নিকৃষ্ট কাণ্ড! ১২০ জন পুৰুষৰ সৈতে স্বামীয়ে শা*ৰীৰিক সম্পৰ্কৰ বাবে বাধ্য কৰোৱালে পত্নীক

সমগ্ৰ বিশ্বত খলকনি তোলা এটা বাতৰি আহিছে ইউৰোপৰ দেশ ছুইডেনৰ পৰা। দেশখনৰ এজন ৬১ বছৰীয়া লোকক আদালতে ৪.৫ বছৰৰ কাৰাদণ্ড বিহিছে। লোকজনৰ অপৰাধৰ বিষয়ে জানিলে আপোনাৰ চকু কপালত উঠিব। এই নষ্ট চৰিত্ৰৰ লোকজনে নিজৰ পত্নীক জোৰকৈ দেহ ব্যৱসায়ত লিপ্ত কৰোৱাৰ অভিযোগ প্ৰমাণিত হোৱাৰ পিছতে দেশখনৰ আদালতে এই ৰায় দিয়ে। আদালতৰ ৰায় অনুসৰি, অভিযুক্ত লোকজনে পত্নীৰ বিৰুদ্ধে নিৰ্যাতন, মৃ*ত্যুৰ ভাবুকি দিয়াৰ উপৰিও ঘৰৰ বিভিন্ন স্থানত cctv সংস্থাপন কৰি পত্নীক চোকা নজৰত ৰাখিছিল। লোকজনৰ বিৰুদ্ধে বলপূৰ্বক যৌ*ন নিৰ্যাতনৰ চেষ্টা, দে*হ ব্যৱসায়ত বাধ্য কৰা, শাৰীৰিক আক্ৰমণ, ভাবুকি প্ৰদানকে ধৰি একাধিক গুৰুতৰ অপৰাধ প্ৰমাণিত হৈছে। এই লোকজনৰ উপৰিও ধনৰ বিনিময়ত তেওঁৰ পত্নীৰ সৈতে বলপূৰ্বক যৌ*ন সম্পৰ্ক স্থাপন কৰাৰ অভিযোগত আন ২৮জন লোককো দোষী সাব্যস্ত কৰি ৰায়দান কৰিছে ছুইডেনৰ পূব উপকুলৰ হেৰ্নোচাণ্ড আদালতে। ৬১ বছৰীয়া অভিযুক্ত লোকজনে পত্নীক প্ৰায় ১২০ জন পুৰুষৰ সৈতে ধনৰ বিনিময়ত বলপূৰ্বকভাৱে যৌ*ন কাৰ্যত দীৰ্ঘদিন ধৰি লিপ্ত কৰোৱাইছিল।

২০২২চনৰ পৰাই কৰি আহিছিল এই অপৰাধ

ইপিনে আদালতত অভিযুক্তই সকলো অভিযোগ অস্বীকাৰ কৰি কয় যে -তেওঁ কেৱল দুয়োপক্ষৰ সন্মতি সাপেক্ষে সাক্ষাৎকাৰৰহে ব্যৱস্থা কৰিছিল। কিন্তু আদালতে সেই যুক্তি নাকচ কৰি মন্তব্য কৰে যে-তেওঁ নিজৰ পত্নীক ‘অতি নিষ্ঠুৰভাৱে শোষণ’ কৰি আহিছিল। অভিযোগ অনুসৰি, ২০২২ চনৰ পৰা অভিযুক্ত লোকজনে পত্নীক ধনৰ বিনিময়ত আন পুৰুষৰ সৈতে যৌ*ন সম্পৰ্ক স্থাপনৰ বাবে বাধ্য কৰিবলৈ আৰম্ভ কৰে। দেশখনৰ বিভিন্ন প্ৰান্তৰ পৰা দম্পতীটোৰ ক্ৰামফৰ্ছস্থিত ফাৰ্মহাউছটোলৈ আহিছিল পুৰুষসকল।

ভুক্তভোগীৰ আৰক্ষীক অভিযোগৰ পিছতে পোহৰলৈ সমগ্ৰ ঘটনা

ভুক্তভোগী মহিলাগৰাকীয়ে আৰক্ষীক কৰা অভিযোগৰ পিছতে সমগ্ৰ ঘটনা পোহৰলৈ আহে। অভিযোগ অনুসৰি, অভিযুক্ত লোকজনে পত্নীক বলপূৰ্বকভাৱে নিচাজাতীয় দ্ৰব্য সেৱন কৰোৱাৰো অভিযোগ উত্থাপন কৰিছে। ইয়াৰ উপৰিও পত্নীক হত্যাৰ অপচেষ্টা, শৰীৰত পেট্ৰ’ল ঢালি জ্বলাই দিয়াৰ লগতে আঙুলি কাটি পেলোৱাৰ দৰে ভয়ংকৰ ভাবুকিও দিছিল বুলি আদালতে উল্লেখ কৰিছে। তদন্তত এই কথাও পোহৰলৈ আহে যে অভিযুক্তই পত্নীক যৌ*ন কাৰ্যকলাপৰ ভিডিঅ’ কৰি অনলাইনত সম্প্ৰচাৰ কৰিবলৈও বাধ্য কৰাইছিল। অধিক গ্ৰাহক সংগ্ৰহ কৰাৰ লক্ষ্যৰে অভিযুক্তই মহিলাগৰাকীৰ ওপৰত অহৰহ হেঁচা প্ৰয়োগ কৰিছিল আৰু ওচৰ-চুবুৰীয়া লোককো যৌ*ন সম্পৰ্কত লিপ্ত হ’বলৈ প্ৰলোভন দিবলৈ বাধ্য কৰিছিল। অৱশ্যে, এই গোচৰত বলপূৰ্বক ধ*ৰ্ষণৰ ৮টা অভিযোগ আদালতে খাৰিজ কৰে। কাৰণ, সেই ক্ষেত্ৰসমূহত মহিলাগৰাকীৰ অংশগ্ৰহণ সম্পূৰ্ণৰূপে ইচ্ছাৰ বিৰুদ্ধে হৈছিল বুলি প্ৰমাণিত নহ’ল। কাৰাদণ্ডৰ উপৰিও আদালতে অভিযুক্তক ক্ষতিপূৰণ হিচাপে পত্নীক ২ লাখ ছুইডিছ ক্ৰোনা আদায় দিয়াৰো নিৰ্দেশ দিয়ে। তদন্তকাৰী সংস্থাই মুঠ ১২০ জন পুৰুষৰ পৰিচয় চিনাক্ত কৰিছিল যদিও তেওঁলোকৰ ভিতৰত ২৯ জনৰ বিৰুদ্ধেহে অভিযোগনামা দাখিল কৰা হয়। আদালতে ইয়াৰে ২৮ জনক দোষী সাব্যস্ত কৰে।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ