বিশ্বৰ প্ৰায়বোৰ দেশতে বাল্য বিবাহৰ ৰোধ কৰিবলৈ বিভিন্ন আইন প্ৰণয়ন কৰা হৈছে৷ প্ৰায়বোৰ দেশতে বাল্য বিবাহক দণ্ডনীয় অপৰাধ বুলি গণ্য কৰা হয়৷ কিন্তু তাৰ মাজতো আইনৰ সুৰঙাৰে বহু বাল্য বিবাহ সম্পন্ন হৈ আহিছে৷
তেনে এক বাল্য বিবাহৰ বাবে ঘটনা পোহৰলৈ আহিছে, যিখন বিবাহ সম্পন্ন হোৱাৰ পূৰ্বে সংবাদ মাধ্যমৰ চৰ্চালৈ আহিছে৷ সংবাদ মাধ্যম প্ৰকাশিত বাতৰিৰ মতে বিবাহখন সম্পন্ন হোৱাৰ পূৰ্বে সমগ্ৰ ঘটনাটো ফাদিল হৈ পৰে যাৰবাবে নাবালিকাগৰাকীৰ জীৱন ৰক্ষা পৰে৷
দ্য মিৰ’ৰৰ প্ৰকাশিত প্ৰতিবেদন অনুসৰি এই ঘটনাটো আফ্ৰিকা মহাদেশৰ এখন দেশ কেনিয়াৰ৷ কেনিয়াৰ এজন ৭০ বছৰীয়া বৃদ্ধই এগৰাকী ১২ বছৰীয়া শিশু কন্যাক বিয়া কৰাবলৈ অতি চতুৰতাৰে ষড়যন্ত্ৰ কৰিছিল৷
লগতে পঢ়ক তিনি নাবালিকা ছাত্ৰীক অপহৰণ, তাৰ পিছত ধৰ্ষণ; দুই মহিলাসহ ৪ গৰাকীক গ্ৰেপ্তাৰ
দুমাহৰ পূৰ্বে ১২ বছৰীয়া আমিৰাক ৭০ বছৰীয়া বৃদ্ধই বিয়াৰ বাবে প্ৰস্তুতি প্ৰায় সম্পূৰ্ণ কৰি তুলিছিল যদিও সেই সম্পৰ্কে আমিৰাই গমেই পোৱা নাছিল৷ আমিৰাক কোৱা হৈছিল যে তেওঁৰ জ্যেষ্ঠ ভাতৃৰ বাবেহে বিবাহৰ আয়োজন কৰা হৈছে৷
ভাতৃৰ বিবাহৰ উপলক্ষ্যে তেওঁলোকৰ পৰিয়ালটোৱে ছোমালিয়াৰ সীমান্তৰ কেনিয়াৰ এখন কাউন্টি গাৰিছা চহৰলৈ যাব লাগিব বুলি আমিৰাক কোৱা হয়৷ সেই উপলক্ষ্যে আমিৰাই পৰিয়ালৰ সৈতে উক্ত চহৰখনত উপস্থিত হয় আৰু ন-কাপোৰেৰে তাইক ভাতৃৰ বিয়াৰ বাবে বুলি কৈ সজাই তোলা হয়৷
বিবাহ অনুষ্ঠানৰ ভোজন পৰ্ব সমাপ্ত হোৱাৰ পিছতে আমিৰাই সেই ষড়যন্ত্ৰৰ বিষয়ে অলপ উমান পায়৷ কিন্তু কন্দাৰ বাহিৰে আমিৰাই একোৱেই কৰিব পৰা নাছিল৷ ইয়াৰ পিছতে দৰাৰ ঘৰলৈ বুলি আমিৰাক এখন বাছেৰে লৈ যোৱা হয়৷
লগতে পঢ়ক অসমতো জাত-পাতৰ নিলৰ্জ ছবি! গাঁতৰ পৰা মৃতদেহ উলিয়াই সৎকাৰ প্ৰশাসনৰ
দৰাৰ ঘৰলৈ গৈ থকা অৱস্থাতে বাটতে হঠাতে তেওঁলোকৰ বাছখন চালকে ৰাখে৷ বাছৰ পৰা নামি দেখা যায় কেনিয়াৰ আৰক্ষীয়ে তেওঁলোকৰ বাছখন ৰখাই তালাচী চলাইছে৷ আচলতে আমিৰাৰ ভাতৃয়ে ভগ্নীক বিবাহ দিয়াৰ কথা জানিব পাৰি স্থানীয় আৰক্ষী থানালৈ গৈ অৱগত কৰে আৰু আৰক্ষীয়ে অভিযান চলাই আমিৰাক ৭০ বছৰীয়া এজন বৃদ্ধৰ সৈতে বিবাহ হোৱাৰ পৰা ৰক্ষা কৰে৷
উল্লেখ্য যে ১৯৯০ চনতে কেনিয়াত বাল্য বিবাহ নিষিদ্ধ কৰা হৈছিল৷ দেশখনত বাল্য বিবাহ নিষিদ্ধ হোৱাৰ বাবেই আমিৰাৰ ককাকে ৭০ বছৰীয়া বৃদ্ধজনৰ সৈতে ষড়যন্ত্ৰ কৰি বিবাহৰ পৰিকল্পনা কৰিছিল৷
লগতে পঢ়ক Jioৰ বাম্পাৰ অফাৰ! ১৫ দিনলৈ বিনামূলীয়াকৈ দিব ইন্টাৰনেট!
ইফালে আমিৰাই সংবাদ পত্ৰখনক জনোৱা মতে আমিৰাৰ মাতৃ তাই সৰু হৈ থাকোতে কৰ্কটৰোগত আক্ৰান্ত হৈ মৃত্যু হয়৷ তিনি সন্তানৰ ভিতৰত আমিৰা আছিল কণিষ্ঠ৷ আমিৰাৰ দেউতাকে চহৰত থাকি পৰিয়াল পোহপাল দিছিল আৰু ককাকে তেওঁলোকক চোৱাচিতা কৰিছিল৷ সেয়ে ককাকে পিতৃৰ অগোচৰে তাইক এজন ৭০ বছৰীয়া বৃদ্ধৰ সৈতে বিয়া দিয়াৰ ষড়যন্ত্ৰ কৰিছিল৷
কিন্তু ভাতৃ আৰু আৰক্ষীৰ তৎপৰতাত আমিৰাই বাল্যকালতে এজন ৭০ বছৰীয়া বৃদ্ধৰ সৈতে বিবাহ হোৱাৰ পৰা ৰক্ষা পৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
