বহাগ বিহুৰ পূৰ্বে হঠাতে শিৱসাগৰ জিলা প্ৰশাসনে জিলাখনত ১৪৪ ধাৰা জাৰি কৰিছে৷ জিলাখনৰ অতিৰিক্ত জিলা দণ্ডাধীশ বিতোপন নেওগে সমগ্ৰ জিলাখনত কাৰ্যকৰী হোৱাকৈ ফৌজদাৰী কাৰ্যবিধি আইনৰ ১৪৪ ধাৰাৰ অধীনত নিষেধাজ্ঞা জাৰি কৰিছে৷ জিলাখনত অসামাজিক লোক তথা উগ্ৰপন্থীৰ আইন বিৰুদ্ধ কাৰ্যকলাপ, গুলীচালনা, হত্যা, অপহৰণ বা ধনলুটৰ আদিৰ আশংকা কৰিয়ে এই নিষেধাজ্ঞা জাৰি কৰা বুলি কোৱা হৈছে৷
এই নিৰ্দেশ জাৰি কৰি জিলা প্ৰশাসনে জিলাখনত বিভিন্ন ধৰণৰ নিষেধাজ্ঞা আৰোপ কৰিছে৷ সেই অনুসৰি ৰাজহুৱা স্থানত পাঁচ বা ততোধিক লোকৰ সমাৱেশ, শোভাযাত্ৰা, ছহিদ বেদী নিৰ্মাণ, দেৱাল লিখন, সভা সমিতিৰ আয়োজন, শ্ল’গান ছপা কৰা আৰু পোষ্টাৰ অঁৰাৰ লগতে ব্যৱসায়িক প্ৰতিষ্ঠানৰ পৰা বিহুৰ নামত চান্দা তথা দান বৰঙণি সংগ্ৰহ কৰা নিষিদ্ধ কৰা হৈছে৷
লগতে পঢ়ক পুটিনৰ দুই কন্যা বিৰুদ্ধে এইবাৰ ইউৰোপীয়ান ইউনিয়ন নিষেধাজ্ঞা
তদুপৰি জিলাখনৰ সীমামূৰীয়া অঞ্চলেদি উগ্ৰপন্থীৰ আহ-যাহ আৰু অসমাজিক কাৰ্যকলাপৰ প্ৰতি লক্ষ্য ৰাখি অসম-নগালেণ্ড সীমান্তত নৈশ সান্ধ্য আইন প্ৰৱৰ্তন কৰি সীমান্তৰ ৫ কিলোমিটাৰ পৰিধিৰ ভিতৰত সন্ধিয়া ৬-০০ বজাৰ পৰা পুৱা ৬-০০ বজালৈ যিকোনো ব্যক্তি বা গোট আৰু গাড়ী-মটৰৰ চলাচল নিষিদ্ধ কৰিছে।
আনহাতে, ৫০ মাইক্ৰন ঘনত্বৰ কম প্লাষ্টিক কেৰীবেগ, যি কোনো ধৰণৰ ধঁপাত বা ধঁপাত জাতীয় সামগ্ৰী যেনে গুটখা, শিখৰ আদি বেচা-কিনা আদিও সমগ্ৰ জিলাখনতে নিষিদ্ধ কৰা হৈছে৷
সমগ্ৰ জিলাখনতে জনস্বাস্থ্য হানি হোৱাৰ আশংকা কৰি থলুৱা মদ প্ৰস্তুতকৰণত ব্যৱহাৰ কৰা লালীগুড়ৰ বেচা-কিনাও নিষিদ্ধ কৰা হৈছে। অৱশ্যে পশু খাদ্য হিচাবে ব্যৱহাৰ কৰা সকলে জিলা দণ্ডাধীশ/অতিৰিক্ত জিলা দণ্ডাধীশ বা পশু পালন বিভাগৰ অনুমতি সাপেক্ষে লালীগুৰ বেচা-কিনা কৰিব পাৰিব।
লগতে পঢ়ক মুছলমান মহিলাক অপহৰণ কৰি ধৰ্ষণৰ ভাবুকি ‘সাধুবাবা’ৰ, কি পদক্ষেপ ল’লে যোগীয়ে?
অৱশ্যে, ৬০ বছৰ উৰ্দ্ধৰ লোক, ১২ বছৰ বয়সৰ তলৰ ল’ৰা-ছোৱালী, মহিলা, চৰকাৰী বিষয়া-কৰ্মচাৰী আৰু আৰক্ষীৰ লোকক এই নিষেধজ্ঞাৰ পৰা ৰেহাই দিয়া হৈছে।
এই সমগ্ৰ নিষেধাজ্ঞাসমূহ তৎকালীনভাৱে বলৱৎ কৰা হৈছে আৰু পুনৰ নিৰ্দেশ নিদিয়া পৰ্যন্ত ৬০ দিনলৈ এই নিৰ্দেশ বাহাল থাকিব। ১৪৪ ধাৰা অমান্য কৰিলে ভাৰতীয় দণ্ডবিধি আইনৰ ১৮৮ ধাৰা অনুসৰি দণ্ডণীয় হ’ব বুলি এই নিৰ্দেশত উল্লেখ কৰা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ