টেষ্ট- টি-২০ত অৱসৰৰ পাছত এতিয়া কেতিয়া খেলপথাৰত দেখা পাব ৰোহিত শৰ্মাক
টেষ্ট ফৰ্মেট আৰু টি-২০ ক্ৰিকেটৰ পৰা অৱসৰ লোৱাৰ পাছত এতিয়া অনুৰাগীৰ আশা পৰৱৰ্তী সময়ত কেতিয়া খেলপথাৰত দেখিবলৈ পাব প্ৰিয় খেলুৱৈগৰাকীক।
সদ্যহতে টেষ্ট ফৰ্মেটৰ পৰা অৱসৰ ঘোষণা কৰা ৰোহিতে ২০২৪ চনৰ টি-২০ বিশ্বকাপৰ পাছত টি-২০ আন্তঃৰাষ্ট্ৰীয় খেলৰ পৰাও অৱসৰ লৈছিল। এতিয়া ৰোহিত শৰ্মাক কেৱল এদিনীয়া ক্ৰিকেট খেলা দেখা যাব।
ৰোহিতৰ অৱসৰৰ পাছত ৰোহিতবিহীন ভাৰতীয় দলে জুন মাহত টেষ্ট খেলিবলৈ ইংলেণ্ডলৈ যাব, তাত ভাৰত আৰু ইংলেণ্ডৰ মাজত পাঁচখনীয়া টেষ্ট শৃংখলা অনুষ্ঠিত হব। জুন মাহৰ পৰা আৰম্ভ হ’ব এই টেষ্ট খেলখন আগষ্ট মাহলৈকে চলিব।
অৱশ্যে ইয়াৰ বাবে দলটো এতিয়াও ঘোষণা কৰা নাই বিচিচিআইয়ে। কিন্তু টেষ্টৰ পৰা অৱসৰ লোৱাৰ বাবে ৰোহিত শৰ্মা দলত নাথাকিব, ৰোহিতৰ ঠাইত অন্য খেলুৱৈয়ে দলৰ অধিনায়কত্ব কৰিব।
আগষ্ট মাহত ভাৰত আৰু বাংলাদেশে এদিনীয়া শৃংখলা খেলিব। ভাৰত আৰু বাংলাদেশৰ মাজত অনুষ্ঠিত হব লগা এদিনীয়া শৃংখলাখন তিনিখনীয়া। ইয়াৰ প্ৰথমখন মেচ হ’ব ১৭ আগষ্টত।
অৰ্থাৎ এই দিনটো হ’ব ৰোহিত শৰ্মাক পুনৰ টিম ইণ্ডিয়াৰ জাৰ্চিত খেলাৰ , কাৰণ ৰোহিতে কেৱল এদিনীয়া ফৰ্মেটৰ পৰা অৱসৰ লোৱা নাই। সেয়ে হিটমেন ৰোহিতৰ অনুৰাগী সকলে এতিয়া ১৭ আগষ্টলৈ ৰখিব লাগিব প্ৰিয় খেলুৱৈগৰাকীৰ খেল চাবলৈ।
এই ছিৰিজৰ দ্বিতীয়খন মেচ ২০ আগষ্টত আৰু তৃতীয়খন মেচ ২৩ আগষ্টত অনুষ্ঠিত হ’ব। যদি সকলো ঠিকে থাকে তেন্তে এই তিনিখন মেচত দেখা যাব ৰোহিত শৰ্মাক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
