‘পুষ্পা ২’ৰ বাবে আকাশলংঘী পাৰিশ্ৰমিক লাভ কৰিছে দক্ষিণৰ ছুপাৰষ্টাৰ আল্লু অৰ্জুনে। আৰু ইয়াৰ লগে লগে তেওঁ দেশৰ আটাইতকৈ দামী অভিনেতাৰ তালিকাত ছলমান খান আৰু অক্ষয় কুমাৰক পিছ পেলাই তিনি নম্বৰ স্থানলৈ উধাইছে৷
‘পুষ্পা: দ্য ৰাইজিং’ ছবিখনৰ পিছতে খ্যাতিৰ শীৰ্ষত উপণীত হৈছে দক্ষিণৰ ছুপাৰষ্টাৰ আল্লু অৰ্জুন। ছবিখনৰ পৰৱৰ্তী খণ্ডলৈ দৰ্শকে আগ্ৰহেৰে অপেক্ষা কৰি আছে। খবৰ অনুসৰি ২০২৪ চনত মুক্তি পাব ‘পুষ্পা’ৰ দ্বিতীয় খণ্ড। শীঘ্ৰেই ছবিখনৰ শ্বুটিং আৰম্ভ হ’ব।
আল্লু অৰ্জুনক লৈ ‘পুষ্পা: দ্য ৰাইজিঙ’ৰ দৰ্শকৰ মাজত ব্যাপক উন্মাদনা আৰু উৎসাহ দেখা পোৱা গৈছিল৷ সেয়ে ‘পুষ্পা: দ্য ৰাইজিঙ’ৰ চিকুৱেল খণ্ডত অভিনেতা আল্লুৰ পাৰিশ্ৰমিক বহু পৰিমাণে বৃদ্ধি পাব বুলি ভৱিষ্যদ্বাণী কৰা হৈছিল। আৰু এতিয়া সেই ভৱিষ্যদ্বাণী সত্যত প্ৰমাণিত হৈছে৷ প্ৰকাশিত খবৰ মতে আল্লু অৰ্জুনে ‘পুষ্পা: দ্য ৰুল’ৰ বাবে ১২৫ কোটি টকা পাৰিশ্ৰমিক লাভ কৰিছে।
লগতে পঢ়ক কাজিয়া! প্ৰচণ্ড মাৰপিট! আৰক্ষীয়ে আৰক্ষীক ঘুচিয়াই নাক ভঙাৰ চেষ্টা
সূত্ৰ অনুসৰি ‘পুষ্পা’ৰ দ্বিতীয়ৰ মুঠ বাজেট হৈছে ৪৫০ কোটি। তাৰ ভিতৰত ১২৫ কোটি টকা ইতিমধ্যে ছবিখনৰ নায়ক আল্লুক পাৰিশ্ৰমিক হিচাপে প্ৰদান কৰা হৈছে। যাৰ ফলত অক্ষয় কুমাৰ আৰু ছলমান খানক পিছ পেলাই আল্লু অৰ্জুনে দেশৰ আটাইতকৈ দামী অভিনেতাৰ তালিকাত তৃতীয় স্থানলৈ উন্নীত হৈছে। সূত্ৰ অনুসৰি, ছলমান খানে তেওঁৰ আগন্তুক ছবি ‘কিছি কা ভাই কিচি কী জান’ৰ বাবেও একে পৰিমাণৰ পাৰিশ্ৰমিক গ্ৰহণ কৰিছে।
‘পুষ্পা: দ্য ৰুল’ত আল্লু অৰ্জুনৰ বিপৰীতে অভিনয় কৰিছে ৰশ্মিকা মন্দনাই। দক্ষিণৰ আন এগৰাকী জনপ্ৰিয় অভিনেত্ৰী ছাই পল্লৱীয়ে নতুন খণ্ডটোত অভিনয় কৰিব বুলিও প্ৰকাশ পাইছে৷
সূত্ৰ অনুসৰি, পৰিচালক সুকুমাৰে ইতিমধ্যে অভিনেত্ৰী ছাই পল্লৱীৰ সৈতে কথা পাতিছে। ইফালে শেহতীয়াকৈ ‘গুড বাই’ৰ ট্ৰেইলাৰ লঞ্চত ‘পুষ্পা’ৰ পৰৱৰ্তী খণ্ডৰ বিষয়ে মুকলিকৈ কয় ৰশ্মিকাই। দুদিনমানৰ পিছত শ্বুটিং আৰম্ভ কৰিব বুলিও কয়। বহু প্ৰত্যাশিত ছবিখন হয়তো মকৰ সংক্ৰান্তি ২০২৪ত মুক্তি পাব৷ অৱশ্যে এই বিষয়ে এতিয়াও আনুষ্ঠানিকভাৱে একো ঘোষণা কৰা হোৱা নাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
