দ্বিতীয়বাৰ শাসনলৈ অহাৰ পিছতে যোগী আদিত্যনাথৰ ৰাজ্যত পুনৰ সয়ম্ভূ হিন্দু সাধু বাবাৰ সাম্প্ৰদায়িক উচতনিমূলক ভাষণ বৃদ্ধি পাবলৈ ধৰিছে৷ কিছুদিন পূৰ্বে এজন স্বয়ম্ভূ সাধু বাবাৰ এক ভিডিঅ’ ভাইৰেল হৈছিল৷
সংবাদ সংস্থাত প্ৰকাশিত বাতৰিৰ মতে ৰাজ্যখনৰ ৰাজধানী লক্ষ্ণৌৰ পৰা প্ৰায় ১০০ কিলোমিটাৰ নিলগৰ সীতাপুৰ জিলাৰ খাইৰাবাদৰ এটা মছজিদৰ সন্মুখত সাধুবাবাজনে তীব্ৰ মুছলমান বিৰোধী মন্তব্য প্ৰদান কৰিছিল৷
লগতে পঢ়ক বিনা টিকটেৰে যাত্ৰা : এজন লোকৰ সংগ্ৰহ ১ কোটি ১১ লাখ টকাৰ জৰিমনা
বজৰং মুনী নামৰ সাধুবাবাজনে ‘জয়শ্ৰী ৰাম’ ধ্বনিৰে তেওঁক কোনোবাই হত্যা কৰিবলৈ ২৮ লাখ টকা সংগ্ৰহ কৰা বুলি দাবী কৰি কৈছিল যে যদি কোনো মুছলমানে হিন্দু যুৱতীক উৎপীড়ন চলাই তেনে মুছলমান মহিলাক অপহৰণ কৰি ৰাজহুৱাভাৱে ধৰ্ষণ কৰা হ’ব৷ ভিডিঅ’টোত তেওঁৰ এই আহ্বানত বহুলোক উল্লাসিত হৈ পৰা দেখা গৈছিল৷
ইয়াৰ পিছতে স্থানীয় লোকে স্বয়ম্ভূ সাধুবাবাজনৰ বিৰুদ্ধে আৰক্ষীৰ ওচৰত অভিযোগ দাখিল কৰিছিল যদিও আৰক্ষীয়ে কোনো পদক্ষেপ গ্ৰহণ কৰা নাই বুলি অভিযোগ উঠিছে৷
লগতে পঢ়ক উৰন্ত বিমানত মহিলা যাত্ৰীৰ সন্মুখতে হস্তমৈথুন যাত্ৰীৰ! কি হ’ল ইয়াৰ পিছত?
কিন্তু প্ৰায় ৬ টা দিন যোৱাৰ পিছত যোগী আদিত্যনাথৰ আৰক্ষীয়ে ঘটনাটোৰ সন্দৰ্ভত তৎপৰ হোৱা দেখা গৈছে৷ ৬ টা দিনৰ পিছত সীতাপুৰ আৰক্ষীয়ে ভিডিঅ’টোৰ সত্যাসত্য নিৰ্ণয় কৰাৰ পিছত স্বয়ম্ভূ সাধুবাবাজনৰ বিৰুদ্ধে ব্যৱস্থা লোৱা হ’ব বুলি ঘোষণা কৰিছে৷
কিন্তু অভিযুক্ত সাধুবাবাজনৰ বিৰুদ্ধে আৰক্ষীয়ে এতিয়াও কোনো ব্যৱস্থা নোলোৱাৰ অভিযোগ কৰিছে স্থানীয় লোকে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
