প্ৰথমে সফল অভিনেত্ৰী, পাছত আই এ এছ হৈ জনসেৱাত কেৰিয়াৰ গঢ়া কোন এই অভিনেত্ৰী ?
অভিনয় কৰি ভালপোৱা সকলৰ জীৱনট এটাই সপোন থাকে চিনেমাত কাম কৰি সফল হোৱা। দৰ্শকৰ হৃদয় জয় কৰি জনপ্ৰিয় হোৱা। পাছে তাৰে মাজতেই এনে কিছুমান লোকো থাকে যিয়ে অভিনয়ৰ লগতে সমানে আগবঢ়াই নিয়ে আন সপোনো।
চলচ্চিত্ৰ জগতৰ কিছুমান তাৰকা আছে যাৰ কাহিনী অতি প্ৰেৰণাদায়ক। ইয়াৰে এগৰাকী দক্ষিণৰ অভিনেত্ৰীও, যাৰ নাম এইচ এছ কীৰ্তনা। শিশু শিল্পী হিচাপে চলচ্চিত্ৰ জীৱন আৰম্ভ কৰিছিল কীৰ্তনাই।
ইখনৰ পিছত সিখন হিট ছবি দিছিল এইচ এছ কীৰ্তানাই। কীৰ্তানাৰ জনপ্ৰিয়তা ইমানেই বৃদ্ধি পাইছিল যে, শিশুৰ চৰিত্ৰ মানেই নাম আহিছিল কীৰ্তানাৰ। চলচ্চিত্ৰ জীৱনৰ সময়ছোৱাত কীৰ্তানাই ৩২ খন ছবি আৰু ৪৮ খন টিভি শ্ব’ত কাম কৰিছিল।
১৫ বছৰ বয়সলৈকে কীৰ্তানাই ছবি আৰু টেলিভিছনৰ জগতখনত নিজৰ প্ৰতিভাৰ যাদু বিয়পাই।
কিন্তু ইমান সফল হোৱাৰ পাছতো কীৰ্তানাই বিদায় লয় চিনেমা জগতৰ পৰা। উদ্যোগটোক বিদায় দিয়াৰ পিছত কীৰ্তানাই পঢ়া-শুনাত মনোনিৱেশ কৰি অৱশেষত ভাৰতৰ সৰ্বোচ্চ প্ৰশাসনিক পৰীক্ষা ইউ পি এছ চি ৰ বাবে প্ৰস্তুতি কৰে।
ইউ পি এছ চি পৰীক্ষাত ক্লিয়াৰ কৰাৰ পূৰ্বে ২০১১ চনত কৰ্ণাটক প্ৰশাসনিক সেৱা (কে এ এছ) পৰীক্ষাত উত্তীৰ্ণ হৈ কীৰ্তিনে কে এ এছ বিষয়া হোৱাৰ সপোন পূৰণ কৰে। কিন্তু, মূল লক্ষ্য তেতিয়াও বাকি।
৫ বাৰৰ প্ৰচেষ্টাৰ অন্তত ২০২০ চনত ষষ্ঠবাৰৰ বাবে সৰ্বভাৰতীয় 167 ৰেং লৈ উত্তীৰ্ণ হয় ইউ পি এছ চি পৰিক্ষাত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
