ৰাছিয়াৰ ইউক্ৰেইন আক্ৰমণৰ পিছতে বিশ্ব সম্প্ৰদায়ৰ পৰা বাণিজ্যিক আৰু অৰ্থৈনিতক প্ৰতিবন্ধকতাৰ সন্মুখীন হোৱাৰ পিছত বিভিন্ন দেশে যুদ্ধবাজ ৰুছ ৰাষ্ট্ৰপতি ভ্লাদিমিৰ পুটিনৰ পৰিয়ালৰ ওপৰতো নিষেধাজ্ঞা আৰোপ কৰিছে৷
মাৰ্কিন যুক্তৰাষ্ট্ৰই প্ৰথমে পুটিনৰ পৰিয়ালৰ ওপৰত নিষেধাজ্ঞা আৰোপ কৰাৰ পিছতে এইবাৰ ইউৰোপীয়ান ইউনিয়নেও নিষেধাজ্ঞা বলৱৎ কৰিছে৷ স্মৰ্তব্য যে এদিনৰ পূৰ্বে আমেৰিকাই পুটিনৰ দুই জ্যেষ্ঠ কন্যাৰ বিৰুদ্ধে নিষেধাজ্ঞা আৰোপ কৰিছিল৷
ইয়াৰ এদিনৰ পিছতে ইউৰোপীয় ইউনিয়নেও ৰুছ ৰাষ্ট্ৰপতি ভ্লাদিমিৰ পুটিনৰ দুই জ্যেষ্ঠ কন্যাৰ বিৰুদ্ধে নিষেধাজ্ঞা বলৱৎ কৰি ৰাছিয়াৰ ওপৰত চাপ সৃষ্টি কৰিছে৷
ৰাছিয়ান সেনাই যুদ্ধ বিধ্বস্ত ইউক্ৰেইনৰ শিশুসহ সাধাৰণ নাগৰিকক হত্যাৰ অভিযোগ তুলি ইউৰোপীয় ইউনিয়নে পুটিনৰ দুই জ্যেষ্ঠ কন্যাৰ বিৰুদ্ধে এই নিষেধাজ্ঞা আৰোপ কৰা বুলি ঘোষণা কৰিছে৷
লগতে পঢ়ক অৱতৰণৰ সময়ত ৰাণৱেৰ পৰা পিছলিল চকা! ভাগি দুভাগ হ’ল চলন্ত বিমান, ক’ত?
উল্লেখ্য যে ৰাছিয়াৰ ৰাষ্ট্ৰপতি ভ্লাদিমিৰ পুটিনৰ পাৰিবাৰিক জীৱন সমগ্ৰ বিশ্বৰ বাবেই এক ৰহস্যৰ বিষয়৷ পুটিনৰ পৰিয়াল আৰু সম্পত্তিৰ পৰিমাণ সম্পৰ্কে বিভিন্ন ধৰণৰ ৰহস্যসমৃদ্ধ কাহিনী বিশ্বজুৰি প্ৰচাৰ চলি আহিছে৷
আন্তঃৰাষ্ট্ৰীয় সংবাদ মাধ্যমত প্ৰকাশ পোৱা মতে পুটিনে প্ৰথমে ল্যিউডমিলাৰ সৈতে বিবাহপাশত আৱদ্ধ হৈছিল আৰু তেওঁলোকৰ দুয়োৰে সন্তান হ’ল এই কেটৰিনা আৰু মাৰিয়া৷ কেটৰিনা আৰু মাৰিয়াক এই ল্যিউডমিলাৰে সন্তান বুলি প্ৰকাশ পালেও সেই সন্দৰ্ভত নিশ্চিতি হ’ব পৰা নাই বিশ্ব সংবাদ মাধ্যম৷ ২০১৩ চনত ল্যিউডমিলাৰে পুটিনৰ বিবাহ বিচ্ছেদ ঘটিছিল৷
এতিয়া এই দুই ভগ্নীকে পুটিনৰ কন্যা বুলি অভিহিত কৰি আমেৰিকাৰ পিছতে ইউৰোপীয় ইউনিয়নে তেওঁলোকৰ পাৰিবাৰিক জীৱনক নিৰীক্ষণ কৰাৰ লগতে দুয়োগৰাকীৰ বিৰুদ্ধে নিষেধাজ্ঞা আৰোপ কৰাৰ পিছতে তেওঁলোকৰ বিষয়ে পুনৰ বিশ্ব সংবাদ মাধ্যমত পুনৰ চৰ্চা চলিছে৷
লগতে পঢ়ক বিনা টিকটেৰে যাত্ৰা : এজন লোকৰ সংগ্ৰহ ১ কোটি ১১ লাখ টকাৰ জৰিমনা
এইখিনিতে প্ৰশ্ন হয়, কোন হয় এই কেটৰিনা আৰু মাৰিয়া?
বিশ্ব সংবাদ মাধ্যমত প্ৰকাশ পোৱা অনুসৰি ৩৫ বছৰীয়া কেটৰিনা টিখ’ন’ভাই ৰাছিয়ান চৰকাৰৰ প্ৰতিৰক্ষা উদ্যোগত এগৰাকী কাৰিকৰী কাৰ্যবাহী হিচাপে সেৱা আগবঢ়াই আহিছে৷ ইফালে তেওঁৰ জ্যেষ্ঠ ভগ্নী ৩৬ বছৰীয়া মাৰিয়া ভ’ৰণ্টছোভাই ৰাছিয়ান চৰকাৰী অনুদানপ্ৰাপ্ত কাৰ্যসূচীৰ নেতৃত্ব দিয়ে যিবোৰে ক্ৰেমলিনৰ পৰা আনুবংশিক গৱেষণাৰ দিশত বিলিয়ন ডলাৰ আৰ্থিক সাহায্য লাভ কৰি আহিছে৷ এই সমগ্ৰ কামবোৰ ৰাষ্ট্ৰপতি পুটিনে ব্যক্তিগতভাৱে তত্বাৱধান কৰে।
ক্ৰেমলিনৰ ৱেব ছাইট অনুসৰি, মাৰিয়াৰ জন্ম হৈছিল ১৯৮৫ চনত আৰু তাৰ এবছৰৰ পিছতে কেটৰিনাৰ জন্ম হৈছিল৷ কেটৰিনাৰ জন্মৰ এবছৰ পিছতে পৰিয়ালটো ড্ৰেছডেনলৈ আৰু ইয়াৰ পিছত পূৱ জাৰ্মানীলৈ স্থানান্তৰিত কৰা হৈছিল য’ত ভ্লাদিমিৰ পুটিনে এসময়ত এজন কেজিবি গুপ্তচৰ ৰূপে কাম কৰিছিল।
প্ৰতিবেদনখনত কোৱা হৈছে যে কেটৰিনা এতিয়া মস্কো ষ্টেট ইউনিভাৰ্চিটিৰ ইনষ্টিটিউট ফৰ মেথমেটিকেল ৰিচাৰ্ছ অৱ কমপ্লেক্স চিষ্টেমছৰ উপ-সঞ্চালকৰূপে কৰ্মৰত হৈ আছে৷ তেওঁ নিজকে পুটিনৰ দীৰ্ঘদিনীয়া বন্ধু নিকোলাই শ্বামালভৰ পুত্ৰ কিৰিল শ্বামালভৰ পত্নী বুলিও প্ৰকাশ কৰিছিল৷ কিৰিল শ্বামালভৰ ৰছিয়াৰ বেংকত অংশীদাৰত্বও আছে।
লগতে পঢ়ক উৰন্ত বিমানত মহিলা যাত্ৰীৰ সন্মুখতে হস্তমৈথুন যাত্ৰীৰ! কি হ’ল ইয়াৰ পিছত?
প্ৰতিবেদনখনৰ মতে এই দম্পতীৰ অন্যান্য সম্পত্তৰি লগতে কৰ্পোৰেট হোল্ডিংৰ মূল্য প্ৰায় ২ বিলিয়ন বুলি অনুমান কৰা হৈছে। কেটৰিনাক এক্ৰোবেটিক ৰ’ক ৰোল ডান্সাৰ হিচাপেও জনা যায় আৰু ইউটিউবত নৃত্যৰ ভিডিঅ’ আপল’ডো কৰি আহিছে৷ ২০১৫ৰ ৰয়টাৰৰ এক প্ৰতিবেদনত কোৱা হৈছিল যে কেটৰিনাৰ মস্কোৰ অভিজাত আৰু ক্ষমতাশালী ব্যক্তিসকলৰ সৈতে ঘণিষ্ঠ সম্পৰ্ক আছে৷
ইফালে, মাৰিয়াই ছেইণ্ট পিটাৰ্ছবাৰ্গ বিশ্ববিদ্যালয়ত জীৱবিজ্ঞান আৰু মস্কো ষ্টেট ইউনিভাৰ্চিটিত ভেষজ বিজ্ঞান অধ্যয়ন কৰিছিল আৰু আনুবংশিক গৱেষণাৰ কৰ্মত জড়িত আছিল। ৰাছিয়ান আৰু পশ্চিমীয়া সংবাদ মাধ্যমৰ প্ৰতিবেদনত কোৱা হৈছে যে মাৰিয়াই এজন ডাচ্চ ব্যৱসায়ীক বিয়া কৰাই আৰু কিছু দিনৰ বাবে নেডাৰলেণ্ডত বাস কৰিছিল।
ৰয়টাৰৰ প্ৰতিবেদনত উল্লেখ কৰা হৈছে যে মাৰিয়া অন্তঃস্ৰাৱী প্ৰণালীত বিশেষজ্ঞ থকাৰ সময়ত তেওঁৰ স্বামীয়ে ক্ৰেমলিনৰ অভিজাত লোকসকলৰ সৈতে ঘণিষ্ঠ সম্পৰ্ক ৰক্ষা কৰি ঋণদাতা হিচাপে Gazprombankত কাম কৰিছিল। তেওঁলোকৰ সম্পত্তিৰ পৰিমাণৰ তথ্য এতিয়ালৈকে কোনেও ফাদিল কৰিব পৰা নাই৷
ৰাছিয়াই ইউক্ৰেইন আক্ৰমণ অব্যাহত ৰখাৰ বাবে আমেৰিকাৰ পিছতে ইউৰোপীয় ইউনিয়নে কেটৰিনা আৰু মাৰিয়াক ৰুছ ৰাষ্ট্ৰপতি ভ্লাদিমিৰ পুটিনৰ কন্যা বুলি একপ্ৰকাৰে নিশ্চিত হৈ নিষেধাজ্ঞা আৰোপ কৰিছে আৰু নিষেধাজ্ঞাক ‘গুৰুত্বপূৰ্ণ সাংকেতিক পদক্ষেপ’ বুলি অভিহিত কৰি বিশ্ব সম্প্ৰদায়ে আদৰণি জনাইছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
