দেশৰ বিভিন্ন মহানগৰ আৰু প্ৰধান চহৰসমূহৰ স্পা চেলুনবোৰত নানা ধৰণৰ অসামাজিক কাৰ্যকলাপ চলি অহাৰ অভিযোগ উঠি আহিছে৷ আনকি স্পা চেলুনসমূহত ধনৰ বিনিময়ত যৌনতাৰ বেহা চলি অহাও অভিযোগ আছে৷ কিছুদিন পূৰ্বে দিল্লীৰ এখন স্পা চেলুনৰ পৰা অসংযত অৱস্থাত কে’বাগৰাকীও যুৱক-যুৱতীক দিল্লী আৰক্ষীয়ে আটক কৰি পিছত গ্ৰেপ্তাৰ কৰিছিল৷
ইয়াৰ পিছতো দেশৰ ৰাজধানী মহানগৰখনৰ স্পা চেলুনসমূহত অসামাজিক কাৰ্যকলাপ বন্ধ হোৱা নাই৷ বৰং এইবাৰ দিল্লীৰ এখন স্পা চেলুনত ইয়াতকৈ ভয়ানক তথা লজ্জাজনক কাণ্ড সংঘটিত হৈছে৷
লগতে পঢ়ক গ্ৰাহকৰ বাবে সুখবৰ : এতিয়াৰে পৰা ATM কাৰ্ডৰ অবিহনে উলিয়াব পাৰিব ধন; জানো আহক সবিশেষ
দিল্লীৰ পশ্চিম বিহাৰ এলেকাস্থিত এখন স্পা চেলুনখনে ডিজিটেল বিজ্ঞাপন ব’ৰ্ডত যৌনতাৰ মুকলি বিজ্ঞাপন প্ৰকাশ কৰিছে৷ বিজ্ঞাপনৰ দৃশ্যটো সামাজিক মাধ্যমত ভাইৰেল হোৱাৰ পিছতে বিশেষভাৱে চৰ্চা লাভ কৰিছে৷
উল্লেখ্য যে ৭ এপ্ৰিলৰ ৰাতি নবিৰ নামৰ এটা টুইটাৰ হেণ্ডলত স্পা চেলুনখনৰ ডিজিটেল বিজ্ঞাপনটো ভিডিঅ’ কৰি আপলোড কৰা হয়৷ উক্ত টুইটটো দিল্লীৰ মহিলা আয়োগৰ মুখ্য আয়ুক্তই শ্বাতী মালিৱালে শ্বেয়াৰ কৰিছে৷
शर्मनाक! दिल्ली के स्पा में सैक्स रैकेट इतना बढ़ गया है की स्पा वाले धड़ल्ले से ये धंधा चला रहे हैं। MCD और @DelhiPolice का स्पा को बिल्कुल डर नही है! @DelhiPolice को न सिर्फ़ ये स्पा तुरंत बंद करवाना चाहिए बल्कि अपने लोकल स्टाफ़ के ऊपर भी कार्यवाही करनी चाहिए! हद्द है! https://t.co/kGmdtMbU6a
— Swati Maliwal (@SwatiJaiHind) April 7, 2022
শ্বাতী মালিৱালে টুইটটো শ্বেয়াৰ কৰি যে দিল্লীত স্পাসমূহত মুকলিকৈ যৌনতাৰ বেহা চলাই অহা বুলিও অভিযোগ কৰিছে৷
লগতে পঢ়ক পুটিনৰ দুই কন্যা বিৰুদ্ধে এইবাৰ ইউৰোপীয়ান ইউনিয়ন নিষেধাজ্ঞা
‘‘লজ্জাজনক! দিল্লীৰ স্পাসমূহত যৌনতাৰ বেহা তীব্ৰতাৰে বৃদ্ধি পাবলৈ ধৰিছে৷ স্পাসমূহে এতিয়া দিল্লী পৌৰ নিগম আৰু দিল্লী আৰক্ষীক অকণো ভয় নকৰে৷ দিল্লী আৰক্ষীয়ে এই স্পাসমূহ অতি শীঘ্ৰেই বন্ধ কৰি স্থানীয় আৰক্ষীৰ বিৰুদ্ধেও ব্যৱস্থা গ্ৰহণ কৰা উচিত৷’’ শ্বাতী মালিৱালে টুইটত এইদৰে কয়৷
উল্লেখ্য যে ভাইৰেল হোৱা ভিডিঅ’টোত মুকলিকৈ ২০০০ টকাত ‘যৌনতা উপলব্ধ’ বুলি উল্লেখ আছিল৷ অৱশ্যে উক্ত বিজ্ঞাপনটো কোনো চাইবাৰ অপৰাধীয়ে হেক কৰা বুলিও একাংশই সন্দেহ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
