অসম লাইভ ২৪ঃ ক্ৰমাৎ অধিক ভয়াৱহ হৈ পৰিছে দেশৰ কোভিড পৰিস্থিতি। প্ৰতিদিনে দেশৰ আক্ৰান্তৰ সংখ্যাই গঢ়িছে নতুন ৰেকৰ্ড। বিগত ২৪ ঘণ্টাত ভাৰতত নতুনকৈ কোভিডত আক্ৰান্ত হৈছে ২ লাখ ৫৯ হাজাৰ লোক। সমান্তৰালকৈ দেশৰ প্ৰতিটো প্ৰান্তত দ্ৰুত গতিত চলি আছে প্ৰতিষেধক প্ৰদান অভিযান। তাৰ মাজতো অভাৱনীয়ভাৱে বৃদ্ধি হোৱা সংক্ৰমণৰ প্ৰতি লক্ষ্য ৰাখি দেশৰ বিভিন্ন স্থানত জাৰি কৰা হৈছে কঠোৰ কেভিড বিধিৰ লগতে লকডাউন আৰু সান্ধ্য আইন। অসমকে ধৰি ভাৰতৰ ২০টা স্থানত অব্যাহত আছে সান্ধ্য আইন।
অসমঃ ২০ এপ্ৰিলৰ পৰা ৩০ এপ্ৰিললৈ অসমত ঘোষণা কৰা হৈছে সান্ধ্য আইন। ৰাজ্যৰ কঠিন কোভিড পৰিস্থিতিৰ বাবে নতুন sop জাৰি কৰিছে ৰাজ্য চৰকাৰে।
মহাৰাষ্ট্ৰঃ অধিক শোচনীয় হৈ পৰিছে মহাৰাষ্ট্ৰৰ কোভিড পৰিস্থিতি। দেশৰ ভিতৰত সৰ্বাধিক আক্ৰান্ত হৈছে মহাৰাষ্ট্ৰত। নিশা ৮ বজাৰ পৰা পুৱা ৭ বজালৈ জাৰি কৰা হৈছে সান্ধ্য আইন।
দিল্লীঃ ৰাজধানী দিল্লীত জাৰি আছে সম্পূৰ্ণ লকডাউন। জৰুৰী সেৱাৰ বাবে বন্ধ আছে সকলো। ২৬ এপ্ৰিলৰ পুৱা ৫ বজা পৰ্যন্ত ঘোষণা কৰা হৈছে লকডাউন।
উত্তৰ প্ৰদেশঃ কোভিড সংক্ৰমণ বৃদ্ধিৰ বাবে সাপ্তাহিক লকডাউন ঘোষণা কৰা হৈছে উত্তৰ প্ৰদেশত। শুকুৰবাৰে নিশা ৮ বজাৰ পৰা সোমবাৰে পুৱা ৭ বজালৈকে ক’ৰোনা কাৰ্ফিউৰ নিৰ্দেশনা জাৰি কৰা হৈছে।
গুজৰাটঃ গুজৰাটত জাৰি আছে সান্ধ্য আইন। স্কুল-কলেজ, শ্বপিং মল, ছবিগৃহ সকলোবোৰ বন্ধ আছে ৰাজ্যখনত।
বিহাৰঃ বিহাৰত ১৪৪ ধাৰা জাৰি কৰিছে প্ৰশাসনে। নিশা ৯ বজাৰ পৰা পুৱা ৭ বজালৈ সান্ধ্য আইন জাৰি।
উত্তৰাখণ্ডঃ উত্তৰাখণ্ডত সান্ধ্য আইনৰ লগতে প্ৰশাসনে জাৰি কৰিছে সাপ্তাহিক লকডাউন।
ৰাজস্থানঃ ১৫ মে’ পৰ্যন্ত ৰাজস্থানত লকডাউন ঘোষণা। ৰাজ্যখনত কেৱল জৰুৰী সেৱা উপলব্ধ।
পঞ্জাৱঃ পঞ্জাৱতো ৩০ এপ্ৰিল পৰ্যন্ত সান্ধ্য আইন ঘোষণা কৰিচে প্ৰশাসনে।
পুডুচেৰীঃ ক’ৰোনাৰ বৰ্ধিত সংক্ৰমণৰ বাবে পুডুচেৰীত ২৩ এপ্ৰিলৰ পৰা ২৬ এপ্ৰিললৈ সম্পূৰ্ণ লকডাউন ঘোষণা কৰিছে।
ঝাৰখণ্ডঃ ঝাৰখণ্ডত ২২ এপ্ৰিলৰ পৰা ২৯ এপ্ৰিললৈ এসপ্তাহৰ লকডাউন ঘোষণা। ‘স্বাস্থ্য সুৰক্ষা সপ্তাহ’ পালনৰ আহ্বান ঝাৰখণ্ড প্ৰশাসনৰ।
তেলেংগনাঃ নিশা ৯ বজাৰ পৰা পুৱা ৫ বজালৈ তেলেংগনাত সান্ধ্য আইন ঘোষণা। ১ মে’ পৰ্যন্ত অব্যাহত থাকিব সান্ধ্য আইন।
কেৰালাঃ ২০ এপ্ৰিলৰ পৰা কেৰালাত সান্ধ্য আইন ঘোষণা কৰিছে প্ৰশাসনে। বৰ্হিৰাজ্যৰ পৰা অহা প্ৰতিগৰাকী ব্যক্তিৰ বাবে rtpcr পৰীক্ষণ বাধ্যতামূলক কৰিছে প্ৰশাসনে।
তামিলনাডুঃ তামিলনাডু প্ৰশাসনে নিশা ১০ বজাৰ পৰা পুৱা ৪ বজালৈ সান্ধ্য আইন জাৰি কৰিছে ৰাজ্যখনত।
জম্মু-কাশ্মীৰঃ জম্মু-কাশ্মীৰত কঠোৰ কোভিড প্ৰট’কল জাৰি কৰিছে প্ৰশাসনে। ৰাজ্যৰ সকলো শিক্ষানুষ্ঠান বন্ধৰ নিৰ্দেশ।
মণিপুৰঃ মণিপুৰত সন্ধিয়া ৭ বজাৰ পৰা পুৱা ৫ বজালৈ সান্ধ্য আইন জাৰি।
হিমাচল প্ৰদেশঃ হিমাচল প্ৰদেশত সাপ্তাহিক লকডাউন ঘোষণা। ৰাতি ৮ বজাৰ পৰা পুৱা ৫ বজালৈ সান্ধ্য আইন জাৰি।
কৰ্ণাটকঃ ২১ এপ্ৰিলৰ পৰা ৪ মে’ পৰ্যন্ত সাপ্তাহিক লকডাউন জাৰি কৰ্ণাটকত।
ওড়িশাঃ ওড়িশাৰ ৪খন জিলাত RED ZONE ঘোষণা। সান্ধ্য আইনৰ লগতে সাপ্তাহিক লকডাউন ঘোষণা ৰাজ্যখনত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
