গুজৰাটৰ ৰাজকোটত এগৰাকী যুৱতীৰ মৃ*ত্যুক কেন্দ্ৰ কৰি দেশজুৰি তীব্ৰ প্ৰতিক্ৰিয়াৰ সৃষ্টি হৈছে। ঘটনাৰ বিৱৰণী মতে বিগত ২২ জুনত ৰাজকোটৰ গণ্ডল চকডীৰ এটা ভাৰাঘৰত উদ্ধাৰ হয় এগৰাকী যুৱতীৰ মৃ*তদেহ। আৰক্ষীৰ প্ৰাথমিক তদন্তত যুৱতীগৰাকীয়ে চ*ৰম পন্থা লোৱা বুলি সন্দেহ কৰা হৈছে যদিও ভুক্তভোগী যুৱতীগৰাকী শোষণ, গৃহ হিংসা, মানসিক নিৰ্যাতনৰ বলি হোৱাৰ উপৰিও এয়া পৰিকল্পিত হ*ত্যা বুলি অভিযোগ উত্থাপন কৰিছে যুৱতীগৰাকীৰ পিতৃ-মাতৃয়ে। ঘটনাৰ পূৰ্বে ভুক্তভোগী যুৱতীগৰাকীয়ে ছ’চিয়েল মিডিয়াত “Papa, I have lost the battle of life” বুলি লিখি যোৱা পোষ্টটো সম্প্ৰতি ব্যাপকভাৱে ভাইৰেল হৈছে।
মুছলমান যুৱকৰ সৈতে লিভ-ইনত আছিল যুৱতীগৰাকী
উল্লেখ্য যে গুজৰাটৰ জুনাগঢ়ৰ বাসিন্দা আছলাম হুছেইন ছামাৰ নামৰ এজন যুৱকৰ সৈতে ২০২৫ৰ অক্টোবৰৰ পৰা লিভ-ইনত আছিল ভুক্তভোগী যুৱতীগৰাকী। অভিযোগ অনুসৰি পূৰ্বে বিবাহিত আছলামে গোপনে ৰাখিছিল এই কথা। যুৱতীগৰাকীৰ পিতৃ-মাতৃয়ে অভিযোগ কৰা অনুসৰি আছলামে নিয়মীয়াকৈ যুৱতীগৰাকীক মাৰপিট কৰিছিল। যুৱতীগৰাকীৰ শৰীৰত আঘাত আৰু নখৰ আঁচোৰৰ চিন পোৱা গৈছে বুলি দাবী কৰিছে পিতৃ-মাতৃয়ে। ইয়াৰ উপৰিও যুৱতীগৰাকীৰ বহু মূল্যৱান গহনা তেওঁৰ সন্মতি অবিহনে বন্ধকতো থোৱাৰ অভিযোগ উত্থাপিত হৈছে আছলামৰ বিৰুদ্ধে। যুৱতীগৰাকীক বলপূৰ্বক গ*ৰ্ভপাত কৰোৱাৰো গুৰুতৰ অভিযোগ উত্থাপিত হৈছে আছলামৰ বিৰুদ্ধে। ৰহস্যজনকভাৱে যুৱতীগৰাকীৰ মৃত্যুৰ পিছৰে পৰা নিৰুদ্দিষ্ট হৈ আছে আছলাম আৰু সম্প্ৰতি মোবাইল ফোনো বন্ধ আছে বুলি আৰক্ষীয়ে জানিবলৈ দিয়ে।
ৰাজনৈতিক পৰিচয়
উল্লেখ্য যে ২০২৫ চনত জেতপুৰ-নৱাগঢ় পৌৰ নিগম নিৰ্বাচনত আম আদমি পাৰ্টীৰ প্ৰাৰ্থী হিচাপে প্ৰতিদ্বন্দ্বিতা কৰিছিল নন্দিনী নামৰ যুৱতীগৰাকীয়ে। ৰাজনৈতিক আৰু সামাজিকভাৱে সক্ৰিয় যুৱতীয়েই যদি লাভ জেহাদৰ বলি হয় তেনেহলে সাধাৰণ যুৱতীসকলৰ ক্ষেত্ৰত কি হ’ব পাৰে বুলিও ইতিমধ্যে চৰ্চা চলিছে। এই ঘটনা পোহৰলৈ অহাৰ পিছতে ৰাষ্ট্ৰীয় মহিলা আয়োগে ঘটনা সন্দৰ্ভত তাৎক্ষণিক তদন্তৰ ব্যৱস্থা কৰি অভিযুক্ত গ্ৰেপ্তাৰৰ নিৰ্দেশ দিয়াৰ লগতে ৭ দিনৰ ভিতৰত বিস্তৃত প্ৰতিবেদন দাখিলৰ নিৰ্দেশ দিয়ে
এই প্ৰতিবেদন যুগুতাইছে মানসজ্যোতিয়ে
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
