পাকিস্তানত এগৰাকী হিন্দু যুৱতীক নৃশংসতাৰে হত্যা কৰা হৈছে৷ প্ৰকাশিত খবৰ অনুসৰি পাকিস্তানৰ সিন্ধ প্ৰদেশৰ ১৮ বছৰীয়া পূজা কুমাৰী নামৰ এগৰাকী যুৱতীক এজন মুছলমান যুৱকে হত্যা কৰিছে৷
এই হত্যাকাণ্ডৰ পিছতে সিদ্ধ প্ৰদেশৰ হত্যাকাৰীক কঠোৰ শাস্তি দিয়াৰ লগতে দেশখনৰ সংখ্যালঘু হিন্দুসকলক নিৰাপত্তা প্ৰদানৰ দাবীত প্ৰতিবাদ সাব্যস্ত কৰা হৈছে৷
ইফালে সামাজিক মাধ্যমৰ চাইট টুইটাৰতো অভিযুক্তক শাস্তি আৰু পূজা কুমাৰীৰ ন্যায় প্ৰদানৰ দাবীয়ে ট্ৰেণ্ডিঙত আছে৷
লগতে পঢ়ক চৰকাৰী চিকিৎসকৰ কেটেলা পহু সদৃশ চহী! : ভাইৰেল হোৱাৰ পিছতে ইন্টাৰনেটত চৰ্চাৰ শীর্ষত
ঘটনাৰ বিৱৰণীৰ মতে ঘটনাটো পাকিস্তানৰ সিদ্ধ প্ৰদেশৰ ৰোহী চুক্কুৰত সংঘটিত হৈছে৷ ৱাহিদ লাছাৰী নামৰ অভিযুক্তজনে ১৮ বছৰীয়া পূজা কুমাৰী অপহৰণ কৰি নি ইছলামলৈ ধৰ্মান্তৰিত কৰে৷ ইয়াৰ পিছতে পূজা কুমাৰীক বিয়াৰ বাবে জোৰদৰস্তি কৰে৷ কিন্তু পূজা কুমাৰীয়ে ইছলাম ধৰ্মাৱলম্বী যুৱকজনৰ বিয়াৰ প্ৰস্তাৱ প্ৰত্যাখ্যান কৰাত নৃশংসভাৱে হত্যা কৰে৷
আৰক্ষীয়ে প্ৰকাশ কৰা মতে অভিযুক্তই আৰক্ষীৰ জেৰাত হত্যাকাণ্ডটো সংঘটিত কৰাৰ কথা স্বীকাৰ কৰিছে৷
ইয়াৰ পিছতে সামাজিক মাধ্যম বিশেষকৈ টুইটাৰত #JusticeForPoojaKumar ট্ৰেণ্ডিঙত আছে৷
লগতে পঢ়ক কেন্দ্ৰীয় বিশ্ববিদ্যালয়ত নামভৰ্তিৰ বাবে শিক্ষাৰ্থীয়ে অৱতীৰ্ণ হ’ব লাগিব CUET, কি এই CUET?
‘‘চৰকাৰে পূজা কুমাৰীক হত্যাকাৰীক দৃষ্টান্তমূলক শাস্তি প্ৰদানত ব্যৰ্থ হ’লে, কাইলৈ অন্য এগৰাকী পূজাক নৃশংসতাৰে হত্যা কৰা হ’ব৷ হত্যাকাৰীক শাস্তি প্ৰদান কৰিবই লাগিব৷’’ এগৰাকী টুইটাৰ ইউজাৰে কয়৷
উল্লেখ্য যে পাকিস্তানৰ সিদ্ধ প্ৰদেশত সৰ্বাধিক সংখ্যালঘু হিন্দুৱে বসবাস কৰে৷ পূৰ্বৰে প্ৰদেশখনত মুছলাম আৰু হিন্দুৱে মিলা-প্ৰীতিৰে বসবাস কৰি আহিছে৷ কিন্তু তাৰ পিছতো এই প্ৰদেশখনৰ পৰাই বেছিকৈ হিন্দু নিগ্ৰহৰ বাতৰি পোৱা যায়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
