্বৰ প্ৰথম ৰাষ্ট্ৰপ্রধান হিচাপে ইথিউপিয়াৰ সৰ্বোচ্চ সন্মানেৰে ভূষিত হৈছে মোদী৷ ইথিউপিয়াৰ সৰ্বোচ্চ সন্মান দ্যা গ্ৰেট অনাৰ নিছান অৱ ইথিউপিয়া তুলি দিয়া হৈছে তেওঁৰ হাতত৷ পাইছে ওমানৰ ফাৰ্ষ্ট ক্লাছ অফ দ্যা অৰ্ডাৰ অফ ওমান সন্মান৷ চলিত বছৰত দুখন দেশত সন্মানিত হৈছে প্ৰধানমন্ত্ৰী৷ ইজৰায়েল যাত্ৰালৈ গৈ পাইছে মেডেল অফ দ্যা কেনেচেট সন্মান৷ ইজৰায়েলি সাংসদ বা কেনেচেটত ভাষণো দিছে প্ৰধানমন্ত্ৰীয়ে৷ ইৰাণ যুদ্ধৰ ঠিক পূৰ্বে তেওঁ ভাষণ দিছিল৷ মোদীয়ে পাইছে সৰ্বোচ্চ আন্তৰ্জাতিক সন্মান এল ছুইডেনৰ পৰা৷ দেওবাৰে ছুইডেনৰ সৰ্বোচ্চ ৰাষ্ট্ৰীয় সন্মান ৰয়েল অৰ্ডাৰ অফ পোলাৰ ষ্টাৰ তুলি দিয়া হৈছে প্ৰধানমন্ত্ৰীৰ হাতত৷ ছইডেনৰ পৰাই প্ৰধানমন্ত্ৰীয়ে যাত্ৰা কৰিছে নৰৱেৰ উদ্দেশ্যে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
