পিঁয়াজৰ ৰস নে পিঁয়াজৰ তেল, গৰমত চুলিৰ বাবে কোনটো বেছি উপযোগী?

গৰমত অতিৰিক্ত ঘাম, তেল আৰু ধুলি জমা হোৱাৰ বাবে চুলিত নানান সমস্যাই দেখা দিয়ে৷ ফলত চুলি সৰা, স্কেল্পত খজুৱতি আৰু চুলি ৰুক্ষ হৈ পৰাৰ সমস্যা বাঢ়ি যায়৷ সেয়ে বহুতেই এতিয়া প্ৰাকৃতিক উপায়েৰে চুলিৰ যত্ন ল’ব বিচাৰে৷ বিশেষকৈ পিঁয়াজৰ ৰস বা পিঁয়াজৰ তেল বৰ্তমান ছচিয়েল মিডিয়াত অত্যন্ত জনপ্ৰিয়৷ চুলি সৰা কমোৱা আৰু নতুন চুলি গজোৱাত সহায় কৰিব পাৰে বুলি এই দুই ঘৰুৱা উপায়ৰ জনপ্ৰিয়তা দ্ৰুত বাঢ়িছে৷

চুলি সৰা কমাবলৈ কিমান কাৰ্যকৰ পিঁয়াজৰ ৰস?

গৰমত যাৰ মূৰৰ ছাল বেচি তেলেতীয়া হৈ যায় বা ঘামত তিতি থাকে তেওঁলোকৰ বাবে পিঁয়াজৰ ৰস উপকাৰী হ’ব পাৰে৷ খুবেই পাতল হোৱাৰ ফলত স্কেল্পত অতিৰিক্ত তেলেতীয়া ভাৱ তৈয়াৰ নকৰে৷ ছালফাৰ সমৃদ্ধ পিঁয়াজৰ ৰসে চুলিৰ গুৰি মজবুত কৰাত সহায় কৰে আৰু মূৰৰ ছালত ৰক্তসঞ্চালত বঢ়ায়৷ ফলত নতুন চুলি গজাত সহায়ক হয়৷ যিসকলৰ স্কেল্পত ব্ৰুণ বা অতিৰিক্ত ঘামৰ সমস্যা আছে তেওঁলোকৰ বাবে ই উপযোগী৷ নিয়মিত ব্যৱহাৰ আৰু ধৈৰ্যও জৰুৰী৷

পিঁয়াজৰ তেল কিয় উপকাৰী?

যাৰ চুলি শুকান, ৰুক্ষ বা ফ্ৰিজি তেওঁলোকৰ বাবে পিঁয়াজল তেল বেছি কাৰ্যকৰ হ’ব পাৰে৷ ই চুলিৰ মাজত আৰ্দ্ৰতা ধৰি ৰখাত সহায় কৰে আৰু চুলিক নৰম আৰু মসৃণ ৰাখে৷ বিশেষকৈ কেঁকোৰা চুলি, কেমিকেল ট্ৰিটমেণ্ট কৰা চুলি বা খুবেই ঘন চুলিৰ ক্ষেত্ৰত ই ভাল কাম কৰিব পাৰে৷ পিঁয়াজৰ তেলে স্কেল্পত ৰক্তসঞ্চালন বঢ়াই৷ ষ্ট্ৰেচজনিত চুলি সৰা কিছু কমোৱাত সহায় কৰে৷

ঘৰতে কেনেকৈ তৈয়াৰ কৰিব?

পিঁয়াজৰ তেল

পিঁয়াজৰ তেল তৈয়াৰ কৰিবৰ বাবে প্ৰয়োজন নাৰিকল তেল আৰু দুটাকৈ পিঁয়াজ৷ প্ৰথমে পিঁয়াজ সৰু সৰুকৈ কাটি নাৰিকল তেলৰ সৈতে গৰম কৰক৷ পিঁয়াজৰ বাদামি ৰং আহিলে ঠাণ্ডা কৰি কাঁচৰ বটলত ভৰাই থওক৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ